小編尤其欣賞沙嗲湯底做得好既火鍋店，而九龍城呢間沙嗲火鍋湯底，一入鋪頭濃香既沙嗲包圍住食客既嗅覺，而且入貨既牛肉極高質，極品牛肉皇仲索價＄2500！平平地可以試下呢個雪花油脂平均既星級牛肉，既嫩滑牛味又重，真心好食。
▲必叫沙嗲湯底($60)，湯底除左沙嗲，仲特別加入花生、花奶等，食落濃稠惹味，配上新鮮牛肉，味道分外搭調。不過小編提提大家，必須經常注意沙嗲湯底既水份夠唔夠，如果唔係好易燶底架！
▲雖然呢度有價錢極品既牛肉皇，但唔少朋友食過都就得頂級手切牛肉 ($298)已經好正！牛肉切得件件大細相約，大部分都係肉質夠腍、牛味夠香既肉眼。
▲有沙嗲湯同牛肉，點會少左公仔麵果份？沙嗲湯底其實係好濃郁，完全唔使點任何醬汁，三爬兩撥就食完成個麵。
▲響鈴($30) 響鈴會吸收哂所以沙嗲精華，超級惹味！
方榮記沙嗲牛肉專家 (九龍城)
地址：九龍城侯王道85-87號地下
文字來源：香港人.遊香港／圖片來源：munching_dentist，pacoy365，bunnymeow.foodie，leonlamb
相關文章：
【紐約第一好味！人氣漢堡店Shake Shack】
【全部都係士多啤梨草莓主題Tea Buffet☕】