去樂園並唔係女人嘅專利！阿布扎比嘅法拉利主題樂園係全球首個以法拉利為主題嘅遊樂園，同時亦係全球最大嘅室內遊樂園，場內仲展出好多唔同類型嘅賽車，簡直係車迷嘅天堂呀！
▲法拉利樂園，係全球第一座法拉利樂園，同時亦係全球最大室內嘅遊樂園。喺高空望落去，仲可以見到全球最大嘅法拉利Logo添！
▲除咗機動遊戲之外，場入面仲擺放咗好多唔同類型咗賽車添，聽聞好多平時唔願影相嘅男士都忍唔住要求幫佢留「倩影」(笑)
▲由於係室內遊樂園嘅關係，就連跳樓機都係室內入面進行！
▲呢個被稱為全世界最快嘅過山車（最高時速可達240公里/小時）就係唯一一個室外進行嘅機動遊戲喇！
樂園雖然無迪士尼或者環球影城咁大，不過都可以玩一日，而且人流比較少，等候時間唔會太長，可以慳番買Fast Pass嘅錢！一般票價為成人AED235/ 孩童AED195 (130公分以下)
溫提：由於長期處於冷氣地方，建議可以帶一件小外套以備不時之需。
法拉利主題樂園 Ferrari World Theme Park Abu Dhabi
地址：Yas Island Drive, Yas Island, Ferrari World Abu Dhabi, Abu Dhabi, United Arab Emirates
開放時間：全年 11:00-20:00
文字來源：香港人.歎世界/圖片來源：互聯網
相關文章：
【日本｜滋賀。雲上的世界☁激靚琵琶湖露天Cafe】
【日本|和歌山。円月島白浪濱😲】