係食一種情懷！
每逢冬天，每區既炒栗子🌰木頭車就會重出街頭，行經港鐵站、熙來攘往街道，就會見到木頭車老闆就落力地將黑沙同栗子一齊炒，雖然價格已經如樓市般暴升，但係小編極之欣賞老闆既堅毅，仲有真。炭火煨熟蕃薯🍠，蕃薯肉質甘甜，食完又飽肚又暖身！
▲小編讀書年代經過呢d木頭車，每逢寒冷冬天，都會買包暖烘烘栗子或者煨蕃薯，唔食全用黎暖下手都好！
▲一部外表簡單又純樸既木頭車，擺放非常整齊，除左栗子同煨蕃薯，仲有其他窩心美食。
▲係大鐵鑊內加入糖砂生炒，將其栗子迫熟之餘而唔爆開，功架十足
▲糖砂生炒栗子，栗子肉實實香甜，焦香度十足。
▲鹽焗鵪鶉蛋，一啖一粒鵪鶉蛋，檔主先要把炒粗鹽炒熱，然後把鵪鶉蛋放入高溫粗鹽烘焗，雖然膽固醇已經同小編say Hello，真係好難抗拒
▲仲有紫心蕃薯同黃心蕃薯比大家選擇，平時要bbq先食到既煨蕃薯，到冬天可以係木頭車買一個一路行一路食。
🌰糖炒栗子木頭車🍠
出沒地點：部份港鐵站外
文字來源：香港人.遊香港／圖片來源：vivakay、winnie.ylc、niemniem、randakwok、haychance