消暑必佳！
最常聽到的消暑方法係食西瓜和飲凍品嘢，去到韓國，當地人的解暑方法同日本有些相似，夏天食冷麵來降溫。夏日去首爾旅行，經過明洞不況去食一碗北韓冷麵，你冇聽錯！南韓有北韓嘢食，呢個疑問係涉及到遠古歷史，自己去問維基 。北韓冷麵由蕃薯粉製成，所以口感好煙韌到要嘴嚼多幾下先斷。這間店有水冷麵和拌冷麵比你選擇，拌冷麵就係北韓咸興冷麵，係幾辣下，又冷又辣，容易係悶熱的天氣下激起你的食慾。唔想食辣可以揀水冷麵，讓身體感到涼快。
▲咸興冷麵係用咗粟米和蕃薯製成的幼麵，加入辣椒醬、調味料和生魟魚片去攪拌。生魟魚片在醋及醬油中泡咗一至二日，食入口好入味。冷麵上檯的時候，侍應會用煎刀剪斷冷麵，方便食客享用。如果唔想剪斷，可以講比店員不駛剪，食長麵條仲代表長壽的意思架。
▲食麵前都會先上一杯熱騰騰的牛骨湯，牛骨味好突出，味道鮮甜，飲落順口。
▲唔食得辣的朋友，可以試這個冰涼嘅水冷麵。從表面睇湯底好似很清啖，其實飲落有濃濃的鮮甜，因為湯底係用牛骨高湯熬製。碗麵的牛肉片肉質有咬勁，越咬越甜，整碗麵的味道層次豐富。
▲唔夠飽的大胃王，可以叫一份韓式手作餃子，入面好多菜做餡料，包括高麗菜和韭菜，加入豆腐、絞肉和白芝麻等，整體味道好鮮甜。
明洞 咸興麵屋
地址：首爾市中區明洞2街26-1號
電話：02-776-8430
營業時間：09:30－22:00
文字來源：香港人.歎世界/圖片來源：duka_chan、dondonvader、laura41335、haebang_
—————————————————————
相關文章：
【韓國|首爾。全韓國接近700間的拉絲cheese米熱狗！】
【韓國|首爾。真偽文青打卡處！ 】
—————————————————————