清幽環境！
煎魚灣位於南大嶼郊野公園，煎魚灣營地南行500米就係分流西灣。呢度水清沙幼、環境清幽，不過如果想係呢度露營，就留意返喇，煎魚灣營地有八個營位， 先到先得，而係營地高處，可以欣賞大嶼海峽風光，佔有利位置欣賞夕陽西下，有一份寧靜既美。
注意事項：
⚠愛護郊野自己垃圾自己帶走！
▲煎魚灣最高處營位是觀日落極佳位置，天朗氣清的日子，可遠眺澳門及珠江三角洲一帶景色
▲營地設施只有燒烤爐、曬衣架及旱廁，不過冇野餐枱櫈同水源，露營人士需要自備食水，或者步行至分流村士多購買。
▲途中有處小碼頭，亦係賞日落之勝地。
▲由於煎魚灣杳無人煙，所以玩Light Printing之外，都可以試下影呢D相!
煎魚灣營地
地址：南大嶼郊野公園
營位數目：8
適合對象：有經驗之遠足及露營人士
設施：燒烤爐、櫈、污水穴、晾衫架
交通：
1)由東涌市中心乘11號或由梅窩乘1號往大澳巴士，在石壁水塘西站下車。沿鳳凰徑第七及第八段逆行前往（往大澳方向），步行約2小時，便可抵達營地。
2)由東涌市中心乘11號或由梅窩乘1號往大澳巴士，在大澳總站下車，沿鳳凰徑第七段往石壁方向前行，步行約2小時，便可抵達營地。
文字來源：香港人.遊香港／圖片來源：影攝食、nikonma_chan
—————————————————————
相關文章：
【兩手FING-FING去露營】
【港版馬爾代夫：🏊🏻♀白腊灣🏄🏻】