仲有招牌黑糖珍珠奶！
尖沙咀最近開咗間台式飲品店，一開就即刻帶來人龍，佢哋出品嘅光飲系列就連林心如都讚好，鹿角巷呢個品牌源自台灣，喺當地有超過20間店，標榜用料上乘，主打一系列超靚飲品，包括大自然光影嘅北極光、黑糖珍珠調製嘅黑糖鹿丸鮮奶、呃like一流！飲品可選正糖、少糖、無糖，一杯最平賣$14！
▲佢哋每一杯飲品都有獨特嘅名字同故事。而呢個日月星辰系列，相信係呢個夏天都幾受歡迎！外型同味道一樣咁醒神！呢個飲品店係台灣一早已經聲名大噪，連林心如都撐！
▲晨曦(橙黃色)係芒果味($38)，北極光(紫色)係巨峰提子味($38)。呢個幻彩飲品你以為用左好多化學品溝出黎？你錯喇！做法係先加入蘋果醋，再加入由提子果汁打成沙冰，最後加入蝶豆花。大多都係天然食材
▲黑糖鹿丸鮮奶(有珍珠，$28)使用上新鮮熬煮鹿丸珍珠，從量粉、篩粉到成形到一絲不苟，用上等黑糖煮珍珠，因此食落煙韌而有咬口，岩岩煮好既珍珠暖暖地特別滋味，配合冰凍濃郁奶茶，冰暖交匯咁口感超特別！
▲大部份飲品都配以呢個黑糖鹿丸，店鋪提供兩個飲用方法：第一個方法係唔好搖，將吸管插到底即刻飲，感受鹿丸&牛奶冷、熱交錯口感；而第二個方法則係直到飲到充滿黑糖香嘅鹿丸，再攪「9」下搖勻，享受第二層次「濃厚淡雅」嘅感受黑糖鹿丸。
▲小鹿出抹 ($28)佢地仲深明香港大愛抹茶，於是推出香港限定，呢個抹茶珍珠入口甘甘地，即席以茶碗沖，底層當以配返煙韌黑糖鹿丸。
The Alley 鹿角巷
地址：尖沙咀良士大廈地下F舖
電話：2157 9267
時間：12:00 – 22:00
文字來源：香港人.遊香港／圖片來源：kennygogo lwykathy