仲有嘉年華🤡！
今個萬聖節，仲掛住Trick or Treat？識玩梗係Trick or RUN！仲要係成班嘩鬼跑轉九龍東咁玩！約埋成班朋友同屋企人嚟「萬聖節街跑@九龍東2017」！仲分左3個形式嘅活動，無論大人細路都玩得！ 參加者可選擇不同路程：3公里、5公里、10公里、半馬拉松。活動將分組分時段進行，約三十人內一組以小組形式於「牛頭馬面領跑員」帶領下出發。不設計時、非競賽、不設名次獎項。為鼓勵大家盡情投入萬聖節氣氛，凡作萬聖節打扮「扮鬼扮馬」的參加者更可獲大會送出神秘禮物乙份！
▲參賽者仲可以發揮創意，以最搞「鬼」、最意想不到、最嚇人一跳的造型，到指定的拍攝區由大會拍攝參賽相片，贏得最「搞鬼」扮相大獎。
▲難得機會俾你扮鬼扮馬大街大巷咁跑，跑遍九龍東各區，包括：觀塘海濱長廊、觀塘工業區同大街小巷、以至啟德郵輪碼頭，梗系要著到鬼火甘靚啦！
▲晚上6時至9時，台上不斷放送好聽音樂，讓氣氛熾熱高漲。表演單位包括：Kolor、MastaMic、黃靖、Blaster、Mr. Rocket Head (火箭頭先生樂團)、神奇膠等等！
▲另設「南瓜特工孖住跑」！參加者需於限時內合力完成「南瓜怪魔」指派嘅六個任務，包括真係捧住個南瓜跑，考你地默契、腦力、體力、敏捷度。成功完成就可以得到「南瓜怪魔」送出嘅神秘禮物！同樣不設計時、非競賽、不設名次獎項架。
萬聖節街跑@九龍東2017
日期：2017年10月 29 日
時間：13:00 – 22:00
地點：觀塘海濱道反轉天橋底一號場
報名： http://runour.city/hs17reg
文字來源：香港人.遊香港／圖片來源：互聯網