探索隱世角度！香港面積細大家都知，但好多可以影相打卡既地方都唔少㗎，西貢嘅鹽田梓就係香港其中一個影相超級靚既地方，而且呢到仲可以離遠市區、去大自然放鬆一下，咁郊遊通常都會見到啲拜神嘅祠，但鹽田仔就只會見到教堂，唔講你唔知呢到就係香港天主教發源地。
▲鹽田梓嘅風景優美，環境安靜，有時間多啲親近大自然，輕鬆下幾好
▲呢到一個必去嘅check-point––玉帶橋，呢到絕大部份都會去，而且好適合影相。係附近更會有一小片紅樹林，呢面嘅環境亦令人們更了解紅樹林對自然生態的重要性。
▲島上有不少野貓流浪，間中會發現佢地身影！
▲教堂名叫聖約瑟教堂，係香港難得咁有歷史價值嘅教堂，曾由聯合國頒發「文化遺產保護」優異獎得獎的教堂，所以值得去打卡拍留念。
▲教堂入面，成日都有好多情侶黎影相留念，都好sweet。
▲兩位神父於1864年到鹽田梓探訪及傳教，於1875年已為島上的所有村民領洗，成為教友村。現時居民大部分為天主教徒，不少為神職人員。
▲當然不少的美食自家製茶果，有南瓜、杏仁、雞屎藤、蕃薯4款味道，煙煙韌韌美味到不得了！
▲小編至愛香甜杏仁味。($4/個)
▲島上設有鹽田，從前居民從事曬鹽工作為主。
鹽田梓
電話： 2791 6226
地址:西貢鹽田梓村
交通資訊:西貢碼頭乘搭街渡，星期六、日有定時街渡，碼頭附近應找到售票的攤檔(每位$30-$40)
文字來源：香港人.遊香港／圖片來源：互聯網