香港好去處︱LEGO版《清明上河圖》挑戰破健力士世界紀錄
全球最大的LEGO版《清明上河圖》挑戰破健力士世界紀錄！由Lego大師拼砌、動用200萬類顆粒建構的LEGO版《清明上河圖》首度於中環展出！是次挑戰世界紀錄的《清明上河圖》LEGO®立體情景模型長26米、闊1.78米，模型於今年5月正式動手拼砌，暫時只完成了一部分，不過已達到4米長，作品最矚目的必定係城樓、旅館、大酒樓、虹橋等汴京城市繁華景象，城樓部份非常壯觀，重現咗古代傳統屋頂與斗拱等建築設計，旅館入面仲有準備考進士嘅讀書人Lego人偶，超細緻！活動更設有公眾導賞團和工作坊，有興趣嘅朋友，記得唔好錯過！
▲城樓部份十分宏偉壯觀，古代城樓屋頂與斗拱的建築設計透過Lego重現眼前。
▲城樓外的街道人來人往，車水馬龍，展現城市內非常熱鬧的情景。
▲城樓下更有代表北方商旅的駱駝悠閒走過，可見汴京是個做生意好地方，既自由富庶又安全。
▲根據文獻記載，古時汴京有七十二間出名的大酒樓，而「孫正店」就是城內最繁華的酒家之一，樓高兩層，門前搭起掛滿彩帶裝飾的「歡門」，是兩宋時代食店流行的店面裝飾，店門口用彩帛及彩紙等紮成門樓，極具特色。
▲北宋時期，讀書人會「遊學京師」，去汴京讀書求學考進士，希望一朝高中做官，而「久住王員外家」就是為這些學子包食宿的旅館之一。
▲活動亦與考古學專家合作，舉辦《清明上河圖》公眾導賞團，讓大家透過欣賞LEGO版《清明上河圖》，進一步認識及了解兩宋時代的繁華景象及人民生活。(每節時間15分鐘，每場名額15個，先到先得)
▲大家仲可以即場參加有獎遊戲，只要成功估出預展模型內所採用的LEGO®人偶的數量，即有機會參加工作坊，與Lego大師一齊砌模型，挑戰世界紀錄！
LEGO版《清明上河圖》
活動日期：即日起至2024年8月25日
活動時間：09:00-19:00(星期一至五)，09:00-13:00(星期六)
地址：中環花園道1號中銀大廈地下大堂
導賞團日期：
2024年8月3日︱11:00-11:15、11:30-11:45
2024年8月17日 ︱11:30-11:45、12:00-12:15
參加方法：只需以Inbox形式發送訊息至「TrendyTogether22」Instagram 賬號，並註明「我想參加公眾導賞團」及報名場次。成功登記的市民將透過Inbox收到通知。
文字：香港人遊香港