親子好去處2023｜鯊魚先生主題7米高滑梯+飛索+波波池登陸沙田

夏日炎炎想玩刺激活動，但唔想曬太陽又怕流汗？咁馬鞍山呢個室內玩樂營就啱哂你啦！以人氣插畫「鯊魚先生」做主題，帶大家一邊探索刺激海洋世界，一邊學習保育知識！玩樂裝置包括7米高的動感海洋滑梯，從滑梯直接滑落波波池，池內有充氣鯊魚先生等緊你！仲有10米長飛索體驗，快速飛越以回收膠樽打造的「珊瑚海」、大白鯊同鎚頭鯊，有膽量的朋友仔一定鍾意！同場仲有4大打卡位，可以同鯊魚先生合照影靚相！除了玩樂之外，商場仲有珊瑚展覽，首次展出鹿角珊瑚胚胎同10種本土極罕珊瑚骨標本，可以深入了解海洋保育及各款珊瑚物種。今個夏天想消暑又想玩得暢快，就一定要嚟啦！
#沙田好去處2023

▲馬鞍山室內玩樂營，以人氣插畫「鯊魚先生」做主題，有刺激的玩樂裝置，仲有打卡位！

▲從1.8米高的動感滑梯下來就有波波池迎接你！同鯊魚先生一齊暢遊。

▲有專業飛索團隊提供好刺激的10米長飛索，大人小朋友都可以玩！

▲玩飛索時會快速飛越用回收膠樽打造的「珊瑚海」、大白鯊同鎚頭鯊，喺陽光下折射嘅光線做到波光𥻘𥻘嘅效果！

▲仲有打卡位，可以同嘴巴開開會走路的超可愛鯊魚一同合照！

▲商場仲有珊瑚展覽，展出鹿角珊瑚胚胎同10種本土極罕珊瑚骨標本，可以深入了解海洋保育及各款珊瑚物種。

▲有instagram嘅鯊魚先生別注版AR filter畀大家影靚相打卡。亦有親子環保工作坊，親手製作「動能船」。

▲H．COINS會員滿足指定條件集齊3個印花就可換領限量精品。

「最GREEN『鯊』灘玩樂營」

地址：MOSTown新港城中心L2天幕廣場 (港鐵馬鞍山站B出口)
日期：2023年7月14日起至8月27日
時間：12:00-20:00

文字：香港人遊香港