香港都有櫻花睇！最近於天水圍公園有8棵八重櫻盛開，粉紅花瓣開得燦爛，營造夢幻環境，是春季賞花及打卡必去！呢8棵櫻花樹是於2023年香港花卉展曾展出的，不過當時未到「滿開」狀態，現在到盛放階段，被移到天水圍公園，粉紅色的花瓣超美超浪漫！八重櫻又名牡丹櫻，花瓣又多又細，綻放的樣子像牡丹。花期通常是2月中旬至3月，現正處於滿開狀態，想欣賞到超美的粉紅櫻花就要把握時間盡快去啦。不過即使錯過盛開時期都仲可以欣賞到另一美觀，就是「櫻吹雪」啦，凋謝期時花瓣被吹落，到時會滿天粉紅！場景仲浪漫，到時站於落花中打卡就猶如日劇主角般。眾所週知櫻花季想旅遊到外地賞花很貴，香港現在都有唯美櫻花觀賞，公園更是免費開放的公共設施，點可以錯過！
▲現在是八重櫻盛開的時期！
▲粉紅花瓣開得燦爛，感受到又夢幻又浪漫的感覺
▲花瓣層層疊疊，一個個花球綻放，十分驚艷
▲八重櫻花瓣層數比一般櫻花多，而且形狀多樣，不論遠近，觀賞起來都超美。
▲不久後凋謝期時花瓣被吹落營成「櫻吹雪」同樣浪漫
天水圍公園
地址：元朗天水圍天瑞路六號
開放時間：24小時開放
文字來源：香港人遊香港/圖片來源：香港風景分享組組員Ada Hung提供