香港好去處:【粉紅浪漫賞花遊!嘉道理賞鐘花櫻桃+梅花!】

又到左一年一度嘉道理賞花時間,呢個時候桃紅色既台灣鐘花櫻桃同梅花都開得超靚,鐘花櫻桃位於胡挺紀念亭附近,有幾十棵之多!而過往門口粉紅梅花亦於此時候淡淡滲出美態,是另一個仙氣打卡位!農曆初一至初二全日休息,初三就開始開放俾大家,不妨趁新年入園賞花行大運!

▲嘉道理農場胡挺生紀念亭長了數十棵鐘花櫻桃,而呢度係本港最大之鐘花櫻桃地,鐘花櫻桃係台灣品種,係日本叫寒緋櫻。

▲ 鐘花櫻桃通常在2月中下旬開花,比起上年提早咗開花,爭艷鬥麗咁。

▲鐘花櫻桃花朵呈傘形,花粉紅色跟日本櫻花一樣。

▲最容易搵就係梅花,差不同近入口已有,而整個山頭到處都係。

▲農曆初一至初二全日休息,如果想賞花大家可以初三開始來打卡!

嘉道理農場暨植物園

開放時間︰
上午9時半至下午5時;下午4時後停止入園
休園安排︰
周四除夕中午12時45分起休園,下周二初五重開
前往交通︰
於大埔或元朗乘九巴64K線,嘉道理農場站下車
入場門券︰
12歲或以上20元,12歲以下及60歲以上免費
園內穿梭巴士︰
12歲或以上10元,12歲以下及60歲以上5元;平日每日四班,周末、周日及公眾假期20分鐘一班
賞花位置︰
梅花:最多介乎嘉道理兄弟紀念亭至觀音山山腳;
鐘花櫻桃:近胡挺生紀念亭

注意事項:
⚠愛護郊野,自己垃圾自己帶走!

文字來源:香港人.遊香港/圖片來源:mmmonapingRingo Choi