香港好去處:【大棠以外!落羽杉轉紅配上中式庭園!絕美打卡景點!充滿偽日本味道!】

踏入1月,落羽杉等轉紅,好多人都到不同的地方賞大自然之美。要數賞紅葉之地,除了大棠外,荔枝角公園亦係一個唔錯的選擇。全個公園劃分為多個風景區,當中「嶺南之風」以中式庭園作設計,有中式橋樑、荷花池、假山和涼亭等等,湖邊有多棵落羽杉,搵啱角度,影出嚟滲出「偽日本味道」,可以話係絕美打卡景點。除了「嶺南之風」外,公園亦有以西式設計的風景區,包括希臘風藍白色小城堡、白色韆鞦椅和樹葉拱門,好似去咗「愛麗絲夢遊仙景」中,非常IG-able。

踏入1月正是楓葉季節,相信假日的元朗楓葉林必定人山人海,建議大家假日想觀賞楓葉可以嚟到荔枝角公園遊玩影相打卡!

▲「嶺南之風」湖邊有多棵落羽杉,搵啱角度,影出嚟嘅相滲出「偽日本味道」,可以話係絕美打卡景點。

▲荔枝角公園平日人流會較少,對攝影師來說可以有更多時間補捉理想構圖。

「嶺南之風」以中式庭園作設計,有中式橋樑、荷花池、假山和涼亭等等。

荔枝角公園

地址:美孚地鐵站D出口
開放時間:07:00-23:00

文字:香港人遊香港/圖片:@colin.li.31