11 SKIES是全港最大型的一站式零售餐飲娛樂商業區，位於香港國際機場航天城，將成為集零售娛樂消閒、醫養及金融服務於一身的地區樞紐，為香港、大灣區其他城市及全球人士帶來獨一無二的創新體驗。11 SKIE總樓面面積380萬平方呎，超過800家店舖、逾120種餐飲概念，包括有香港首間4D動感飛行影院、沉浸式藝術館體驗娛樂設施之餘，亦有甲級辦公大樓等設施。此外與香港國際機場連接，四通八達，位於11 SKIES基座嘅航天城交通總匯已正式啟用，各種交通工具均可輕鬆到達，而附近亦有賞櫻及隱世靚景打卡好去處，即睇交通及打卡攻略啦！
▲11 SKIES為一站式零售、餐飲、 娛樂地標，有超過800家店舖、逾120種餐飲概念，以及香港最大室內娛樂空間！
▲當中有4項娛樂設施，包括香港首間4D動感飛行影院Timeless Flight Hong Kong，以香港風貌為主題，透過數碼技術、無邊界螢幕等先進科技，將香港日與夜的美景展現於高達13米的球形螢幕上。
▲來自韓國的最大型沉浸式多媒體藝術博物館ARTE MUSEUM，先進的投影技術及充滿震撼感的數碼藝術與音效。
▲還朕大中華區內首個以柏靈頓熊為主題的室內親子娛樂體驗Paddington™ Play Experience，以及KidZania趣志家兒童職業體驗樂園，預計於2023年底至2024年初陸續啟用 。
交通攻略｜航天城交通總匯概覽
▲航天城交通總匯位於11 SKIES基座，提供的交通服務包括專營巴士、港珠澳大橋口岸巴士、市區及大嶼山的士、觀光巴士及周邊酒店穿梭巴士。並於年底有16條專線巴士路線會設站，覆蓋港九新界14區，包括東涌、屯門、元朗、大埔、葵芳、天后、大角咀、將軍澳、藍田、油塘、慈雲山等，以及機場客運大樓與港珠澳大橋口岸。
旅客亦可從行人天橋前往鄰近的亞洲國際博覽館、酒店及機場快綫博覽館站等，直接到訪11 SKIES或到航天城交通總匯乘搭交通工具。
交通攻略｜巴士路線（市區）
交通攻略｜巴士路線（機場）
交通攻略｜巴士路線（港珠澳大橋香港口岸）
附近打卡熱點推介：
1.東涌河親子生態遊
▲大嶼山都有隱世天然河溪，其中一個位於滿東邨附近嘅東涌河仲係可以步行前往𠻹！放假一家大細嚟大嶼山，近近地都可以帶小朋友認識全港其中一條淡水魚物種最豐富嘅河流，附近仲有大片天然紅樹林同泥灘，最適合帶小朋友親親大自然！
起步︰滿東邨總站由巴士總站出發，步行約10分鐘，就會到達侯王古廟，經過古廟後繼續往東澳古道方向行，前面就係天然紅樹林同東涌河口潮汐帶
打卡位︰紫花風鈴木沿途有紫花風鈴木係大道兩側，適逢花開季節，遠望見到一片粉紅，靚極之餘可以停低打吓卡
教學位︰生物多樣性建議家長可以預先做定有關紅樹林同潮汐帶生物嘅資料搜集，去到就可以同小朋友實地講解！退潮時有機會見到石蟹、招潮蟹，同埋會喺泥灘爬行嘅彈塗魚，唔好走漏眼！
如果仲有精力，沿東涌河上游繼續行東澳古道，仲有機會見到唔雀鳥例如夜鷺同小白鷺等
來回需時：約1小時來回
東涌河親子生態遊貼士：
貼士1：建議退潮時前往，會見到更多生物
貼士2：注意安全及水漲時間，避免走入淤泥範圍（要穿著合適嘅衣物）
貼士3：記住唔好留底垃圾，唔好帶走任何生物
2.機場維修區
▲機場維修區及機場跑道尾一向係捕捉飛機遨遊天際嘅絕佳位置。而大家之後可以喺11 SKIES望到飛機升降，仲可以同步飽覽整個香港航天城宏偉建築。
3.東涌赤鱲角南路
▲由即日起機場赤鱲角南路的櫻花園將會正式開放，市民可一嘗賞櫻樂趣。而今年共種植了85棵屬「好運來」品種的櫻花樹，預計最燦爛的花期便是下個周末。
3.鳳凰山山麓 心經簡林
▲大嶼山追星熱點位於鳳凰山山麓嘅「心經簡林」 ，是全球最大戶外的木刻佛經群，由東涌出發搭巴士或坐纜車即可步行抵達！再提埋大家，黃昏時間由11 SKIES出發，搭乘Big Bus大嶼山觀光巴士嘅下午路線，就可以輕鬆連接至昂坪360東涌纜車站同其他週邊景點，中途仲會經過機場維修區，大家輕輕鬆鬆就可以喺車上打卡啦！
交通：港鐵東涌站B出口的東涌纜車站乘坐纜車至昂坪，車程約25分鐘；下車後，沿昂坪市集步行至昂坪廣場後，依路牌指示前往，步行約20分鐘即可到達。
航天城11 SKIES
地址：香港國際機場航天城東路8號
開幕時間：2024年初至2025年（暫定）分階段開幕
文字：香港人遊香港；圖片：FB@11Skies、11Skies官網