[駐場博客 Bruce Kwan Photography] 為大家推介香港世界地質公園「東平洲」
東平洲係地理上位於香港最東面既海島，擁有千奇百趣既岩石，與及千變萬化既海蝕地貌。而其中出名既景點包括有更樓石，龍落水，海螺洞等等。
天氣好時，係真正陽光與海灘，由於水質極之清，夏天更加會係玩浮潛既熱點！
島上亦有幾間士多供食物，而小弟就會為大家推介腸蛋麵，井水湯底真係零舍清甜，包你同平時食既味道唔一樣。
另外重有即叫即開既新鮮海膽，一板板既海膽邊有得同佢比呀？
大家記住去到要愛護環境，唔好亂掉垃圾及帶走當地既石頭呀！
安全起見，建議大家都係行返地質公園指定路線 (注意：所有香港既電話網絡都係收唔到，少一日網啦！
至於船期方面只有星期六日同公眾假期先有船來回，所以切記留意尾班船既時間，否則的話要留係島上一個星期，正式「人在野」架啦！
▲更樓石
▲頁岩平台
▲海螺洞
▲龍落水
東平洲
詳情請參考：翠華船務(香港)有限公司 電話：2272 2022
文字／圖片來源：
