都市熱話:【健康斷捨離!3間少鹽少糖食店推介!掌握飲食技巧!教你健康食火鍋燒肉秘訣!】

三五知己聚埋一齊,就離不開周圍去搵好嘢食。火鍋、燒肉、小炒係唔少香港人嘅至愛,可以坐耐啲傾耐啲,再揀埋少鹽少糖嘅湯底和配料,咁就好味得嚟又健康啦!就喺小編搵好嘢食嘅過程中發現有幾間別具特色嘅餐廳都參加咗少鹽少糖食店計劃,當中包括啖啖肉嘅燒肉店、烚下烚下嘅火鍋店同埋上海小菜餐館,真係值得向大家推介一下,繼續少鹽少糖飲食文化。

火鍋湯底要慎選 善用食材原鮮味

火鍋湯底選擇非常多,想食得健康就要揀少鹽少糖嘅湯底啦!例如:野菜昆布湯底和番茄湯底等,呢啲湯底嘅油鹽糖分量較低,清甜、健康得黎又唔肥。

▲溫野菜的昆布湯底就用上北海道昆布,提取食材本身嘅甘醇鮮味,不需另加調味料,就有鮮味濃郁的健康湯底啦。仲要留意火鍋嘅醬料好多都屬於高鈉嘅,所以最好都係盡量減少沾上醬汁,咁樣就更加可以品嚐食材嘅味道。

健康斷捨離:減少約2克糖及3克鹽

揀選優質燒肉 滋味由你話事

日本燒肉不會預先醃製,食材在客人落單時才加入調味;而每張餐檯上附有餐廳由日本直送的佐料,客人可選擇原味,或沾上少量醬汁,都一樣可以嚐到少鹽少糖的美味燒肉。

▲牛角日本燒肉專門店的上級牛肋肉(原味):先切走多餘肥膏及筋膜,再根據肉紋逆切切成片狀,建議可選擇原味,燒好後不沾加任何醬汁先品嚐原汁原味的牛肉,亦可按個人口味加入少量醬汁,享受優質牛肉滋味。

健康斷捨離: 美味燒肉自己揀

揀選天然低脂食材 配合烹調手法

一家大細聚餐通常都會揀選中式小菜,因為人人都啱食。揀選健康小菜,可留意食材本身的脂肪、鹽和糖的含量,多選擇天然低脂的食材,減少選擇醃製的食材和大量醬汁的菜式,再配上少油快炒、蒸、燜、燉等低脂烹調方法。菜式含較少鹽和糖,就更加健康啦。

▲和平飯店的清炒萵筍:萵筍肉質脆嫩,熱量低,還提供膳食纖維、鉀質和β-胡蘿蔔素;只須加少許鹽和糖烹調,便已經非常味美,而且更能保留其清甜及爽綠。

健康斷捨離:減少約2克糖及3克鹽

文字:香港人遊香港