今個暑假，添馬至會展一段的灣仔海濱長廊，將變成無論大人、小孩、甚至毛孩放電的好地方。由即日至9月中，灣仔海濱長廊將會增設多個以夏日及運動作主題的大型裝置，包括旋轉救生圈、巨型保齡球、獨木舟，以及幾座狗狗頒獎台，俾大人細路做做運動，舒展筋骨，感受奧運氣氛。星期五、六、日更有「海濱大使」，承著奧運勝利帶來的喜悅，幫大家喺維港海濱頒獎台影番張靚相，打個靚卡。海濱長廊更設有多款富有設計感的休閑區，可以舒服咁食住野，盡情享受維港美景。海濱長廊旁邊還有迎合夏日及運動主題的狗狗標誌，大家可以掃一下走廊旁的QR code，下載「灣仔海濱陪你放暑假」Whatsapp 動態sticker，實行又玩又拎。
7月尾至8月初一連兩個週末早上，仲可以一直行去灣仔碼頭旁嘅灣仔「HarbourChill海濱休閒站」，參與由海濱事務委員會及智樂合辦的「自遊玩 @海濱休閒站」，以「期間限定」的形式提供「自由遊戲」體驗，讓小朋友發揮想像力，在海濱空間享受一趟別具創意的遊戲旅程。詳情請瀏覽智樂Facebook專頁。
▲維港海濱頒獎台比你感受奧運氣氛
▲狗狗Summer水著look，夠晒夏日感。
▲狗狗救生圈，可以360度轉住睇維港。
▲狗狗Summer高爾夫球造型夠晒可愛，可以扮同佢打波。
▲巨型保齡球樽和保齡球超可愛，真係可以打個保齡球出去嚟個全中。
▲搶眼造型的獨木舟裝置，啱哂拍照打卡。
▲海濱長廊全程5.5公里。
▲「童樂園」有一大片草地更設有多個渠桶，可以自由發揮玩遊戲。
▲海濱長廊更設有多款富有設計感的休閑區，大家可以盡情享受海濱美景。
▲大大張木造太陽凳，曬住太陽夠晒Chill。
▲海濱長廊旁邊貼上不同的可愛狗狗夏日及運動主題標誌，更設有QR code，以電話掃一掃即可下載灣仔海濱陪你放暑假嘅WhatsApp動態sticker。
「灣仔海濱陪你放暑」戶外裝置
地點：灣仔海濱長廊(由添馬公園至會展)
日期：即日至9月中
「海濱大使」出現時間
時間：星期五、六、日15:00-19:00
「自遊玩 @海濱休閒站」
日期：2021年7月31日至8月1日、8月7日至8日（一連兩個周六、日）
時間：上午10時至下午1時
地點：灣仔HarbourChill海濱休閒站（毗鄰灣仔渡輪碼頭）
交通：搭乘渡輪或巴士到灣仔渡輪碼頭；或由灣仔港鐵站步行約12分鐘即達
智樂Facebook專頁：https://www.facebook.com/PlayrightHK/posts/4539312979446059
文字/圖片：香港人遊香港