沙田除咗行商場之外，近排Home Square仲新開咗個市集以「咖啡、家居用品」為主題，仲邀請超過20個本地手作設計師，包括時尚家具、餐飲品牌多方面的藝術創作者。除咗行市集之外，更可以體驗8個藝術工作坊，小編就推介可以揀生態瓶或者櫻花水信玄餅手工皂工作坊等，啱曬有品味嘅你！大家不妨今個週末過嚟睇睇！
▲Health _ Lifestyle Store，本地咖啡杯品牌，不時仲會有咖啡師駐場教你如何沖煮靚咖啡！
▲Ketobae_生酮英式鬆餅，健康人士最佳選擇，個Muffin最梗要係Sugar Free和低碳水化合物。
▲404 LOT FINE_焦糖咖啡堅果磅蛋糕， 還有多款與咖啡極夾的手工貝果，包括黑芝麻抹茶奶酥、肉桂蘋果多款口味等等。
▲Stubborn Coffee Roaster_牛奶咖啡蛋糕·冷制手工洗臉皂，呢個番枧用咖啡渣製作而成，外形好似個蛋糕仔咁，非常可愛~更有售賣不同的咖啡豆和咖啡掛耳包！
▲櫻花水信玄餅手工皂， 水信玄餅加入櫻花後晶瑩剔透裡帶點浪漫粉紅！不過今次呢個唔食得，係拎嚟洗手㗎！
▲生態瓶工作坊， 生態瓶本身源自於西方，係一個簡易機細小嘅植物園，將啲植物放入透明玻璃樽內，製作一個可自我循環的生態環境。
▲樹脂畫原木飾盤工作坊，利用樹脂創作，可以表現出不同嘅透明效果，驟眼睇落去好似玻璃咁，極具自然美感，而且每件作品都係由你創作，獨一無二~
▲咖啡渣紮染工作坊， 紮染是一種傳統民間染布工藝，導師會教授如何從咖啡渣中萃取天然染料，配合簡單的紮染技術，將獨特的圖案印染在環保袋上。
Home Square
開放日期：即日起至10月18日（逢星期六日及公眾假期）
地址：沙田HomeSquare 5樓平台花園
電話：2634 0666
網址：www.homesquare.com.hk
文字來源：香港人遊香港