九龍區再有新書店開幕，書友又多一個新地方可以打書釘啦！文青最愛的台灣連鎖書店「誠品」將進駐奧海城開設第四間分店！館內藏書超過40,000冊，今次仲有超過5大亮點，包括兒童館、文具及輕生活區、經典名書、仲有開幕特設主題書（對映香港）最後，就係誠品書店的船艙裝潢，非常特別！再多一間誠品的分店，相信唔少書迷都相當期待！
▲ 主題書：【對映香港】，從歷史、住屋、電影、飲食及社會多方面切入，零碎的故事拼湊成現在的香港，用文字述說古今香港的變化和發展，仲有多位香港作家的作品，包括劉以鬯、韓麗珠等述說香港故事。
▲ 經典名書， 以「人文思潮」、「文學譯傳」、「華文繁景」、「社會科學」、「藝術生活」、「管理典範」六大類型，小編就特別推薦《閱讀地圖─人類為書痴狂的歷史》呢本書，因為內容講述作者細膩描寫每個閱讀環節的奧妙，還會在不同的章節中揭開人類為書瘋狂的秘密，本書尤其適合閱讀重度成癮的書迷。
▲ 誠品兒童館，備受家長和小朋友歡迎，館內涵蓋兒童刊物、繪本和益智玩具等等，除了書籍之外，兒童館更結合獨特海鷗天花板設計，寓意小朋友仔書海中快樂閱讀。
▲ 文具輕生活區， 今次仲有奧海城店獨有的信紙設計，文青又點少得文具呢？有來自日本的人氣文青品牌SOU・SOU 、台灣SKB紳士黃銅鋼筆、當然唔少得本地品牌ditto ditto信紙。
▲生活區方面，就有美國Bookniture紙家具，摺埋就好似一本書咁，打開就可以當凳仔用，完美融合書同家具。 仲有本土手作的曉至陶瓷，包括餐具和香薰座等等。
▲閱讀區，一貫以往的貼心設計，特意設立座椅及書檯給客人，不喜歡拘謹的座椅都可以選擇靠近落地窗台的矮凳，同樣可以盡情享受閱讀時光。
誠品書店
地址： 西九龍奧海城3期地下高層UG55-58, 80-88號舖
營業時間：週一至週五11:00-21:00， 週六日及公眾假期10:30-21:30
文字：香港人遊香港