香港太古可口可樂期間限定店9月登陸荃灣！期間限定店面積約 1,300 平方呎， 9 月 1 日至27 日期間開設！主要分為4個部分，包括「時光隧道」、「歷史圖片」、「品牌精品」同「瓶瓶罐罐」！透過展示可口可樂嘅歷史，可以了解更多品牌背後嘅故事！另外 你可以製作印上你照片嘅專屬「可口可樂」慈善瓶，獨一無二又特別！部份收益會捐贈香港聖公會福利協會「心意行動」，幫助疫情下經濟有困難嘅家庭，又可以玩，又可以做慈善！ 可口可樂嘅fans一定要去朝聖啦！
▲ 香港太古可口可樂期間限定店9月登陸荃灣！
▲ 「時光隧道」 ：「時光隧道」牆展示「可口可樂」同香港太古可口可樂嘅歷史小百科，可以更了解品牌背後嘅故事！
▲「歷史圖片」： 多幅珍貴圖片見證咗「可口可樂」嘅難忘時刻！
▲「品牌精品」： 分享逾千件「可口可樂」精品，包括「可口可樂」廠房紀念瓶︴經典市場推廣商品、世界盃、奧運精神、時裝品牌、音樂、電影、城市、各種語言、形狀特別的「可口 可樂」瓶、經典玩具、北極熊、聖誕、聯乘精品、家品電器同經典 icon 組合等！
▲「瓶瓶罐罐」 ：牆身設計以不同年代嘅樽形為藍本，「香港可口可樂收藏家俱樂部」同其他收藏家慷慨借出精美嘅「可口可樂」瓶與罐以供展出！
▲ 「可口可樂」慈善瓶 : 可以製作印上你照片嘅專屬「可口可樂」慈善瓶，部份收益會捐贈香港聖公會福利協會「心意行動」，幫助疫情下經濟有困難嘅家庭！
香港太古可口可樂期間限定店
地址：荃灣白田壩街 45 號南豐紗廠 3 樓 301 舖
日期：2020 年 9 月 1 日(二)至 9 月 27 日(日)
開放時間：上午 11 時至下午 9 時
文字來源：香港人遊香港