蠄蟝石頂，因有一狀如蠄蟝嘅巨石聳立在山頂而得名，又有另一個名叫做「玉印山」，位於萬宜水庫北岸！蠄蟝石頂景色優美，可以盡覽萬宜水庫嘅美麗風光！由石頂望落去，山海景非常壯麗，絕對係一眾山系女孩嘅打卡熱點！由西灣亭出發，大約30分鐘之後就會到達吹筒坳，再行多大約半個鐘就會到蠄蟝石頂！呢條路線較為複雜同難行，行山新手要仔細衡量，量力而為，同埋最好搵有經驗嘅行山人士陪同前往！
▲ 建議路線：西灣亭—吹筒坳 —蠄蟝石頂 (原路折返) —吹筒坳—西灣亭
全長約6公里，全程約2個半至3小時！
▲ 西灣亭落車後，沿地圖資料牌側嘅水泥徑往吹筒坳。右轉沿麥理浩徑往西灣山方向行走。行過涼亭之後，在右方麥理浩徑的指示牌側的小徑前進。走上至小山崗，按絲帶嘅方向往西面下走，沿路有絲帶指引，亦冇分岔路，就可以到蠄蟝石頂！
▲ 用航拍就可以影晒全部山海景色，將萬宜水庫收藏喺相度！
▲ 坐喺石頂飽覽萬宜水庫風光，影下相呃like！
西灣亭交通：
- 於西貢市中心乘坐NR29村巴，於西灣亭下車 (NR29班次時間表)。
- 於西貢市中心乘坐的士直達西灣亭。
文字來源：香港人遊香港 / 圖片來源 ： @picso_travel