即日起至7月26日，全線千色Citistore舉行「全萌同樂 仲夏周年感謝祭」，大部分貨品特價後額外9折，小家電額外95折！買滿$800即可以優惠價換購Hello Kitty氣炸鍋、布甸狗藍牙耳機同其他Sanrio角色家品！夏日炎炎，同期千色Citistore更舉行「納涼祭」，當中多款甜品有優惠，包括Milk Top布丁和雪糕，仲有好受香港人歡迎嘅芒果糯米飯！
Sanrio粉絲專區
Sanrio卡通人物嘅吸引程度，大人同細路都抵擋唔到，印有佢哋卡通圖案嘅小精品又點可以錯過呢？背囊水樽呢啲返學必備用品都有6折，買定等Sanrio陪你9月開學！仲有暑假期間同朋友聚會唔少得嘅Board Game呀！
Sanrio獨家床品系列
▲Sanrio同雅芳婷crossover嘅床上用品，有大口仔同Little Twin Stars圖案畀大家選擇，低至半價發售！
▲雙人床笠、枕袋同被袋 ($499.5~697.5)：成個套裝都有折上折，買晒返去等佢哋陪你瞓個好覺喇！
▲抑菌全棉冷氣被 ($297-396)：夏天唔少得嘅冷氣被！
獨家Sanrio換購
只要喺「全萌同樂 仲夏周年感謝祭」期間消費每滿$800，即可以優惠價換購Sanrio Characters生活家品，數量有限換完即止！購物滿$2,400或以上更可以一次過換最多三種不同家品返屋企！
▲Hello Kitty2.2公升空氣炸鍋 (換購價+$429)：氣炸鍋係近來好受大家歡迎嘅煮食工具，可以減少油份，食得健康啲！
▲布甸狗藍牙耳機(換購價+$219)：耳機上印有可愛布甸狗圖案
▲Little Twin Stars香薰加濕機 (換購價+$189)：夏天成日開冷氣會搞到皮膚好乾，香港嘅冬天又係比較乾燥，放一部係屋企咁就可以有香氣之餘又keep到有水份 ！
夏日小家電
雖然話夏天開冷氣真係爽好多，不過有時加多把風扇嘅話，全屋就更加涼爽！今次「納涼祭」，千色Citistore有好多款唔同嘅風扇，由夾扇到座地風扇任君選擇，仲有最近好Hit的冷風機。
▲iNNOTEX無線2合1夾扇($178.6)：BB細個又唔敢成晚吹住冷氣，夾係BB床尾就唔怕吹親個頭。
▲「剛‧強風」16吋立體吹風遙控座地扇($399)：屋企未必放得落好大把風扇，16吋大細適中，放喺房或廳都啱用！
▲iNNOTEX迷你數碼冷風機($498.7) ：細細部放喺office或者廚房都好適合呀！
▲ HOMEY空氣淨化涼風機($1,985.5) ：香港製造，採用3M活性碳專業級靜電空氣濾網，有效過濾空氣中的PM2.5的微粒及氣味。仲贈送3M冷氣機泡沫清潔劑1支！
營養食品
近年潮流興養生同健康飲食，千色Citistore將軍澳店店外特設展銷場，搜羅咗嚟自美國、日本同泰國嘅健康、營養食品，包括有早餐食嘅燕麥脆片、本地生產嘅天然健康蔬果飲品、日本直送嘅和菓子等，一解對去旅行嘅思念！
▲2+3 新鮮飲料($28.6/2支)：夏天咁熱，屋企雪櫃放定幾支健康蔬果飲品，想飲就飲！
▲海星雪梨海底椰潤肺湯包($88.2)：有時想飲啖湯，又冇時間買料？唔使驚！買定足料湯包放喺屋企想飲就飲！
冰凍甜品
▲Milk Top布丁和雪糕都係買6送1再9折，不過只限荃灣同元朗店，想買嘅要Mark低喇！
▲芒果糯米飯 ($49.5)：邊個話喺屋企食唔到芒果糯米飯？想食唔使飛泰國，亦唔使去九龍城都食到！只限荃灣同屯門店。
今個夏天，全線千色Citistore仲有好多唔同嘅優惠同筍貨，有啲仲要係限定發售，唔好錯過啦！就算留喺屋企，都要好好enjoy夏天！
全萌同樂 仲夏周年感謝祭
日期：即日至7月26日
地點：全線千色Citistore (荃灣店 · 元朗店 · 馬鞍山店 · 將軍澳店 · 大角咀店 · 屯門店)
網址： https://bit.ly/3ekrxGN
文字：香港人遊香港