位於太子與深水埗交界的一間Café&Bar，啱新開冇耐！日頭好似普通打卡Café咁，夜晚搖身一變就成為酒吧！室內空間樓梯挑高非常闊落，必影門口打卡位，長凳呈青綠色間條設計，感覺非常復古！小店主打自家製可麗露，外皮鬆軟內裡好香濃焦糖味道，配上經典Espresso Tonic，口感刺激又清新帶有小小酸味！夜晚就會推出一些特色highball和Cocktails，如果各位都想夜晚嚟Chill下咁就要Instagram DM佢地訂位喇！ ▲Cinnamon Apple Bacon ($90)，Apple crumble再加上煙肉製作出的多士。 ▲長凳呈青綠色間條設計，感覺非常復古！ ▲經典Espresso Tonic，微甜和酸酸地味道再配埋意式特濃咖啡，簡直完美組合！口感刺激地嚟又幾新鮮~ ▲自家製嘅Financier（金磚蛋糕仔2件），配上用埃塞俄比亞咖啡豆沖出嚟嘅Americano，冰爽的咖啡中和蛋糕的油膩感。 ▲仲有自家製的可麗露和bagel，可麗露外酥內軟的多層次口感，bagel就可以搽上玉桂和核桃味cream cheese！ ▲門口呢個打卡位大家唔好錯過啦~可以喺門口一覽深水埗景色！ ▲夜晚有售賣各式威士忌和特調咖啡~夜晚過嚟就記得要訂位！ 文字來源：香港人遊香港/圖片來源：[email protected]、@slash.bynight、nicgau_ss、sparklastic...