[駐場博客 @ 賞山樂山]前往獅子山的路線甚多,簡單來說可以由九龍(慈雲山或黃大仙)、沙田、大圍登山。這次選擇的路線是由大圍的紅梅谷出發,先到達望夫石,然後登上獅子山,最後下山以水泉澳邨作總結。起點是紅梅谷自然教育徑,穿過燒烤場上樓梯級,大約20分鐘便到達引水道。引水道是衛奕信徑第5段的範圍,在引水道旁邊有路口上山,很快便會見到分叉路,左面是去獅子山,右面是先經望夫石,再去獅子山,在這裡需選擇右面上山。 ▲20分鐘後,到會到達望夫石。老實說,近看望夫石是看不出它的神髓,只看到一大塊石頭。遺憾的是,在這裡有很多垃圾,而且望夫石上有被塗鴉的痕跡。請大家「自己垃圾自己帶走」、「不要破壞公物」。 ▲離開望夫石,繼續往前走,發現另一角度看望夫石。10分鐘後會到達分叉路,左方是接回第一個的分叉路,所以選擇右方(寫著「獅子山」)的山路。 ▲休息過後,繼續向獅子山方向(逆走麥理浩徑第5後段)進發,不久便會見到「獅子山頂」的指示牌,別小看這0.4公里,單單上山也需要最少半小時,當然這半小時是值得花費的,因為在山頂可以360度看到九龍和沙田的景觀。 ▲見到獅子山的牌後,便沿路落山,接回麥理浩徑。來到分叉路轉右(往沙田坳),約20分鐘便到達獅子亭。在這裡可以沿馬路落去慈雲山,也可以沿馬路上山往大老山、飛鵝山。如果想去沙田的話,需要走恒益商店旁的馬路,而很快便會有分叉路,先往左方走,然後在右方有樓梯通往水泉澳邨。一直往下走,約半小時便會到達水泉澳邨 獅子山望夫石 路線參考: >難度: **(5*為最難)需時: 6小時長度: 13公里路線參考: https://goo.gl/EtQ9XJ難度: **(5*為最難)需時: 4小時長度: 7.5公里交通:起點:1. 乘搭巴士 往獅子山隧道方向,在世界花園站落車2. 乘搭巴士從獅子山隧道往沙田或馬鞍山方向,在世界花園站落車終點:1. 在水泉澳邨乘搭288往沙田2. 在水泉澳邨乘搭小巴往顯徑、沙田圍3. 步行經博康邨到達沙田圍站 文字/圖片來源 :賞山樂山...
[駐場博客 @小牛牛快樂行山郊遊相集by Chan Keung]話說近排有位網友問小編,問有無ㄧ條路線可以一次過揾倒多嚿奇石,同時又可以行吓短短石澗呢? 心諗呢位網友真係偷心! 不過皇天不負有心人,又真係揾倒喎! 今次為大家介紹~柏鰂石澗。由康山起步,先進入鰂魚涌樹木研習徑,見倒一條3D凸字標柱,相當有趣,在此進入引水道,大約行走一公里後就到達柏鰂石澗入口,初段平緩易行,經過一個小峽谷,又走過一個半球型大石坡,由於雨量不多,溪澗冇乜水,可以唔洗濕腳,除後走到尾段苔蘚開始越來越多,好多仲係菁綠色,好似一嚿嚿大型綠寶石。石澗好短,大約行咗1.5公里就到達康柏郊遊徑,沿郊遊徑再行一公里就見到一嚿巨型恐龍頭,就是恐龍石(又名暴龍石),拍照後在山徑旁邊有一條隱徑,小心落,再穿過一小段竹林,見到有條石縫,有絲記號,烏低身窿過去,再走過一條小石徑,就會見到巨型嘅大石羣,爬上去見倒鯊魚鰭石和冬菇石,真係維肖維妙,再望去遠方就會見倒猿猴頭石。繼續沿柏架山方向走,接上一條山徑,呢條山徑比較乾涸,大都是散沙碎石路,好快就揾倒元寶石,又好似一個大咀唇,相當有趣,繼續行,好快就搵到憎侶石,拍完照之後,再沿山徑上,就會搵埋最後一嚿將軍石,因為石上面有另一嚿石好似一頂將軍帽感樣,所以被稱為將軍石,打個卡後,沿山徑再落返西灣河,完成今次旅程。 ▲3D凸字標柱,相當有趣 ▲先走ㄧ段引水道 ▲穿過小小峽谷 ▲巨石滿佈苔蘚 ▲巧遇心心石 ▲石澗未段比較濕滑必需小心 ▲充滿原始風味 ▲恐龍石又名暴龍石 ▲穿過石縫到達大石羣尋找巨石 ▲冬菇石 ▲鯊魚鰭石 ▲穿過大石縫 ▲猿猴頭石 ▲元寶石 ▲僧侶石 ▲將軍石 鰂魚涌樹林研習徑 鰂魚涌樹林研習徑>引水道>柏鰂石澗>康柏郊遊徑>恐龍石>猿猴頭石>鯊魚鰭石>冬菇石>柏架山>元寶石>憎侶石>將軍石>西灣河全程約7公里 需時約5小時 注意:⚠柏鰂石澗尾段苔蘚甚多, 必需小心⚠如果唔想行石澗可以由鰂魚涌樹林研習徑直接到康柏郊遊徑⚠行石澗有ㄧ定危險性,必需量力而為⚠攀爬巨石必需小心, 建議由經驗行山人仕陪同⚠愛護郊野清潔人人有責,自己垃圾自己帶走 文字/圖片來源 :小牛牛快樂行山郊遊相集by Chan Keung...
[駐場博客 @小牛牛快樂行山郊遊相集by Chan Keung]今次同大家走走九大石澗之蓮花石澗, 由於景點特别多,所以被譽為最美麗的石澗。除咗景點多之外,順帶去埋清快塘,欣賞美麗魚塘和探訪小牛牛。呢期小編特别鍾情予行石澗,因為石澗路徑唔似ㄧ般山徑,有路徑或路杯可尋。 石澗變化大,有泥坡,有沼澤,有巨石,有苔蘚,有瀑布….,有時比巨石,密林 阻擋去路,仲要攀爬,踩樹根,拉樹藤…, 要細心觀察,動動腦筋解開困局。相當有挑戰性。不過同時又相當危險呢!由朗屏乘K66巴士到達大棠,由燒烤場旁邊進入元荃古道郊遊徑起步,行大約3公里先到達七渡河,再轉入麥理浩徑10段,走多ㄧ小段石屎路,靠右手邊有條小隱徑,下降到達蓮花石澗,由於本年四月降雨量甚小,所以溪澗水位極低,流水量甚小,令到澗道長滿菸黑的苔蘚, 而石澗兩旁長滿有刺針嘅植物,一路行常常被倒鈎刺傷,並不好走呢! 好唔容易走到澗尾景點~蟠龍飛瀑由於雨量太少 所以氣勢磅礡的飛瀑,只得淙淙流水,比較失望。出澗後接回元荃古道郊遊徑,向清快塘出發,當地有個小農莊,其中有個荷花池,池中養咗多條靚靚錦鯉,加埋夕陽倒影好靚架,不過小編最歡還是去找找牛牛,結果好幸運地又見倒佢哋! 今次有隻小牛牛ㄧ見倒小編就好興奮地,用對小角來撞小編😂。探訪過小牛之後就沿山徑落深井完成今次旅程。 ▲由大棠燒烤場起步 ▲進步元荃古道 ▲蕾絲假連翹 ▲路旁長滿植物 ▲以乾結的四腳蛇又名炎蛇 ▲經過七渡河進入蓮花石澗 ▲從石澗兩旁穿梭 ▲石頭長滿苔蘚每步必需小心 ▲酢漿草 ▲毒蛾BB ▲清澈的溪水 ▲茅膏菜 ▲石澗兩旁樹藤長得十分茂密 ▲山徑旁生長多種植物 ▲唔想濕腳就要左右穿插 ▲唔想濕腳就要左右穿插 ▲小小螞蟻 ▲沿途欣賞植物 ▲埃及吹綿介殼蟲 ▲發現小昆蟲不要打擾牠們 ▲其中ㄧ個小水潭 ▲路旁小花 ▲細心欣賞沿途景色 ▲卒之走出石澗 ▲清快塘楓香樹秋天來臨又可以來看紅葉 ▲魚塘倒影 ▲荷塘錦鯉倒影美極 ▲走過優美農莊,走到深井完成今次旅程 蓮花石澗 路線: 大棠燒烤場>元荃古道郊遊徑>七渡河>麥理浩徑10段>蓮花石澗>清快塘>深井全程約10公里 需時約6小時交通: 朗屏站乘K66巴士到大棠起步 注意:⚠石澗濕滑,非ㄧ般行山路線,有ㄧ定危險性,前往必需量力而為,非遊樂路線⚠必需要有經驗溹澗人仕陪同引領⚠石澗石頭佈苔蘚,非常濕滑,兩旁荊棘滿途, 出發前必須做足準備,新手不宜⚠愛護郊野清潔人人有責自己垃圾自己帶走⚠不要打擾小昆蟲和小動物 文字/圖片來源 :小牛牛快樂行山郊遊相集by Chan Keung...
[駐場博客 @ 小牛牛快樂行山郊遊相集by Chan Keung]在夏季就到,天氣開始漸漸變熱,小編襯氣温未上到三十幾度, 一於揀番條高山登頂路線行下先。西頁有三尖,其中以蚺蛇尖較為難度最高,今次就同大家去闖一闖。西貢有三尖,以蚺蛇尖最多人認識, 由於有好多路徑都佈滿碎石散沙,所以特別難行, 同埋好鬼斜 ,一個唔小心好容易就撻到攤攤腰, 所以被評為5星路線。 早D起身先坐地鐵去到彩虹站,再1A小巴到西貢碼頭,再轉94巴士,去到北潭凹落車, 麥理浩徑2段起步,頭段平緩易行,經過牛湖墩,再到赤徑,可欣賞一吓海景,仲有一個小碼頭可以打打卡,跟住再行到上大浪坳,見倒涼亭左轉上蚺蛇徑,呢度沿山徑慢慢斜上,頭段都易行,但慢慢就變為碎石散沙路,記住慢慢行唔好心急,因為越行越斜,好容易跣倒!上到半山望去鹹田灣,大浪灣一帶,風景已經靚到爆燈, 藍天白雲一望無際,又可以睇到連綿不斷山脈,真係一見難忘! 一路向上繼續 慢慢行,好唔容易撐到上去蚺蛇尖,嘩! 超靚風景, 遠望米粉頂,東灣山,大浪頭, 氣勢磅礡, 咁辛苦撐到上嚟都值得。 打過卡後,沿路折返, 真係上山容易落山難,條路十分斜, 真係好跣, 我見到好多山友都跣咗落地下,包括我自己在內, 真係要好好好小心落山, 據報導蚺蛇尖發生過多次行山人仕跣低跌傷手腳,所以行唔行大家評估一吓先至好呀!最後小編當天行咗6小時連休息+拍照。 ▲由西貢坐94號巴士去到北潭凹落車-由麥理浩徑2段起步 ▲經過牛湖墩再行到去赤徑,之後再走到大浪坳沿途都可以看到風光美景 ▲赤徑附近可以欣賞美麗嘅石灘,會經過一個小碼頭係打卡熱點 ▲行到去蚺蛇坳見到一個涼亭轉咗進入蚺蛇徑初初平緩山徑易行 ▲遠望蚺蛇徑成條路都係碎石散沙組成 ▲行到呢度冇理由退縮啫-繼續向上行接受挑戰 ▲條路越行越崎嶇 ▲其實另外仲有好多條路線可以行上蚺蛇尖不過條條路都係碎石山沙冇一條好行 ▲爛得離仲好鬼跣腳 ▲其中ㄧ個小山頭 ▲歡樂過後沿馬鞍山郊遊徑返回馬鞍山燒烤場 ▲好唔容易撐到上頂,不過睇到咁靚嘅風景!一切都值回票價,倦意全消! ▲連綿不斷的山脈美不勝收 ▲開始沿路落山真係上山容易落山難好鬼跣,要好小心慢慢落見倒好多山友都跌倒 ▲行山去赤徑,睇到美麗嘅日落完成今日刺激的旅程 蚺蛇尖 路線: 路線: 北潭凹>麥理浩徑2段>牛湖墩>赤徑>大浪㘭>蚺蛇㘭>蚺蛇徑>蚺蛇尖沿路折返約12公里,全程約6小時 注意:⚠路程較遙遠, 沿途沒有補給站,帶備充足糧水⚠ 蚺蛇徑路段比較崎嶇,十分傾斜,滿佈碎石散沙 ,容易跣倒,必需小心慢行⚠ 愛護郊野清潔,人人有責,自己垃圾自己帶走⚠蚺蛇尖屬5星路線,落山容易跣倒,必需量力而為,自行評估風險 文字/圖片來源...
[駐場博客 @ 小牛牛快樂行山郊遊相集by Chan Keung]在森林和原野是多麼的逍遙! 親愛的朋友呀您在想甚麼? 4月份好天氣,天朗氣清, 一定是打算遠足登高呢! 小編今次介紹一條靚靚行山路線給大家~大金鐘!從彩虹村乘坐1A小巴, 到達菠蘿輋下車,沿馬路直上, 經過北港凹路, 登上馬鞍山郊遊徑, 到達分叉路口, 轉行麥理浩徑4段, 就到達昂平大草原, 在左面正是昂平營地, 每逢假日就湧現大批愛好露營朋友到訪。而右面是一片大草原, 視野遼闊一望無際,更可以飽覽整個西貢海, 遠望橋咀島,風景優美, 這裏更是愛好駕駛滑翔傘人仕之勝地,每逢假日就會有大批滑翔傘航空員在這裏起步, 令到整個昂平大草原氣氛濃厚。 再向草原右面上直走, 看見一座大山, 豎立在旁, 氣勢磅礡 外形十分像 一所大金鐘, 没有錯! 這座巨山正是~大金鐘, 從山腳小徑緩緩而上, 其中一两段都比較傾斜,需手腳並用攀爬,不久已攀到上頂峰, 景觀一流, 令人心曠神怡, 打卡過後,可沿山徑返回昂平大草原。 雖然昂平大草原和大金鐘,美麗風景都甚為吸引,不過最吸引小編的,還是這裏的牛牛, 因為這裡草原豐富,所以總有大批牛隻前來享用大餐。小編每逢經過這裡,總是逗留個多小時和牛牛影相,打卡,玩樂。開心過後 ,我們繼續沿馬鞍山郊遊徑 一直走到馬鞍山燒烤場, 經過良友路, 馬鞍山村, 到達耀安邨 完成今次旅程。 ▲從彩虹村乘坐1A小巴 往菠蘿輋下車 起步 ▲經過北港凹路-進入馬鞍山郊遊徑ㄧ直上到分叉路口轉向麥理浩徑4段-到達昂平大草原 ▲昂平大草原左面便是昂坪營地每逢假日會有大批愛好露營者前來 ▲右手面-是一個大斜坡,一望無際!可以飽覽整個西貢海遠望橋咀島風景秀麗每逢假日都會有大批愛好滑翔傘的人仕前來令到整個昂平草原氣氛濃厚! ▲豎立在旁有一座大山外型甚至一座大金鐘,没有錯它的名字就是大金鐘 ▲從山腳小徑直上,其中有一兩段比較崎嶇和傾斜,必須手腳並用攀爬! ▲從山頂望向昂平大草原風景優美,又是一個打卡熱點! ▲最吸引小編正是昂平大草原的一批牛牛!由於草原豐富,所以都會吸引到大批牛牛前來享用大餐 ▲小牛牛的確可愛切記不要傷害牠們 ▲昂平大草原風景優美-每逢假日都吸引到大批遊客前來 ▲歡樂過後沿馬鞍山郊遊徑返回馬鞍山燒烤場 ▲經過一段麥理浩徑4段 ▲回程時經過馬大石澗 ▲夕陽無限好,走到耀安邨完成今日旅程! 大金鐘 路線: 菠蘿輋>北港凹路>昂平大草原>麥理浩徑4段>大金鐘>馬鞍山郊遊徑>馬鞍山燒烤場>良友路>馬鞍山村>耀安邨全程8.5公里 需時約5小時 注意:⚠天氣炎熱記得帶備足夠食水⚠保護大自然人人有責,自己垃圾自己帶走⚠愛護牛隻,不要傷害牠們 文字/圖片來源 :小牛牛快樂行山郊遊相集by Chan Keung...
[駐場博客 @ 小牛牛快樂行山郊遊相集by Chan Keung]網友在小編的専頁查詢,想找一個拍照黄昏,夜景的靚靚位置,但是又要不太難行的景點。又有另一位山友想找一處原始森林feel的靚景點。更有一位山友查詢天然攀石埸地。小編推薦一條可以一次過滿足三位願望的路線。就是今次要介紹的~紅香爐峰。 寶馬山巴士站下車, 經過聖貞德中學,會看見很多絲帶, 見到大水渠, 沿山徑走, 步行不久會見到一大片沼澤濕地, 有很多樹藤從空中搖晃,石上滿佈菁苔,滿原始風味。 沼澤旁邊沿山徑直上,不用十分鐘就到達馬騮崖攀石埸, 一幅十分巨大的大石牆,大約15米高,50米長,近一點看會發現有很多金屬鐡馬在牆上, 是少有的天然戶外攀石場。 繼續沿山徑直上, 大約十分鐘左右,就到達紅香爐峰, 在這裏可以觀看港島全景, 視野遼闊, 是拍攝日落黃昏的優美景點。前後不到一小時已滿足三個願望! 打過卡後, 繼續沿山徑走,到達金督馳馬徑, 看見一個大型採石場, 這裏不時會使用炸藥採石,路過時必須小心, 不要進入該採石場範圍內。 畢拉山道馬路旁邊有一,條隱蔽小石級, 依著鐵絲網而建,沿鐵絲網旁邊直上, 就會到達渣甸山懸空棧道, 其實就是渣甸山山腰的引水道, 因為有部分路段露出底部,有㸃懸空感覺,所以取其名, 步行時的確有置身半空感覺呵! 經過了懸空棧道之後 ,就會進入一段山徑,這裏比較崎嶇 需要手足並用, 建議帶備手套, 渣甸山一帶有野豬出沒,所以步行時必須小心,最後到達大潭郊遊徑, 再沿郊遊徑 走到黃泥涌水塘,完成今天旅程。 注意事項:⚠非政府管轄行山路線,建議先下載行山地圖apps,計劃路線⚠部分路段崎嶇 需手腳並用攀爬⚠渣甸山附近多野豬出沒必須小心⚠愛護山野清潔人人有責,自己垃圾自己帶走⚠風高物燥切勿在野外吸煙或生火, 避免引起山火 ▲寶馬山道-聖貞德中學對面入口。 ▲山徑充滿原始風味。 ▲沿小沼澤直走。 ▲有絲帶引路直上山徑。 ▲步行大約十分鐘就到達馬騮崖攀石埸。 ▲巨大石牆。 ▲石牆安上了很多金屬鐡馬。 ▲香港小有的户外天然石牆。 ▲再沿山徑直上不到十分鐘就到達紅香爐峰是拍攝黄昏日落聖地。 ▲山徑上有不少石澗。...
行小長城!長洲除左張保仔洞同芒果大糯米糍外,去長洲黎個奇石之旅,親近下大自然都唔錯!係東灣由觀音廟方向上山,就會搵到「小長城」路牌。沿著這條由麻石築城小徑,就會睇到好多奇異怪石,不過真係要落足眼力同想像力,如果唔係擦身而過都未必知道! ▲唔睇石既話,睇下呢個無敵大海景都覺得心擴神怡。 ▲花瓶石,小編覺得似靴多d。 ▲叮噹石 ▲大象石 ▲人頭石,好似個鼻咁你覺唔覺? ▲卧貓石 ▲毒蛇石 ▲玉璽,寫到明驚死人唔知! 小長城 地址: 長洲小長城(長洲觀音灣泳灘後)需時:約1小時20分鐘 文字來源:香港人.遊香港/圖片來源:discoverhongkong, lendeliz edmundchowkalai ___s4ndy___...