[駐場博客 @ 小牛牛快樂行山郊遊相集by Chan Keung]講起輕鬆遊,好多人都會聯想起:水塘、郊野公園、家樂徑等。而城門水塘更加是初級行山人仕首選!該處景色優美、設施完善、交通又方便。而城門水塘又分為下游-下城門水塘,亦都是今次介紹的ㄧ條行山徑。 由荃灣坐小巴可直達城門水塘-菠蘿壩,沿城門道直走,會經過燒烤場,踏上麥理浩徑7段:不久就到達-城門水塘主壩,向下游方向,看見水壩下方有ㄧ度金屬梯級,十分長!並分有多層,在這裏慢慢下降。由於氣勢磅礡,不小遊人都會在這裡打打卡。終於落到底部,已經聽到洪水滔滔的巨響,正當打算上前找找看, 原來望向下方,還有一道圓形的金屬梯,需要爬下去呢! 穿過ㄧ小段叢林,就會看到一條山徑,旁邊有水務處設施,亦可以看到洪水從瀑布流下,ㄧ直住下游流去。沿山徑ㄧ直走,就會看到ㄧ係大鐵橋,並可看到城門隧道兩條主要路線。 繼續沿山徑向下城門水塘主壩進發,大約ㄧ小時左右到達下城門水塘主壩, 旁邊有ㄧ大片草坡,這裏就是電視台常常到來拍片的熱點。當天有很多遊人在這裏放航拍機、遙控飛機,相當熱鬧。短短3小時連拍照完成旅程。 ▲路徑旁邊可近距離觀看碧波水流 ▲從主覇下降至下城門水塘入口-經過多層石級 ▲要小心翼翼從圓拱型鋼梯向下逐級落 ▲下城門水塘主霸-電視台取景熱㸃-亦是放航拍機熱門景點凌角山涼亭,景觀ㄧ流! ▲水位高漲時-許多植物都被水淹過 ▲洪水滔滔-十分壯觀! ▲支流山澗水質清澈 ▲從金屬橋上高角度觀望 ▲沿路上的一些水務設施 ▲風景開揚美麗 ▲沿靠岸兩邊前進 ▲靠左上方有一個天然大瀑布 ▲水源充足 ▲近岸兩邊可清楚觀看 ▲遊人不可進入河流中-免生意外 ▲途中擺設多個大油桶 ▲流穿梭羣石中 ▲排水口洪水洶湧 ▲山徑平緩易走 ▲美麗的小花朵為風景添上繽紛色彩 ▲山澗兩旁長滿植物 ▲主霸 ▲部分路段為石屎路 ▲水中有不小動物棲息-不要打擾 下城門水塘 路線: 城門水塘菠蘿壩>麥理浩徑7段>城門(銀禧)水塘上水塘主壩>下城門水塘主壩全程大約6公里注意事項:⚠出發前留意天氣,配備適合行山 服飾⚠城門水塘有很多猴子, 經常會偷取遊人的食物,要特別小心,食物ㄧ定要收好, 不要餵飼猴子, 有部分猴子帶攻擊性, 反之亦不要襲擊它們啊!⚠自己垃圾自己帶走 文字/圖片來源 :小牛牛快樂行山郊遊相集by Chan Keung...
[駐場博客 @ 小牛牛快樂行山郊遊相集by Chan Keung]在夏季就到,天氣開始漸漸變熱,小編襯氣温未上到三十幾度, 一於揀番條高山登頂路線行下先。西頁有三尖,其中以蚺蛇尖較為難度最高,今次就同大家去闖一闖。西貢有三尖,以蚺蛇尖最多人認識, 由於有好多路徑都佈滿碎石散沙,所以特別難行, 同埋好鬼斜 ,一個唔小心好容易就撻到攤攤腰, 所以被評為5星路線。 早D起身先坐地鐵去到彩虹站,再1A小巴到西貢碼頭,再轉94巴士,去到北潭凹落車, 麥理浩徑2段起步,頭段平緩易行,經過牛湖墩,再到赤徑,可欣賞一吓海景,仲有一個小碼頭可以打打卡,跟住再行到上大浪坳,見倒涼亭左轉上蚺蛇徑,呢度沿山徑慢慢斜上,頭段都易行,但慢慢就變為碎石散沙路,記住慢慢行唔好心急,因為越行越斜,好容易跣倒!上到半山望去鹹田灣,大浪灣一帶,風景已經靚到爆燈, 藍天白雲一望無際,又可以睇到連綿不斷山脈,真係一見難忘! 一路向上繼續 慢慢行,好唔容易撐到上去蚺蛇尖,嘩! 超靚風景, 遠望米粉頂,東灣山,大浪頭, 氣勢磅礡, 咁辛苦撐到上嚟都值得。 打過卡後,沿路折返,...
[駐場博客 @小牛牛快樂行山郊遊相集by Chan Keung]呢排D天氣好飄忽,ㄧ時陽光普照,ㄧ時又刮大風,落豪雨,甚至行雷閃電,近排仲發生不幸事件,令人惋惜。今次簡簡單單走訪郊遊徑,避開高地遇險機會。 港島徑 1段點去? 香港大學站落車, 賽馬會教學樓對面山徑起步,入口有指示路牌, 行上幾段石級之後就到達碧珊徑, 山徑平緩易行,有樹蔭遮擋太陽,旁邊更有部分開掦位置,可以睇倒港島西面海峽, 遠眺周公島,喜靈洲,長洲。行咗大約半小時就到達第ㄧ個景點~龍虎山瀑布,不過早排天氣放睛,無乜點落過雨,所以瀑布像小溪ㄧ樣, 只看見流水中中, 天時暑熱,洗洗手,擦擦面,打完卡繼續上路,過咗龍虎山邊,開始改行港島徑1段,亦都係西高山腳,沿山徑行,都係平緩山路,到達薄扶林水塘,附近有一條山徑可以直上西高山頂,小編都爬咗ㄧ小段,找個高處拍攝水塘全貌,可是突然聽到𠾐𠾐巨響,再朝天望上去,厚厚黑雲遮蔽了半邊天,小編立即落山,離開高地,關掉手機,收起行山杖,用膠袋包起晒佢,避免比雷電撃中,好好彩落山後天氣好轉,繼續沿山徑走,繞過西高山腳,發現其中部分路段有樹木倒塌過,只需要小心可輕易跨過,又經過幾條小石澗,冰涼溪水可以洗洗面,抹抹手,大熱天時,係行山郊遊嘅冰奇淋。離開薄扶林水塘一帶,改轉為薄扶林水塘道,呢ㄧ段係石屎路緩緩斜上,好快就到達太平山山頂廣場,完成今次旅程。全程約6.5公里,需時約4小時 ▲香港大學起步進入碧珊徑山路平緩易行早上亦有不晨運人仕走訪. ▲起步半小時後好快就到達龍虎山瀑布,可惜今日無乜水好似小水溪 ▲小甲蟲 ▲港島徑1段其中部分路段有大樹倒塌小心跨過不太困難 ▲西高山邊有多條石坑可攀上山頂 ▲山中野菓不要採摘 ▲山澗清溪可以擦擦面涼快ㄧ吓 ▲從山徑步上西高山南崖...
[駐場博客小牛牛快樂行山郊遊相集by Chan Keung] 山竹過後,有好多 行山 路線大樹倒塌被封閉,政府有關部門都慢慢修復過來,但係有啲行山人仕自行開發嘅路線就有待山友自行清理了。所以有部份山線仍有待”打通”,可是小編偏喜歡捐窿捐罅,今次就小試牛刀,走走獅子山獅尾脊。 首先由沙田坳道法藏寺後面登山入囗起步,呢度有幾條登山路線,分岔路多,每走一小段就要打開行山路線apps,查核一吓有冇行錯路。走了一小段發現有好多大小樹幹倒冧,打橫封鎖路線,唯有逐一小心攀過,但遇上爬唔過就唯有繞其他路缐行呢! 爬爬捐捐好快就到達獅尾脊入口,走多一小段就見倒~天梯石。天梯石其實是一組由幾嚿巨石拼合而成的一條長長石梯,面積大約長90尺濶10尺,因為外形似一條梯直上天空,所以名稱由此得來。打卡後直上靠右轉入石馬外脊,順道走訪埋石馬。拍照後又經過儍人塔,繼續沿獅尾脊上獅子山頂。好快就到達山頂,剛巧是日落時份,在獅山頂觀看日落, 俯瞰整個東九龍,真係美不勝收,賞心樂事,多麼壯觀呢! 拍過夠後沿麥理浩徑5段直走,經過筆架山落山完成旅程。 ▲獅子山不難找到打卡靚位 ▲夕陽多美 ▲獅尾脊上觀看美麗夕陽 ▲山竹過後有部分路線仍有待清理 ▲風雨過後部分路段有封佐有待山友打通 ▲山頂懸崖位置比較危險小編不建議攀上 ▲天梯石由幾組巨石堆砌而成 ▲有大地在我腳下感覺 ▲巧遇美麗雲彩 ▲獅尾脊直上獅子山 ▲夕陽美景令人心曠神怡 ▲石馬脊上的石馬 ▲天梯石 ▲有多條分岔路建議先安裝行山地圖apps ▲每逢假日獅子石都人頭湧湧 ▲穿過石縫 ▲筆架山日落美景 ▲俯瞰東九龍美景 ▲部分路段比較崎嶇 ▲獅子山頂有多個打卡靚位 ▲獅尾脊部分路段比較崎嶇需手腳並用 ▲要攀上獅子山頂有ㄧ定危險性必需量力而為 ▲路邊野花不要採 ▲觀看夕陽美景 ▲獅尾脊其中ㄧ個特色景點天梯石 ▲經獅尾脊直上 獅子山獅尾脊 路線: 法藏寺>獅尾脊>獅子山頂>筆架山 全程大約10公里 注意事項:-建議先下載行山地圖apps-多分岔路,建議由經驗人行帶領-攀上天梯石有定危險,量力而為-風高物燥切勿在山上吸煙,引起火災後果嚴重-愛護郊野清潔,自己垃圾自己帶走...