灣仔有間室內大排檔,裡面靚裝甚有特色,重現香港昔日街景,有機鋪、夜總會、桑拿浴室、麻雀館、魚檔等等充滿8,90年代香港味,別有風味,打卡一流!而佢地食物都好有心思,大排檔穫氣小炒當然唔少得,仲有好多懷舊小菜外面已經好難搵到!招牌「花甲蒸水蛋」賣相非常吸引,花甲連殼蒸保留左海鮮鮮味,令蒸蛋香滑之餘仲好鮮味,送飯一流!「鹽焗馬友」呢種古法焗魚外面亦好少見,炸子雞、紅燒乳鴿等等經典菜式都做得甚為出色。最後再點個幾乎已失傳既「菠蘿皮焗西米布甸」作為甜點,非常滿足的一餐! ▲位於灣仔既「杜老誌大飯店」位於樓上鋪,走懷舊風,係有冷氣既大排檔,乾淨又舒服! ▲飯店靚裝重現昔日香港8,90年代風味,仲描播住首首廣東話,帶你穿越番廿年前既香港! ▲香港特色又點少得霓虹燈,夜總會、當鋪、桑拿浴室樣樣齊,佈置甚為用心! ▲「花甲蒸水蛋」幾乎每枱必點!花甲連殼蒸保留左海鮮鮮味,水蛋香滑夠蛋味,送飯真係一流! ▲呢種古法「鹽焗馬友」已經好少見,用大量粗鹽鋪滿原條魚去焗,但意外地唔會死鹹,仲保留到魚既鮮味同嫩滑,果然古法就是不一樣! ▲柚子骨都算係經典名菜,做得酸甜適合,又係送飯首選! ▲「炸子雞」同樣外皮夠脆、雞肉嫩滑、份量仲1D都唔少添! ▲甜品「菠藺皮焗西米布甸」一上枱已比佢個份量嚇番,菠蘿皮夠熱夠脆,向下挖就係西米布甸,陣陣蛋香味撲鼻而來,食落仲有粒粒西米,夠甜又好味! 杜老誌大飯店 地址:灣仔杜老誌道6號群策大廈7樓營業時間:11:00-02:00電話:2638 0177 文字來源:香港人遊香港/圖片來源:@moon_usako、@hkfoodduo、@fabricelau、@eat_yeah...
銅鑼灣美食2023|銅鑼灣新開黑膠唱片主題西餐廳 最近銅鑼灣有一間全新以黑膠唱片為主題的西餐廳,佔地面積達3000呎!餐廳裝潢靈感源自日本原宿的咖啡店,昏暗的燈光營造浪漫神秘氛圍,櫃上陳列許多經典香港或日本西方黑膠唱片。餐廳早上是一間咖啡店,晚上則化身特色雞尾酒餐廳,採用時下盛行的「朝啡夕酒」模式經營,而且不時仲有Live表演環節添~有興趣嘅朋友不妨去試下啦! ▲銅鑼灣新開黑膠唱片為主題的西餐廳,佔地面積達3000呎。由本地知名Livehouse「Lost Stars Livehouse Bar & Eatery」團隊打造,裝潢以日本原宿咖啡店風格為主。 ▲櫃上陳列許多經典香港或日本西方黑膠唱片,昏暗的燈光營造浪漫神秘氛圍。 ▲白天早上是一間咖啡店,食物主打西式料理包括意粉、漢堡,賣相精緻。 ▲晚上則化身特色雞尾酒餐廳,而每逄週末,餐廳會邀請知名DJ來現場為大家打碟,並會不時舉辦黑膠碟發燒友專屬的交流活動或酒吧工作坊,有興趣的朋友不妨試下參與啦! Mercury Recalls by Lost Stars 地址:銅鑼灣百德新街51號華爾大廈地下A號舖營業時間:星期一至四12:00 – 22:30 星期五至日、公眾假期12:00...
呢間居酒屋地方細細,但裝潢同食物都甚有心思!招牌「心之魚生飯」配合鋪頭名,做成心形夠晒少女,裡面有三文魚、吞拿魚、鯛魚、甜蝦同蟹籽等,非常足料,啖啖都食出鮮味!「鰻魚石鍋飯」則原條鰻魚咁上,香嫩多汁,夠晒誠意,配埋有飯焦香既石鍋飯,好有層次!仲有佢個「邪惡包」係用左帶子夾住鵝肝整成,鵝肝煎得岩岩好又不油膩,加上帶子鮮甜味,口感非常豐富!最近仲推出左全新既「心之蛋卷」,裡面有鮮甜三文魚、魚籽、同流心芝士,仲有陣陣蛋香味添,非常邪惡! ▲招牌「心之魚生飯」非常足料,面上鋪滿左三文魚、吞拿魚、鯛魚、甜蝦等等,中間夾著魚籽,層次豐富,啖啖都食到魚生既鮮味!(HKD$$98) ▲「鰻魚石鍋飯」都夠晒誠意,上枱時熱辣辣,配埋有飯焦香既石鍋飯同鰻魚汁,夠晒滿足! ▲「鰻魚石鍋飯」既鰻魚啖啖肉,絕不欺場,岩晒肉食獸啦! ▲「邪惡包」用左帶子包住鵝肝,鵝肝肥美煎得岩岩好,再加埋鮮味既帶子,入口即溶,鮮甜味係口腔久久不散,非常矜貴又滋味!(HKD$38) ▲新推出既「心之蛋卷」裡面有三文魚、魚籽,裡面既半溶芝士係流心的,加上嫩滑半熟既雞蛋,真係好邪惡! ▲作為居酒屋又點少得串燒呢!呢度既「火牛三寶」都大受歡迎,分別係牛脷,牛柳串,海老露筍牛肉卷!即場大火燒,肉質嫩滑岩岩好! 心之食堂 地址:銅鑼灣耀華街3號百樂中心12樓1203室營業時間:18:00 – 02:00 (星期日休息)電話:23211880 文字來源:香港人遊香港/圖片來源:@lovecafe333、@sa_foodieadventure、...
雖然萬聖節已經過左,但呢間以日本鬼怪為主題既日本餐廳就依然受歡迎!一入去見到大紅燈籠高高掛,氣氛神秘搞怪,而食物同樣好有特色!「燈無蕎麥」即係蕎麥麵,搭配生雞蛋、蘿蔔絲、蔥花、芥末等同熱湯汁混埋一齊沾住食,一凍一熱令麵更加彈牙,非常岩而家呢種天氣食!另外仲有多款黑色天婦羅,睇落夠晒特別,其實係用左竹炭粉黎炸,但味道同一般天婦羅差唔多,加埋七味粉等等調味,同樣香脆滋味!餐廳仲設有露台位,可以邊望住銅鑼灣鬧市之景,邊歎日式小食或者飲番杯,非常寫意舒服! ▲餐廳位於銅鑼灣鬧市,但一入去就見到一排排紅燈籠,氣氛神秘搞怪,非常有特色!⠀⠀⠀⠀⠀⠀⠀⠀⠀ ▲好多人都會點番個「燈無蕎麥」以冷麵比較受歡迎,搭配生雞蛋、蘿蔔絲、蔥花等,沾埋碗熱湯一齊食,一冷一熱,食落非常舒服!嫌唔夠食既仲可以免費加一次麵底添,非常抵食! ▲黑色天婦羅都非常特別,其實只係用左竹炭粉去炸,配合番成個搞怪主題,味道則同普通天婦羅差唔多,同樣香脆! ▲仲有多款小款例如炸雞軟骨等,至岩配埋杯啤酒一齊歎! ▲雖然餐廳位於銅鑼灣鬧區,但居高臨下,仲有露台座位,可以望到街景。一邊歎邊美食啤酒,一邊望住香港繁忙街道,相映成趣! 送行提燈 地址:銅鑼灣駱克道522號2樓營業時間:12:00-23:00電話:92054465 文字來源:香港人遊香港/圖片來源:@mariona_foodie、@lifesa.feasthk...
位於銅鑼灣嘅酒吧餐廳最近新推出「夏日花見下午茶」,以花同埋水果作主題,呈獻10款精緻甜鹹點心,包括薰衣草芝士餅、自家製英式鬆餅配玫瑰士多啤梨果醬、巴馬火腿卷哈密瓜同埋龍蝦芒果莎莎酥皮盒等美食。下午茶更包括兩杯飲品,可以選擇特色雞尾酒、無酒精雞尾酒或花茶。 除此之外,餐廳坐落於維港畔,顧客可以欣賞270 度嘅維港景緻、盡情打卡! ▲「夏日花見下午茶」: 點心棋盤上有10款甜鹹點, 精緻小巧 $498/兩位,另設加一服務費。 ▲ 特色雞尾酒 ,外型別緻,用來打卡一流。 ▲ 亦可以選擇香氣芬芳嘅花茶。 ▲ 一邊食,一邊欣賞維港美景! 文字來源:香港人遊香港 / 圖片來源:ZENG...
各種女士成日心思思想食甜品又怕肥?銅鑼灣呢間酒店同知名護膚品牌Sofina攜手打造「盛夏美肌下午茶」,以多種具抗氧化、修護、排毒等美肌美容功效既食材入饌,例如洋甘菊、有機豆腐、藍莓、蘆薈、燕窩等等,製作多款鹹點甜點,等一眾貪靚既女士食得安心之餘,仲可以滋補養顏。兩位用下午茶Set包括六款甜點及五款鹹點,「洋甘菊燕窩奶凍」不甜膩又養顏、「有機豆腐藍莓美國芝士餅」含花青素延緩衰老、「蘆薈楊枝甘露」抗炎且有抗氧化之效。每位入座時仲會贈送「蛋白杏仁茶」,同時具有抗氧化之效,可潤澤皮膚。另有三件總值共港幣450元的SOFINA夏日美肌產品及購物禮券,憑七月至九月之SOFINA購物收據,仲可以低至八五折享用「Club @28 x SOFINA盛夏美肌下午茶」添,實行靚住咁食! ▲7月6日起推出既 清新且養顏「盛夏美肌下午茶」,有六款甜點及五款鹹點,每款都精心為各貪靚女士準備,實行邊食邊養顏美肌! ▲「洋甘菊燕窩奶凍」,燕窩滋陰養顏,岩晒一眾怕甜又貪靚既女士! ▲「有機豆腐藍莓美國芝士餅」,藍莓有豐富花青素。豆腐亦唔會甜膩,清新養顏! ▲五款鹹點同樣精緻出色,「香煎匈牙利鴨肝伴藍莓醬」酥香又唔肥! ▲「美國紅石榴蟹肉青瓜沙律」,紅石榴和青瓜配搭得宜,一紅一綠顏色奪目,清新又開胃! ▲凡惠顧下午茶仲可獲得SOFINA夏日美肌購物禮劵,兼換領總值港幣400元的土台美容液(30g)、高保濕活膚化妝水旅行裝(30ml)及美白高保濕活膚防曬乳液SPF50+ PA++++旅行裝(9ml)添! Club @28 x SOFINA盛夏美肌下午茶 地址:銅鑼灣禮頓道8號香港銅鑼灣皇冠假日酒店28 樓電話:(852) 3980 3300供應期:2019年7月6日至2019年9月30日供應時間:星期一至日2:30pm 至5pm收費:星期一至五$448 / 兩位星期六、日及公眾假期$478 / 兩位...
呢間位於銅鑼灣梳乎厘控必去的餐廳,除了梳乎厘本身口感有空氣感又帶點煙韌、蛋香濃郁外,另一重點是面層的瀑布奶蓋,十分濃厚滑身,而且分量超足,味道平衝得宜,不會過份甜膩。疏乎厘是即叫即整,而且使用日本雞蛋及麵粉,每一份都是新鮮送到枱上⋯⋯
銅鑼灣美食2023|全新鬼金棒姊妹店登陸銅鑼灣 東京過江⿓辣麻味噌拉麵店「鬼金棒」於2019年開店後大受好評,成為挑戰辣度的朝聖之地!而今次亦於銅鑼灣新開姊妹店,首間「鬼金棒牛骨湯拉麵」正式進駐,主打極致濃郁、風味深厚的奶白色牛骨湯以及一系列以濃厚白湯為主題的拉麵,社長勢必研發「世一」牛白湯,高湯材料其實相當簡單,但炮製的每一鍋湯都要用上多達40kg牛腿骨去熬煮,濃度足足達10度!不過如果喜愛吃辣的朋友依然可以選擇加入日本直送的「鬼金棒」獨⾨秘製味噌湯底,設有五種麻度及五種辣度,拉麵迷一定要去品嚐一番! ▲新店店面裝潢光潔明亮,玻璃展示店內環境的透視感,環境以素色木材和米白色配搭為主,用餐座位則配以湖水綠椅墊木製椅子,非常簡潔,唯獨是店內外都有鬼金棒的經典惡鬼形象的燈牌,保留著屬於鬼金棒的基因。 ▲新店招牌的牛白湯追求牛骨鮮香甜美,碗底加入濃黑的拉麵醬汁,以西冷部位製作「牛叉燒」,非常有驚喜! ▲若喜愛辣還可以如鬼金棒總店一樣加入日本直送的「鬼金棒」獨⾨秘製味噌湯底,設有五種麻度及五種辣度,總共二十五種湯底變化供食客任意配搭。當中的辣度由多款辣椒為主要原料配製而成,,麻度則由頂級和歌⼭葡萄⼭椒調製。味道濃郁順口,香醇而不死鹹。 ▲新店的餐牌也展現了社長對拉麵的詮釋,有別鬼金棒以一款辣麻味噌拉麵為骨幹,不論麵食和飯類,如辣麻牛油拌麵、辣麻牛骨沾麵、「月見」安格斯牛肉丼、秘制醬汁慢煮牛筋丼等等,款式各異的主食。 「⿁⾦棒牛骨湯拉麵」 地址:銅鑼灣謝斐道 528 號地鋪營業時間:11am – 12am聯絡電話:2838 9190 文字:香港人遊香港...
銅鑼灣新開一間英倫風的咖啡店,店內以湖水藍色外墻設計,戶外配上藤椅和植物,絕對係打卡之選!店舖提供多款創意輕食和咖啡,菜式非常有特色,包括英式蘇格蘭蛋餐蛋飯、印式牛油炸雞配以黃薑粉窩夫和牛丼溏心蛋,咖啡店更提供多款冬日限定特濃咖啡,例如GujiShakisso特濃咖啡,入面有茉莉、橙、蜂蜜的香氣。 ▲英式蘇格蘭蛋呈現的港式餐蛋飯,蘇格蘭蛋以攪碎的餐肉再包雞蛋新鮮炸起。 ▲牛油炸雞配以黃薑粉窩夫款式,菜式新穎特別之餘,又不失印度風味。炸雞有雞胸和雞髀,窩夫則以黃薑粉做,帶有陣陣香料味,口感外脆內軟。 ▲日式焙茶朱古力蛋糕,配上紅絲絨朱古力碎碎。 ▲經典玉桂包,每日早上9點新鮮出爐 ▲冬日限定嘅GujiShakisso特濃咖啡,入面有茉莉、橙、蜂蜜的香氣。 文字來源:香港人遊香港/圖片來源:@passepartoutcoffee...
最近銅鑼灣新開嘅漢堡包小店,專賣手工漢堡包!餐廳有漢堡、小食同奶昔提供。最有特色嘅漢堡包口味必定係沙嗲牛肉炒芫荽蛋漢堡,使用自家製嘅牛肉漢堡扒,加上芫荽炒蛋同港式沙嗲汁,係超特別嘅配搭!另外都有素食漢堡⋯⋯
銅鑼灣有間酒吧餐廳開業已經超過一年啦!為慶祝餐廳週年紀念推出多款特色美酒佳餚及水煙體驗,全新特色假日海鮮早午餐,呢個Brunch非常豐富!頭盤有意大利高級魚子醬、海鮮拼盤、本地新鮮鮑魚和龍蝦沙律,主菜就有52度慢煮三文魚、澳洲M5和牛西冷和香草燒春雞供三款選擇。新菜式有新鮮生蠔配三文魚子、和牛壽司或醬漬三文魚刺身,更有鮮龍蝦湯和虎蝦意粉等等多款滋味美食。餐廳由即日起一連四星期推出不同主打體驗及優惠,大家不妨睇睇唔同日子有咩優惠啦! ▲全新特色假日海鮮早午餐,賣相咁精緻,一定要同friend嚟打卡先得! ▲新鮮生蠔配三文魚子, 新鮮生蚝不僅口感豐富伴有新鮮海水味,再配上新鮮三文魚籽,口感層次非常豐富! ▲52度慢煮三文魚,利用低溫慢煮三文魚,將魚嘅鮮味提曬出嚟,令食物肉滑多汁。 ▲270度高空靚景,睇住呢個景色無論日夜個Feel都係咁正! 備註: ▲ 特色週末海鮮早午餐(每位$528)供應日期:逢星期六日及公眾假期供應時間:中午12時至下午三時。 ▲ 六道週年慶新菜式 (每位$688)供應日期:逢星期一至日及公眾假期供應時間:下午6時至9時 10月16日至25日:賓客享用Perrier Jouet Grand Brut 香檳或Glenlivet Excellence 威士忌,無論杯裝或支裝,皆可享用買一送一優惠。 10月26日至11月6日:惠顧晚餐皆可獲得ZENG精心預備的免費贈送菜式 – 吞拿魚腩煱邑配三文魚子,及以優惠價85折享用海鮮拼盤。 11月7日至15日:賓客只要享用精選海鮮早午餐,則可獲贈新鮮海膽一碟。 11月16日至25日:精選水煙享有特別優惠,同時亦可免費添加。 文字來源:香港人遊香港...