全部都係桃味! 今次推岀嘅下午茶以香桃為主題,主廚特以設計出9款新嘅下午茶美點,造型小巧精緻,更陣陣桃香,當中包括香桃乳酪慕絲蛋糕、香桃啫喱、迷你香桃酥皮卷、蛋白梳乎厘配香桃汁等,更配上以香桃蓉調配的清新特飲,仲有Häagen-Dazs全新口味黃桃乳酪雪糕! ▲Tea Set包括八款甜點,三款鹹點 ▲白桃奶凍和香桃啫喱 ▲香桃乳酪慕絲蛋糕:外層包住香甜嘅香桃味cream,食落帶甜。 ▲迷你香桃酥皮卷、蛋白梳乎厘配香桃汁和巴馬芝士鬆餅 配 忌廉 ▲鹹點有鴨肝醬撻、煙燻挪威三文魚卷麵包條、巴瑪火腿 配 土耳其麵包 ▲最新口味嘅Häagen-Dazs 黃桃乳酪雪糕都有得食添 ▲整個tea set,跟餐飲,可選咖啡 、紅茶 或 香桃特飲。圖為香桃特飲,冰凍清涼帶桃味,非常解渴。 夏日逍遙 . 桃香滿載下午茶 日期:7月1日至8月31日地址:紅磡都會海逸酒店西餐廳時間:下午3時至5時價錢:港幣$380 (可供2人享用)酒店eShop  9折優惠: http://goo.gl/EZmLRb 文字/圖片來源:香港人.遊香港...
酒店好與同skin care 品牌合作,今次呢間酒店聯乘既竟然係日本衣物香水!原來佢地今次將清新甜美花香呢個concept加入Tea Set,打做全新夢幻花系下午茶,岩哂大家約閏蜜一同黎飲茶傾計!食完Tea仲可以得到極致優雅奢華禮品套裝,要快d Book 先! ▲咸點有黑魚籽龍蝦多士、牛油果蟹肉酥盒、香煎法國鵝肝多士配意大利藍莓醋、燒鴨胸配黑車厘子。個蟹肉酥盒上既蟹肉上再配牛油果醬真心正!燒鴨胸配黑車厘子正好提升鴨胸肉質鮮味 ▲甜品就有茉莉花草莓拿破崙、黑加侖子慕絲蛋糕、佛手柑吉士撻、檸檬慕絲黑加侖子啫喱杯;茉莉花草莓拿破崙吉士醬更特意加入清新的茉莉花精華,一口一件啖啖花香 ▲芬芳馥郁鹹甜美點令人非常心動!玫瑰花茶 一個一個花香的甜點,最好不過伴上一杯花香噗鼻玫瑰花茶 ▲4款咸點都好高質,真係唔知食邊樣先! ▲Lavons衣物噴霧一共有6款味道,以花香果味作主題,為布製品、衣物、沙發等增添除菌香味。今次客人凡惠顧兩位用套餐,可獲贈由Lavons送出的「極致優雅奢華禮品套裝」一份(價值HK$128)。 夢幻花間下午茶@帝景軒 價錢:HK$260兩位用,另加一服務費供應日期:2018年12月1日至2019年2月28日(星期一至日) 下午3時15分至5時15分地址:香港荃灣汀九青山公路353號2樓帝景軒訂座電話:3716 2898 文字來源:香港人遊香港/圖片來源:帝景軒...
各種女士成日心思思想食甜品又怕肥?銅鑼灣呢間酒店同知名護膚品牌Sofina攜手打造「盛夏美肌下午茶」,以多種具抗氧化、修護、排毒等美肌美容功效既食材入饌,例如洋甘菊、有機豆腐、藍莓、蘆薈、燕窩等等,製作多款鹹點甜點,等一眾貪靚既女士食得安心之餘,仲可以滋補養顏。兩位用下午茶Set包括六款甜點及五款鹹點,「洋甘菊燕窩奶凍」不甜膩又養顏、「有機豆腐藍莓美國芝士餅」含花青素延緩衰老、「蘆薈楊枝甘露」抗炎且有抗氧化之效。每位入座時仲會贈送「蛋白杏仁茶」,同時具有抗氧化之效,可潤澤皮膚。另有三件總值共港幣450元的SOFINA夏日美肌產品及購物禮券,憑七月至九月之SOFINA購物收據,仲可以低至八五折享用「Club @28 x SOFINA盛夏美肌下午茶」添,實行靚住咁食! ▲7月6日起推出既 清新且養顏「盛夏美肌下午茶」,有六款甜點及五款鹹點,每款都精心為各貪靚女士準備,實行邊食邊養顏美肌! ▲「洋甘菊燕窩奶凍」,燕窩滋陰養顏,岩晒一眾怕甜又貪靚既女士! ▲「有機豆腐藍莓美國芝士餅」,藍莓有豐富花青素。豆腐亦唔會甜膩,清新養顏! ▲五款鹹點同樣精緻出色,「香煎匈牙利鴨肝伴藍莓醬」酥香又唔肥! ▲「美國紅石榴蟹肉青瓜沙律」,紅石榴和青瓜配搭得宜,一紅一綠顏色奪目,清新又開胃! ▲凡惠顧下午茶仲可獲得SOFINA夏日美肌購物禮劵,兼換領總值港幣400元的土台美容液(30g)、高保濕活膚化妝水旅行裝(30ml)及美白高保濕活膚防曬乳液SPF50+ PA++++旅行裝(9ml)添! Club @28 x SOFINA盛夏美肌下午茶 地址:銅鑼灣禮頓道8號香港銅鑼灣皇冠假日酒店28 樓電話:(852) 3980 3300供應期:2019年7月6日至2019年9月30日供應時間:星期一至日2:30pm 至5pm收費:星期一至五$448 / 兩位星期六、日及公眾假期$478 / 兩位...
酒店自助下午茶向來受歡迎,呢間酒店仲一次推出N款以鮮果為食材既甜品buffet,一個價錢可以食盡多款精美甜品,水果迷一定唔可以錯過啦!包括夏天大熱既榴槤,「榴槤慕絲蛋糕」仲食到啖啖榴槤果肉同慕絲、「香蕉奶蓋奇亞籽杯」以原隻香蕉打成慕絲奶泡,健康美味、仲有「芒果3.6奶凍」、「奇異果乳酪慕絲蛋糕」和「紅桑子水信玄餅」等,鮮果種類真係多不勝數,鮮甜又消暑!除左甜點,仲有一系列好適合夏天食既鹹點,包括「煙三文魚青蘋果合桃沙律」、酸甜開胃既「韓式柚子雞中翼」、「夏威夷菠蘿烤雞薄餅」等等,全部都清新開胃!當然亦唔少得冷盤例如冰鎮海鮮拼盤、多款即切日式刺身、中式點心、同埋透心涼既Dreyer’s雪糕等,完全為炎炎夏日急速降溫! ▲酒店既甜品自助餐以多款鮮果入饌製作成甜品,為炎炎夏日解暑! ▲「芒果3.6奶凍」清新而不甜膩,精緻又消暑,可以食多幾杯都唔怕肥! ▲野莓酸甜清新,配上細細件蛋糕非常夾 ▲「藍柑橘酒士多啤梨啫喱杯」睇個顏色已經夠晒鮮艷繽紛,味道同樣夠晒夏天! ▲自助餐亦有多款冷盤、刺身同熱食等等,可以滿足晒唔同人既要求,cp值極高! ▲唔想食自助餐的話,酒店亦有「夏日沙灘樂園」下午茶set供應,共有11款美食,例如前菜包括芒果山藥龍蝦藜麥沙律、吉列蝴蝶蝦伴刁草乳酪汁、鮮蝦帶子蕎麥冷麵配胡麻醬、迷你和牛芝士竹炭漢堡等,仲有甜點芒果拿破崙、香蕉奶蓋奇亞籽杯等等,同樣吸引! 香港百樂酒店 Park Cafe 地址:尖沙咀漆咸道南61-65號香港百樂酒店電話:2731 2100供應日期:2019年7月4日至9月1日 3pm – 5pm 「仲夏鮮果派對」下午茶自助餐星期一至五 成人$218 小童$188 / 星期六、日及公眾假期 成人$238 小童$208 「夏日沙灘樂園」下午茶星期一至五 (1位)$178 (2位)$298 / 星期六、日及公眾假期 (1位)$198 (2位) $338 文字來源:香港人遊香港 / 圖片來源: 香港百樂酒店Park Cafe...
好多人都鍾意食藍莓,唔只因為營養價值高,而且藍色仲畀人一種浪漫嘅感覺,好多甜品都會加入藍莓,非常受女士歡迎。呢間位於佐敦嘅四星級國際酒店,入面嘅Tasca Bar最近就新推出咗一款「藍莓雲呢拿下午茶」,運用淡淡嘅雲呢拿香味,突出新鮮藍莓嘅清甜味道。成set下午茶嘅甜點包括有藍莓慕斯蛋糕、意式奶凍、藍莓雲呢拿撻、法式焦糖燉蛋、藍莓紙杯蛋糕,仲有最受香港人歡迎嘅港式雞蛋仔配雲呢拿雪糕。鹹點方面就有黃金薯蝦同迷你和牛漢堡,再加兩杯自選飲品。喺一間四星級酒店入面享受以藍莓為主題嘅下午茶,真係諗下都覺得浪漫呀! ▲藍莓雲呢拿下午茶($268/2位,另加一服務費),有齊甜點同鹹點,仲有兩杯自選飲品,供應時間係每日下午3點至5點半。 ▲藍莓慕斯蛋糕,紫藍色嘅慕斯,入口軟滑,加埋藍莓嘅香甜,真係睇見都流口水。 ▲港式雞蛋仔配雲呢拿雪糕,雞蛋仔係好多香港人嘅至愛,雪呢拿雪糕又係唔少人都鍾意嘅口味,兩樣嘢加埋襯到絕。 ▲藍碟花檸檬冰,客人可以叫呢款飲品,口感清甜,同其他甜品同鹹點都好夾。 香港九龍諾富特酒店 Tasca Bar 地址:佐敦彌敦道348號香港九龍諾富特酒店1樓 電話:3965 8789 營業時間:12:00nn – 01:00am 「藍莓雲呢拿下午茶」供應時段:每日3:00pm – 5:30pm 文字來源:香港人遊香港/ 圖片來源:@香港九龍諾富特酒店...