[博客授權分享:呀劍萬帥 親子旅遊 攝影札記 ] 室內遊戲派對場地越開越多,由於地舖商場成日加租,近年都開始一一進駐工廈,唔怕你唔方便,最怕你貴,所以好多家長都唔介意地點唔就腳,總之有得玩就乜都得,最近去了這個位於觀塘的新場,原來又唔係太僻喎,又方便又實抵玩! ▲DREAM ROOM 以日系及大自然為設計概念,大量採用森林、海洋、陸洲、高山、小木屋等自然元素為主題 ▲大家入場前可以將行裝放在儲物櫃內(租金$20/按金$80) ▲一入閘身處的就是【露營體驗區】適合 2-6 歲 ▲多個小帳篷俾小朋友可以捐入去創造自己的小天地 ▲枱上面仲有多款唔同類型嘅玩具同 Board Game 任B選擇 ▲另一邊牆上安置了許多玩具齒輪,真係要動動頭腦,真係可以一個拖帶所有齒輪推動 ▲【高山車駅區】適合 2-12 歲,真係可以話係「火車王國」因為房裡面有多條木製路軌,俾小朋友自主建造自己喜愛的路線 ▲仲有想攪Party活動包場都得,因為地方夠大,又有獨立房間,連開放式廚房都有 ▲【海陸遊戲區】適合 6-12 歲,呢個以海陸為主題的波波池,有成千呎咁大,上下兩層遊戲架!仲有氹氹轉飛船,超好玩! ▲DREAM ROOM 特意採用「ZOONO」生物科技消毒及專業消毒洗波機,一定可以放心玩 ▲另外一邊則有大小二象,大象下有個位置可以俾人玩伏匿匿真係一流 ▲【幼兒小木屋】適合 0-2 歲 這個就啱 BB 不過,因為絕對唔驚外面較大的小朋友衝衝撞撞,所以媽咪同寶貝喺呢度玩就最安全 ▲其他設備都幾完善,有一個BB車停放區,大家可以放心推埋BB車上嚟玩。鞋櫃、Locker唔少得,好細心的仲有哺乳室同育嬰間,仲要有提供熱水開奶,真係餵奶換片冇難度。同時設有兒童廁所,唔駛同大人共用厠所。 *此文章由呀劍萬帥 親子旅遊 攝影札記授權分享,原文網址:【親子好去處】DREAM ROOM 全新幼兒玩樂及派對園地 Dream Room 電話: 5540 8765地點: 九龍觀塘巧明街115號柏秀中心10樓全層營業時間: 10:00 am – 10:30 pm 文字整理:香港人.遊香港/文字及圖片來源:呀劍萬帥 親子旅遊 攝影札記...
[博客授權分享: 港台混血小暴龍] 這一年不斷有新playhouse、親子餐廳,但玩來玩去好像都是類似的玩意XD 一直都有留意由#非牟利機構 「智樂兒童遊樂協會」設立的「遊戲萬象館」,它的設施著重感官發展,有大量感官遊戲、DIY玩具、甚至可以來玩messy play,而且這裡收費非常平價(週末兩大一小只需$130/4小時),所以決定來玩玩! **幼兒木玩閣** ▲這裡還有個嬰幼兒專區,整體都是木質的感覺,非常清新,也呼應了牆上寫的「越簡單、越好玩」。 ▲最吸睛大概就是這個木粒波波池吧,非常特別又好玩。 ▲這裡更有大量適合嬰幼兒的木質玩具。 ▲適合幼兒的車子及搖搖小船都有。 ▲還有一個超可愛的大象紙皮滑梯,超罕見,雖是紙皮所做,但非常穩固請放心:) **污糟貓天地** ▲最令媽媽我興奮的是這裡居然可以玩Messy Play呢,來這裡簡直是幾個願望一次滿足啊(通常坊間的遊戲室玩Messy play可是要額外收錢的呢,這裡免費呢。) ▲這裡更提供了拖鞋及圍裙給入內玩耍的小朋友玩耍。 ▲主題時常更換,我們今天玩的主題是「冰上工程」,用的應該是軟泡綿磚,加上有香氣的泡沫,給小朋友觸感及嗅覺的特別體驗。暴龍真的玩得好開心! **遊戲發明室** ▲這個「遊戲發明室」不定期都會有新搞作,利用新的物資設計出有趣的遊戲給小朋友自由發揮。這次的是以「黃豆」為主題,提供不同容器、水管、載貨玩具車、泡綿等讓小朋友愛怎麼玩就怎麼玩! ▲整間房間都是黃豆掉滿地也無所謂,就是要盡情玩! **生活化主題遊戲** ▲有一個遊戲區化身成「消防局」,讓小朋友變身迷你消防員。消防局的大門及消防車是手作的呢,好可愛! ▲而且旁邊就有一棟「大樓」讓小小消防員上去救火。 ▲暴龍真的衝去救火了,哈哈,真的好可愛! ▲當完消防員可以去旁邊的救護站當醫生或是護士喔~ ▲許多「醫療器材」也都是手作,真的令人會心一笑。 ▲還有擔架可以運送傷患。 ▲還可以去另一邊當建築工人,穿上背心戴上帽子又是有模有樣! ▲還可以幫忙建一下房子。 ▲媽媽我覺得最可愛還是去當酒樓伙計,這裡有家「智樂大酒樓」呢! ▲真是太可愛,點心推車、筷子、碗碟、蒸籠、燒賣、小籠包、鳳爪等通通都有,許多也都是手作的,實在太佩服萬象館的創意跟用心! ▲連「點心卡」都有,好逼真! **遊戲穿梭城** ▲場內另一個大焦點便是遊戲穿梭城的大型繩網了。 ▲爬上上層有兩邊通道可以通往繩網。 ▲爬到上層還有個「傳話筒」可以跟樓下對話。 ▲遊戲穿梭城現在更有紙皮迷宮讓小朋友自由探索~ **木頭變身室** ▲這裡有個木頭變身室,提供了木頭、乾花、樹枝等,小朋友可以在家長陪同下使用安全的錘子、鋸子、釘子創造出自己喜歡的「藝術品」。 ▲小一點的幼兒則可以用玩具錘子在紙皮上盯上「木釘子」。 **更多玩樂** ▲除此之外,整個場內都有不同的積木、拼圖等靜態玩具,來到這玩絕對可以說是#動靜皆宜。 ▲彩色的積木牆都非常受歡迎喔! ▲也可以坐下來玩玩彩色吸盤,愛怎麼組合就怎麼組合。 ▲也隨處可見一些資源再生而成的玩具或是設施,超有心! (重點是每樣玩意都有些意義,並不是讓小朋友胡亂玩一通便算了!) ▲這裡還有一個大大的「玩具圖書館」提供會員免費借玩具回家。 ▲這裡也十分「親子友善」,有親子友善廁所、換片板、哺乳室,帶著嬰幼兒都很方便! 現在可以上網預約兼付款(之前預約方式是必須先過數),這裡收費本來就已經很平價,最近更可使用優惠折扣碼 DK4D5O...
[博客授權分享: 芊嶠與細佬·雞蛋仔]  上星期,約了一班好朋友們,帶同自己的小朋友,去到位置石硤尾的《森林樂園》,其實森林樂園是一個玩樂區,這個玩樂區是在「Emma Party House」內的。《森林樂園》是新裝潢的,多了一個玩樂區,我們就一班媽媽走去朝聖了。 ▲由石硤尾地鐵站行去,大人行約10分鐘,但拖著小朋友,大概要行15-20分鐘,最易認就是在對面街是麥當勞。 ▲一進場,就有條大蟲蟲坐陣,喜歡爬的小孩不能錯過! ▲在大蟲蟲旁邊,就有一個沙池,大家不用怕污糟,因為沙池的沙是白色膠粒來的,但家長都要好好看管小朋友,怕小朋友會把膠粒吃入肚。 ▲另外,沙池最特別的是,有投影遊戲玩!家長和小孩可以拿起白色碟,開始後,就可以拎著碟,放落沙池內,見到魚就可以捉,是真的能捕捉,不是假的!還有蟹可以捉喔! ▲沙池旁還有《Monkey 攀石場》,小朋友可以挑戰一下,大顯身手。 ▲來到中間,有個彩色繩網區,算是探險區!有很多黃、綠色的波波,很有深林 feel 呀! ▲這個是重點推介之一,是螢幕投球遊戲,多款遊戲選擇!重點是,隨手拎起波波投球就可以玩,很方便,又好玩! ▲大家要注意呀!繩網區後面,有兩個小魚魚遷鞦在等你們玩!好特別呀!千萬不要忘了玩! ▲走到最入,有間大型 LEGO 屋在等你,好有 feel,好正! ▲仲有個兒童彈床,劻霖玩過幾次後,表示自己可以挑戰! *此文章由芊嶠與細佬·雞蛋仔授權分享,原文網址:【重新裝潢】石硤尾《森林樂園》 EMMA Party House 森林樂園 電話: 5646 2499 / 6146 4338地址:太子大埔道31-35號置輝閣地庫全層網站: http://www.emma-partyhouse.com.hk/Facebook:https://www.facebook.com/PartyHouseEMMA/ 文字整理:香港人.遊香港/文字及圖片來源:芊嶠與細佬·雞蛋仔...
[博客授權分享: 芊嶠與細佬·雞蛋仔]  今日趁住嶠爸放假,我地一家去左位於港鐵「石門站」京瑞廣場1期嘅親子主題餐廳《KidsKiss Kingdom》。嶠媽想講,簡直係小朋友嘅天地。呢個餐廳全部以「都市(Urban)」為主題,建構出同香港城市一樣的多元文化。小朋友可以透過玩樂區學習社會上不同事物,同其他小朋友一同齊玩和享用食物,培養出小朋友人際關係和解決問題的能力。 ▲「特濃芝士燴嫩雞飯」個汁冇得頂,雞真係好嫩嘅。 ▲「焗豬扒包飯」塊豬扒真係好好食。 ▲「芒橙杏仁冰」嶠媽本身對杏仁冇咩興趣,但哩杯飲品令我對杏仁改變左睇法,真係要大叫一聲好好飲。 ▲活動區分左認知發展區 及 實景互動區。認知發展區:有親親寶寶區、巨型蠟筆畫廊、原木火車玩具;實景互動區:有迷你市集、得意小農場、賽車道。由細小嘅小朋友,到大小朋友,都一定有野啱玩,照顧到好似嶠媽咁有兩位唔同年齡嘅小朋友。 ▲《親親寶寶區》適合好似劻霖咁細個未識行嘅小朋友玩,鐘意周圍爬都冇問題! ▲《巨型蠟筆畫廊》有好多隻顏色嘅 Crayola 蠟筆比小朋友選,仲有好多款嘅圖畫比小朋友選來填色!好適合鐘意靜態活動嘅小朋友! ▲迷你市集 ▲小朋友可以推車買餸,之後亦可化身小小收銀員,都真係好好嘅體驗!芊嶠對此收銀機愛不釋手! ▲《得意小農場》像真度整高,小朋友可以幫忙係農場收割,再拎去買又得! ▲《賽車道》有好 classic 嘅車車比小朋友一展身手,做個小車手。 ▲《波波池》大繩網下有個大波波池,冇諗過哩幾隻顏色嘅波波襯埋,比人嘅感覺又幾舒服!仲要係透明玻璃窗,出面啲光射入來都好舒服! ▲《汽球飄浮區》哩到不得了,入到去,啲汽球都係到飄浮緊,小朋友輕輕一推,汽球就會飛高 ▲《透明長滑梯》當然唔會少得滑梯啦!哩條滑梯透明又長。 *此文章由芊嶠與細佬·雞蛋仔授權分享,原文網址:【石門親子餐廳】KidsKiss Kingdom KidsKiss Kingdom 親子餐廳 電話:2882 2779地址:沙田石門安群街1號京瑞廣場一期1樓162室(港鐵石門站 C出口)網址:http://kidskiss.com訂座連結: https://goo.gl/VKZWoc 文字整理:香港人.遊香港/文字及圖片來源:芊嶠與細佬·雞蛋仔...
[博客分享: 童你去玩 Go Go With Him] 大家會問哪些是宜蘭必去的景點,每個人喜好不同,難以一概以論,但若你的小朋友像謙謙、童童一樣好奇心爆燈,我深信宜蘭的大風吹手作館絕對是你不能錯過的景點!大風吹手作館就像一個科學館,讓你和小朋友把科學原理容入日常生活當中。在大風吹手作館,你可以將平平無其的玻璃樽,自己設計、打磨為獨有圖案的磨砂玻璃樽,體驗噴砂技藝;親民的老板,原來是一位充滿熱誠的化學博士,會教你親自調製天氣瓶,不同的天氣,會產生不同的雪花結晶;他也會教你自製肥皂,皂化反應不再停留在書本的理論;紙飛機只可以用手放?親手砌出紙飛機推進器,讓你不再輕看『放飛機』這簡單玩意。科學實驗和玩意製作不是什麼偉大發明,但背後所激發的好奇心,卻是無價的。當小朋友可以親身體驗、親手摸過、參與製作,他們再看簡單手作的眼光已不再一樣。 ▲來到『大風吹手作館』門口,已很喜歡它的設計 ▲一進場會看到很多擺設,全部都可挑選DIY ^^ 單單是『噴砂好好玩DIY』工作坊,已有極多選擇 ▲謙謙、童童亦十分期待製作天氣瓶 ▲但最最最期待的,一定是紙飛機推進器 DIY ▲先為大家介紹『噴砂好好玩DIY』工作坊,TWD 300 起,我們選了水樽 ▲大風吹手作館的老板極有心思!設計了過百款貼紙任大家選(不會逐張收費,真的是任選的,並不停叫我們多貼一些豐富水樽的設計 :p 也太好人了吧!)而且,到訪當天仍不停加添新的設計,真的很有心 ▲做法不困難,用心設計,貼好貼紙便可 ▲累了的話可點食物 ▲這是我們一家四口的設計 ▲設計好後到噴砂工場預備噴砂,噴砂工場前身是琉璃工廠,老板期望噴砂技藝得以傳承。在製作之前,小朋友可摸摸待會用的噴砂 ▲噴砂部分由職員代勞 ▲但鼓勵小朋友一同觀察,職員也會一邊為大家解釋 ▲完成噴砂工序後,慢慢撕掉貼紙就大功告成 ▲如果喜歡的話,也可自行設計圖案 ^^ 同場看到一些台灣的朋友帶了外國的朋友來玩,設計超精美呢! ▲完成噴砂 DIY 後,我們繼續跟老板學做天氣瓶 DIY (無錯,相中笑容親切的便是超有 heart 而學識亦十分淵博的老板了) ▲每到訪一個地方,我也盡可能和他們傾計。超喜歡大風吹手作館,完全沒有商業味的一個地方,實屬難得…原來老板是一位化學博士,希望把充滿趣味的科學教授給下一代,所以他總是很樂意分享每一個小節! ▲把喜歡的顏色加到天氣瓶內,看著當中微妙的變化,令文科出身的我也愛上這小小科學實驗室 ▲把天氣瓶冷凍一下,待會便可以看到結晶的情景 ▲等待的時候,謙謙、童童便嘗試製作『紙飛機推進器』 ▲小朋友最愛的紙飛機,竟然可以有專屬推進器,孩童玩意,一點也不小兒科 ▲欣賞老板的心思,背後的心意,殊不簡單 ▲天氣瓶已 ready!老板向小朋友講解結晶的情況 ▲除了以上三款 DIY,還可 DIY 肥皂 ▲職員會幫大家 pack 好所有的...
[博客授權分享:呀劍萬帥 親子旅遊 攝影札記 ] 又有新場啦! 位於九龍城廣場的Speedway Diner,集賽車及美食於一身的親子餐廳,可以算話真正的親子餐廳,點解? 因為大人同細路都可以一齊玩。Speedway Diner就開店於九龍城廣場四樓,只要一入到商場直上到 AEON 樓上,一上完扶手電梯望過對面就見到,佢面積差唔多佔咗全層1/3。 ▲開店只係兩個多月,由於每日入場人數超爆,所以依家早上10:30就開店。 ▲在店門口招牌底下就放咗架小賽車,可以俾朋友們打咭任影。 ▲店內環境超大,空間感十足。 ▲旁邊仲有好多部夾公仔機,每部收費3枚代幣(每枚代幣價值$2)。 ▲再行入去就會見到點餐區 ▲環境好乾淨好整齊,餐枱都係圍住整個賽車區,小朋友玩車時,家長可以好放心喺度食嘢! ▲餐廳最內位置竟然仲有個遊戲玩樂區,有扑傻瓜、夾珍寶珠、推氣墊球及射籃球機。 ▲雖然係一間餐廳,不過未食嘢前都係先講番主打的賽車 ▲賽車分有 2 款,包括Crazy Cart 每節 6 分鐘 $59 (身高 >120cm),以及 Crazy Cart XL 每節 6 分鐘 $69 (身高 >140cm),基本上成人及小朋友都玩得。不過兩款賽不能在同一時段進行,即小朋友若玩緊Crazy Cart,大人想同一節一齊玩就只可以坐Crazy Cart玩,不能坐Crazy Cart XL。 ▲開始之前要先度度夠唔夠高玩 ▲轉個頭坐埋上車,先聽職員細心講解賽車控制的步驟及注意安全的地方,不過我看哥哥眼神空洞,應該只係一心想快D踩油門衝出去。 ▲整個餐廳佔地 13,316 呎,但係成個賽車場約佔 7,000 呎,都差唔多成個餐廳的一半。 ▲賽車本身仲有支飄移桿,輕輕提高就可以來個飄移,不過其實賽車本身的軚盤靈活度很高,基本上唔駛用飄移桿都已經足夠入彎。 ▲先點個兒童套餐 (有卡邦尼鮮蝦長通粉、黃金雞寶、意式油醋沙律) 當然有很多選擇,「咩料」可以睇文末。 ▲玩完肚餓要食嘢填飽個肚,點咗個「賽車手套餐 Racer Combo A」(有芝士牛肉漢堡、意式油醋沙律、香脆洋䓤圈及拉絲芝士棒) ▲老細仲專登介紹我飲呢杯花生醬奶昔,味道真係好特別,原來花生醬可以做奶昔! *此文章由呀劍萬帥 親子旅遊 攝影札記授權分享,原文網址:【賽車主題餐廳】Speedway Diner 賽車收費Crazy Cart 每節 6 分鐘 $59(身高 >120cm)Crazy Cart XL 每節 6 分鐘 $69(身高 >140cm) Speedway Diner 電話: 2718 2272地址: 九龍城廣場4樓406-410號舖Facebook: https://www.facebook.com/pg/speedwaydiner營業時間: 星期一至五 […]...
[博客授權分享:甘逸事]  樂富廣場會係7月12日至8月19日期間,迎接暑假,變身成為冰天雪地!奇異媽媽今日就同kiwi仔黎試玩下先! ▲下午時間黎到排隊試玩不算太多人!好快已經有得玩!玩滑梯之前工作人員會叫大家先除鞋放上鞋架上,再慢慢行上樓梯,之後會派發一條毛毯比你可以放係大脾上面抱住小朋友一齊滑落去。(用後記得要歸還比工作人員喔!)八號風球滑梯速度真係十分快,我同kiwi仔都忍唔住尖叫出黎! ▲免費開放任玩六米長既「八號風球滑梯」ice slide。 ▲玩完滑梯,可以排隊玩下「滾動破冰之旅」。由六位參加者係兩分中內,將冰球順利運送到目的地,就可以贏取分數。(我同kiwi仔第一個球竟然跌左入零分區〒_〒 )商場仲會係星期五同週末,每兩小時就選出最高分既一隊,送出獎品。有興趣既朋友,不妨可以去挑戰下丫! ▲門口仲有一個影相打卡位,可以影出被冰封既效果,千祈咪錯過! ▲場內設有-20度既冰屋,只要消費滿指定金額,就可以入去影相架喇!而星期五、六、日仲可以歎埋冰極飲品,或者換領冰感首飾,仲可以參加埋「雪之戀人工作坊」添,親手製作浪漫雪景玻璃球。如果無消費又想玩既都可以排另一條隊,但因為實在太多人排,所以我同kiwi仔就無去入到去參觀喇 *此文章由甘逸事授權分享,原文網址:樂富廣場:動感冰夏Summer Freeze 動感冰夏Summer Freeze 日期:2018年7月12日至8月19日時間:12:00至20:00地點:樂富廣場(香港樂富聯合道198號) 文字整理:香港人.遊香港/文字及圖片來源:甘逸事...
各位fans準備好未!全港首次以《B.Duck》為主題的「B.Duck Run 2018 HK」由「CASABLANCA 」冠名贊助,將於2018年7月15日上午9時至下午6時假大埔科學園舉行,賽事分為5公里、2公里繽紛跑3人家庭組及個人組與800米親子跑。當日還加推了B.Duck平衡車同樂日,一班活潑好動嘅小車手可以盡情大顯身手!🏃🛴除了跑步同玩平衡車外,B.Duck fans仲有機會同6米高的充氣B.Duck打卡影相,當然不少得B.Duck主題的影相位、見面會,仲有小朋友最鍾意玩嘅吹氣彈床,記得6月1 日報名參加喇,名額有限,額滿即止!😍 ▲除了跑步同玩平衡車外,B.Duck fans仲有機會同6米高的充氣B.Duck打卡影相。 ▲全港首次以《B.Duck》為主題的「B.Duck Run 2018 HK」,將於2大埔科學園舉行。 ▲成功報名之跑手會獲得精美獨特嘅選手包,完成賽事後更可領取「B.Duck Run 2018 HK完成獎牌」添! ▲賽事分為5公里、2公里繽紛跑3人家庭組及個人組與800米親子跑。 《B.Duck Run 2018 HK》 報名日期:2018年 6月 1日 上午10時開始比賽日期:2018年 7月 15日 上午9時至下午6時比賽地址:大埔科學園比賽項目:《5公里跑》,報名費每人港幣380元《2公里繽紛跑 – 個人組》,報名費每人港幣350元《2公里繽紛跑 – 3人家庭組》,報名費每組港幣880元《800米親子跑》,報名費每組港幣450元《小黃鴨平衡車 10分鐘耐力挑戰賽》,參加費$238 文字來源:香港人.遊香港/圖片來源:B.Duck Run 2018 HK...