荃灣呢間西餐小店最近就整咗個Balloon Set Dinner！除咗基本嘅前菜主菜之外，最特別嘅就係氫氣球甜品🎈氣球外層其實係以粟粉、魚膠等製成嘅糖漿，泵入氦氣後，只需輕輕一吸，你就可以即刻變聲，啱晒拍片打卡📷 ▲刺身三文魚凱撒沙律 ($72) 三文魚好肥美，魚味濃，好食！沙律菜好新鮮爽口，仲灑上咗蟹子，全部撈勻一齊食，正！ ▲我地叫咗個晚餐，餐前小食 Hygge炸洋蔥圈 洋蔥切得好幼細，炸漿亦夠薄，夠脆身，重點係唔油膩！附送嘅黑醋牛油果醬同埋松露蛋黃醬好好味，個人特別喜歡牛油果醬，令到洋蔥圈感覺更清新，而松露沙律醬係即點即製，散發住淡淡嘅松露香，建議如果點唔晒啲醬可以留嚟搽麵包食！ ▲餐湯係磨菇湯，可以食到粒粒蘑菇粒，一舨蘑菇湯都非常杰身，呢度就算適中，唔會太稠。 ▲美國安格斯T骨牛排 ($388) 牛排配菜好特別，係中西合壁，有秋葵、粟米仔、西蘭花同木耳。安格斯T骨扒好大塊而且厚身，邊邊煎得香脆，肉味算濃，加埋啲牛脂一齊食，可以感覺到牛油係你口入面打轉，好味道！不過建議唔好點太多汁，因為有少少咸同埋會搶左牛排嘅油香。 ▲飲品方面就點咗 柚子蘋果沙冰同蜜桃檸檬梳打 (各$56) 沙冰打得好幼滑，味道偏甜，柚子味比蘋果味更突出，愛甜嘅朋友應該會好喜歡，對比之下梳打味道較淡，蜜桃果漿係底、攪拌後會有淡淡蜜桃香，感覺好Fresh。 ▲最後我地叫咗個藍莓芝士餅 ($68) 做甜品，蛋糕上枱之前店員仲會俾一個氫氣球你，原來係食得㗎！用力一吸你就會即刻變咗minions聲 (因為入面泵咗氦氣)，記住準備手機錄片，因為實在太好笑啦，哈哈！爛咗嘅波波其實就係糖漿，可以成個食咗佢，真係食得又玩得呀！而真正甜品芝士餅細細件，口感紮實，入口順滑。 Hygge 地址：荃灣荃灣大壩街5-7號仁蕙苑地下3-4號舖供應時間：星期一至日 12:00-23:30 文／圖片來源：香港人.遊香港...
呢間清新田園風小店，主打西餐同特式小食，好似海膽車打芝士焗大啡菇，Juicy得嚟仲啖啖都食到海膽，超足料！另外咸蛋自家製意大利麵，除咗有咸蛋粒做配料之外，喺製麵個陣真係有加咸蛋碎架，夠晒新穎！ ▲燒一口鵝肝多士(兩件) $73 多士細細件，塗上薄薄嘅牛油，放耐咗再食依然非常香脆，鵝肝唔會過油，加埋少少黑醋，超正，作為餐前小食一流！ ▲醬燒七味特級牛脷 ($65) 切成一粒粒嘅形狀，面上灑滿七味粉，微辣，牛脷厚身得嚟咬落非常軟腍，一啖一粒，惹味又滋味！ ▲海膽車打芝士焗大啡菇(兩件) ($85) 大啡菇上舖滿海膽同車打芝士一齊焗，入口有很濃的海膽味道，加埋超Juicy嘅大啡菇，配搭新穎得黎又好味！ ▲美國14oz安格斯有骨肉眼扒 ($278) 肉眼扒超大份！雖然有少少過熟（本身叫三成熟），不過食落依然好腍，唔會韌，肉味亦都好濃郁，特別係連住脂肪嘅部分，簡直係油香四溢，無得彈！伴碟嘅薯角亦都好爽口好好味！ ▲香煎鴨胸伴咸蛋自家製意大利粉 ($128) 煎鴨胸份量好多，而且全部都好厚身，自家製意大利粉係扁意粉，用咗咸蛋、洋蔥同蕃茄伴意粉，味道唔錯！ ▲香蕉拖肥批 ($52) 本身以為係一個批型，點知係以樽上枱！拖肥批底層係牛油餅底，之後就一層拖肥一層mousse咁梅花間竹，中間仲夾住一層新鮮香蕉片，面頭則灑上果仁，mousse打得好滑好滑，加埋餅底同配料，口感一流，又唔會過甜，必點！ Hami Harmony 地址：太子西洋菜北街161號地下A舖電話：2327 0665 文字來源／圖片來源：香港人.遊香港...
儘情打卡！ 呢間連鎖cafe最迎推出咗超靚嘅玫瑰主題Tea Set，以玫瑰而特製的飲品和甜品，好靚又好味呀！成間尖沙咀店嘅內牆同天花都以玫瑰來襯托，尤其果個玫瑰天花好似影婚紗相一樣咁夢幻。另外分店仲有大大幅像真度高嘅玫瑰花牆畀大家儘情打卡！ ▲Cafe的內牆和天花都以玫瑰來襯托，尤其那玫瑰天花好似影婚紗相一樣夢幻。 ▲Habitū在美麗華廣場Mira Place有新嘢，以浪漫的玫瑰花為主題cafe的Rosematic Summer ▲今年重點推介的飲品有「玫瑰香片茶寒天梳打」及以健康乳酪製作而成的「玫瑰蘋果乳酪特飲」，為炎夏降降溫 ▲分店仲有大大幅像真度高嘅玫瑰花牆畀大家儘情打卡，仲會舉行一連串同玫瑰有關嘅活動 HABITU table 地址：尖沙咀美麗華廣場一期低層地下B142號舖電話：3572 0846供應日期：5月14日起至8月31日 文字來源：香港人.遊香港／圖片來源：HABITU...
朗豪坊呢間港式西餐推出4款限定中式混合嘅西菜式，只限旺角有。其中有鹿兒島和牛粒，用避風塘煮法炒到甘香可口，西式粉麵用中式麻辣醬煮。另外，旺角以外分店都加左新菜式，其中最關注係有鐵板餐同埋阿華田甜品。 避風塘吉列一口和牛粒（$118），來自雪花紋理均勻鹿兒島和牛，用避風塘煮法，加入炸蒜粒同埋辣椒絲爆炒到金黃香脆，辣中帶有甘香牛肉鮮味。 麻婆豆腐墨西哥玉米片（$78），用中式麻婆豆腐代替肉醬，淋上玉米片同時鋪上水牛芝士，拎去焗到有焦香嘅表面。每塊玉米片沾滿香濃醬汁，配合豆腐和水牛芝士，帶來豐富口感 麻辣煙肉大蝦粗麵（$108），加入麻辣汁，用西式意粉煮法，令粗麵煙靭得來既品嚐到香口的麻辣香 鴛鴦瓶中花（$80），外層用白朱古力製作，染成淡粉紅變成花瓣，鮮花內藏層層交疊嘅咖啡奶茶慕斯、朱古力脆脆和海棉蛋糕。仲要用玻璃瓶奉上，簡直藝術品。 16安士T骨扒（$188）及 龍蝦及肉眼扒（$238），每款鐵板餐都有配薯條或焗薯同雜菜，有得揀紅酒汁、黑椒汁、蘑菇松露汁或者照燒汁 迷你華田小花園（$48）冰鎮朱古力雪糕放滿阿華田脆脆、果味爆珠、士多啤梨同埋藍莓，林生阿華田忌廉和阿華田醬 焗芝士海鱸魚菠菜飯（$128） 牛尾羅宋湯扭扭粉配農場雞蛋、蒜蓉多士（$73） Made in HK Restaurant (朗豪坊) 地址：九龍旺角亞皆老街8號朗豪坊8樓02-03店電話︰ 2918 1655營業時間：12:00 – 22:30 Made in HK Restaurant (apm) 地址：九龍觀塘創紀之城5期apm L1樓L1-13號舖電話︰ 2156 2000營業時間：8:00 – 22:30 文字來源：香港人遊香港/圖片來源：Made in HK Restaurant...
呢間私房菜掌廚人Jacky絶不簡單，佢有接近30年嘅廚師經驗，仲喺頂級酒店做咗超過10年，各地嘅美食都難唔到佢！佢開嘅私房菜館唔單止食物高質，仲要好抵食添！每碟擺碟都好靚好精緻，試過嘅客人都讚不絶口。去到必試佢哋嘅原板馬冀海膽意粉，用海膽做底汁煮好嘅意粉口感適中，再配上新鮮韓國海膽一齊上，客人食時再將海膽混入麵中，食落真喺啖啖都香濃滋味！另外烤美國prime安格斯牛小排串標亦好受歡迎，用安格斯牛及新鮮蔬菜串埋一齊燒，牛肉食落好汁，牛味好濃，配埋蔬菜一齊食，感覺好清新！ ▲原板馬冀海膽意粉，用海膽做底汁煮好嘅意粉口感適中，再配上新鮮韓國海膽一齊上，客人食時再將海膽混入麵中，食落真喺啖啖都香濃滋味！ ▲烤美國prime安格斯牛小排串-用安格斯牛及新鮮蔬菜串埋一齊燒，牛肉食落好汁，牛味好濃！ ▲穀飼斧頭扒 ▲想搵個好哋方開Party-呢度就喺一個好選擇啦！精緻美味嘅餐前小食，仲有滋味菜式供選擇！你哋嘅賓客一定讚不絶口！ J.L. Private Kitchen 地址︰香港尖沙咀山林道23號2樓時間︰18:30 – 23:00電話︰9432 4188 文字來源：香港人.遊香港/圖片來源：J.L. Private Kitchen...
High Tea都有得外賣？ 呢個葵興新商場既輕食店，推出外賣High Tea架連野食，最適合秋高氣爽 picnic ！呢個set唔受地點限制，鼓勵食客將高質健康食物帶回家慢慢歎。配埋呢個外賣High Tea架！賣相依然講究，又足料又抵食。 ▲外賣/堂食-兩層Hi-Tea套餐 ($138) ▲朱古力蛋糕紅茶，朱古力粒與清香蜜綠樹茶結合，滲出絲絲焦糖奶油after taste ▲每日限量冷泡水果茶Detox Drink（$38）德國全天然無添加花果茶配以根據時令氣候挑選的上等材料、鮮果，經6-12小時慢泡而成的冷泡水果茶 ▲野食有雪糕泡芙、Oreo咖啡慕斯、鮮果乳酪沙律、綠茶蕎麥冷麵、Q版公司三文治、一口忌廉薯波、彩虹素菜條。 Green Impression Tea Bar 地址 ：葵涌葵昌路72至76號Life@KCC 1樓105號舖營業時間：周一至六08:00-20:00 ／周日及公眾假期11:00-20:00電話: 2809 2136/6297 4442 文字來源：香港人遊香港／圖片來源：Life@KCC...
12月天氣開始凍❄ 令人覺得好唔習慣，真係想淨係留係被窩之中唔想出街，小編發現原來去尖沙咀呢間酒店High Tea 都可以暖笠笠，以香滑時令栗子、香薑及玉桂炮製精緻鹹甜美點，食飽飽再飲埋杯玉桂蜜糖薑茶真係凍都唔怕！ ▲冬日戀曲下午茶有12款令人唾液欲滴既美食。 ▲玉桂蜜糖薑茶 ▲佛手柑焦糖慕絲及黑加侖子栗子朱古力撻 ▲車厘茄水牛芝士玉桂粟米餅及玉桂番薯餅配黑松露辣根汁 ▲紅莓芝士蛋糕及馬卡龍 ▲黑朱古力百利甜酒松露棒棒糖及檸檬士多啤梨白朱古力慕絲 ▲濃朱古力鬆餅，鬆餅內佈滿香甜幼滑的朱古力粒，配以酸甜可口的香橙果醬餅 ▲鵝肝凍批及栗子火雞三文治 Three on Canton / Be on Canton 地址 : 尖沙咀海港城港威酒店 3 樓訂座電話 : 2113 7828 文字來源：香港人遊香港 ／圖片來源：港威酒店...