呢間位於西貢cafe小店以白色小房子配原木家具，感覺簡約舒服，室內設計結合唔同曲線細節，流動感十足！小店樓底高具空間感，充斥著西貢寒冬日陽光暖意及和煦海風。而係西貢呢個高危地區，呢間小店仲設有連儂牆高調支持香港人，實屬難能可貴！小店係兩公婆，分別黎自埃及、英國混血兒，及澳洲和香港混血兒，而製作出黎食物又係咁國際化，完全係墨爾本crossover地中海，以健康全日早餐為主軸，再現一杯手沖咖啡，就係一個完整既weekend！ ▲煙三文魚配天然酵母麵包 （$98）每份有3片煙三文魚，麵包加上中東特有Labneh（濃縮酸奶）味道似cream cheese ▲牛油果蓉配天然酵母麵包 $95 (配紅菜頭鷹嘴豆泥、埃及混香料)牛油果蓉份量十足 ▲小店仲提供多款沙律碗！ ▲椰香奶凍杯 （$86）椰香味濃，細味十分細滑，加上奇亞籽、熱情果同色彩繽紛食用花，擺盤美美。 ▲椰香奶凍杯 （$86）椰香味濃，細味十分細滑，加上奇亞籽、熱情果同色彩繽紛食用花，擺盤美美。 ▲上：Smoothie Bowls Red Dragon – Dragon Fruit, banana, coconut milk, coconut, nuts and seeds；下：Cocao Paradise，可可豆+香蕉，配上新鮮士多啤梨同椰子片，真係好味又健康！ ▲店內外都採用純白設計，採光度十足 Little Cove Espresso 地址：西貢海旁廣場兆日樓地下1-2號舖（顯示地圖）電話：9572 8560營業時間：7:30am-6pm 文字來源：香港人遊香港 / 圖片來源：@kfungfoodie、@n.a.f.b_hk、@_florencelam_、@charlotte_mhm...
[駐場博客小牛牛快樂行山郊遊相集by Chan Keung] 今次小編好早起身，因為要預多啲時間，打算太陽落山前到終點，加上起步點予西灣亭，必須要留意專線巴士班次。到達西灣亭整理裝備立即起步，先走一段馬路，可以沿途欣賞萬宜水庫美景，到達吹筒坳，接上麥徑2段，一路落到第一站西灣，呢度風景開掦，又有靚靚沙灘，無敵海景，手機拍過不停呢! 繼續沿麥徑2起步，經過四叠潭，走過一段山徑， 到達鹹田灣，嘩! 另一個靚靚海灣，見到有幾位人仕𣈱泳，小編真係好想跳入海水中涼快一吓呢! 下次一定要帶埋泳褲先，影完相又繼續上路，又到達另一個靚靚沙灘~大灣，真係一個靚過一個，大灣更比頭幾個沙灘更長更濶，更自然呢! 打卡後上路，又到達最後一個沙灘~東灣，呢個沙灘仲有一個内灣，由於有條山澗流入東灣背後，所以形成咗一個小湖泊， 配合光線折射，好似一面巨形鏡子，小編稱佢為~天空之鏡。另外東灣近沙灘兩則，旁邊岩石被海水長期侵蝕，形成色彩繽紛嘅圖案，相當搶眼， 可是時間唔容許小編再逗留了，要立即起步，正式進入長咀徑，行行重行行，山徑唔難行，上落坡幅唔大，沿岸風景開掦非常美麗，邊行邊拍，繞過東灣山山腳，好快就開始進入長咀範圍，可惜經過長途跋涉，小編雙腿開始有啲力不從心，加上太陽準備落山，唯有立即折返。今次打算經赤徑返北潭凹走。由於腳板劇痛，需要慢速前進，捱到6點幾，天色陰暗，摸黑返回北潭凹時見到有好多螢火蟲飛舞，綠色微光一條一條在空中閃爍，真係好靚，小編把手機關掉，更覺耀眼，所有疲勞，痛楚都一掃而空，估唔倒臨尾仲有個bonus！ ▲由西灣亭起步經過萬宜水庫 ▲東灣有ㄧ個小湖泊光線折射下出現優美倒影有如天空之鏡- ▲鹹田灣風景秀麗 ▲部分山徑比較貧瘠,前往時必須小心跣腳 ▲香港最東端地點大浪咀 ▲大灣是ㄧ個長長的美麗沙灘 ▲東灣旁邊是岩石群經過海水長期侵蝕, 呈現色彩幻化的岩石紋 ▲又越過高山又越過谷 ▲左手面最遠處就是長咀終點在望 ▲西貢海灣ㄧ帶水清沙幼是行山露營郊遊聖地 ▲東灣背後有一條石澗供應水源流向東灣背後地形有小許凹陷形成一個小湖泊 ▲前往長咀路程比較遙遠必須要有充沛體力食水和乾糧. ▲進入長咀徑途中會經過東灣山山邊 ▲東灣倒影又被稱為天空之鏡 ▲大浪村山頭背後呈現黄金山嶺 ▲沙灘的足印 ▲部分路段需手腳並用攀爬 ▲遙望短咀和米粉咀 ▲金雞灣 ▲遠方的大細小島外形相似小狗躺臥人稱為史諾比島 ▲望魚角 ▲長咀徑上落坡幅不大 ▲由於路程比較長和崎嶇建議由經驗人士帶領 ▲大蚊山 ▲赤徑日落 注意事項: ⚠ 愛護大自然生態,切勿捕捉螢火蟲 ⚠ 留意專缐巴士班次 ⚠ 路途比較遙遠, 要具備足夠體力 ⚠ 愛護郊野清潔人人有責,自己垃圾自己帶走 ⚠ 風高物燥切勿在郊野吸煙,容易引起火警,後果嚴重 西灣...
由馬鞍山良友路出發，去到馬鞍山燒烤場，沿馬鞍山郊遊徑到達分岔路口，左轉逆走麥理浩徑到達大金鐘的入口，約30分鐘便到達大金鐘。 沿路落山可見昂平及西貢景色，接回馬鞍山郊遊徑到達茅坪分岔路口，選擇往基維爾營地的方向走。經過M88標距柱後，需留意右面有小路上水牛山，一口氣上到水牛山後，旁邊就是黃牛山了。 沿路落山到達沙田廣源邨結束 。 去過昂平幾次了，但每次都只能經過大金鐘，今次就以大金鐘為目標。起點是馬鞍山錦英苑錦雅閣旁小路接馬鞍山村路上山，最初全是車路，途中會經過馬鞍山燒烤場，並會進入馬鞍山郊遊徑，請留意標距柱！ ▲標距柱有助行山人士清楚知道自己位置，即使出了意外，只要講出標距柱上的號碼，便可以更加準確地知道自己的位置 ▲間中會見到這些洞口 ▲這個路口向前行 ▲開始進入山路 一公里上山路便會到達涼亭，有多條分岔路，記得轉左 ▲上山約500米到會見到這個路口，這時需離開麥理浩徑，從這裡上山 ▲西貢一帶 ▲終於上到山啦! ▲昂平草原，我們的下一站 ▲落去昂平的路比較多碎石，小心慢行 來到昂平，這裡同時是麥理浩徑和馬鞍山郊遊徑的路段，請留意，過了M082和C3306後不久，便會見到分岔路，左面是馬鞍山郊遊徑往大水井，右面是麥理浩徑，需繼續沿麥理浩徑走 ▲麥理浩徑標距柱 直到過了M088不久，即大約走了3公里，便會見到有多條分岔路，留心右面有路口可以上水牛山 ▲右面小路上山 上水牛山雖然是小路，但路線清晰，很快便上到去了，但山上並沒有標高柱，很快便離開往黃牛山了 ▲景觀一流，但天色一般 由水牛山往黃牛山都是很短的路途，少量落山路，少量上山路便到了，但山上十分當風 ▲往黃牛山 ▲到黃牛山了 由於開始下細雨，我們很快便離開了，但落山往廣源也需要經過漫長落山路，加上十分大風，的確不容易 ▲望見終點了 ▲落到山會見到這個路牌，終點是黃泥頭巴士總站，可以搭小巴或巴士往沙田市中心 馬鞍山村>廣源 難度: ＊＊＊(5＊為最難)需時: 7小時(慢行+拍照)長度: 12公里路線參考: https://bit.ly/2OCy2aI文字／圖片來源 ：賞山樂山...
最近有間甜品屋同Sanrio合作，打造咗兩間復刻甜品屋，分別喺銅鑼灣同西貢，Hello Kitty粉絲唔可以錯過啦！除咗有好多Kitty主題甜品之外，仲有好多靚靚打卡位同埋懷舊精品。最多朋友推介一定係雜果涼粉西瓜盅同Hello Kitty香蕉船，西瓜盅有齊西瓜波波、蜜瓜波波，仲有Kitty芒果！另外香蕉船有足3大球雪糕，非常吸睛！ ▲最近滿記甜品打造咗兩間Hello-Kitty復刻甜品屋呀，一間喺銅鑼灣，呢間喺西貢 ▲銅鑼灣店除咗有好多Kitty甜品食之外，仲有靚靚打卡位 ▲各式各樣嘅Hello-Kitty主題甜品 ▲Hello Kitty 香蕉船（＄101）消暑名物Hello-Kitty香蕉船，有3大球雪糕啊！ ▲蘋果杞子燉桃膠（＄77）將原個蘋果挖空，載滿滋潤的杞子燉桃膠，仲有得refill ▲椰汁芒果糯米飯（＄99）糯米飯做成Hello Kitty 形狀，真係唔捨得食！ ▲黑芝麻糊豆腐花（＄66） ▲開心 share雜果涼粉西瓜盅（＄168），整整半個西瓜加上足料雜果涼粉，更有Hello-Kitty形狀芒果片 ▲雪糕菠蘿冰（＄66）配上酸甜紅桑子同菠蘿，插上經典紅白藍紙傘及吸管，淡黃色調充滿夏日氣氛. ▲逢惠顧任何飲品一杯，即送一張精美 紙杯墊，總共兩款 Honeymoon Dessert De Avenue－銅鑼灣地址：銅鑼灣希慎廣場3樓318-319號舖 滿記甜品 西貢總店地址：西貢普通道 10 號 D 地下 限定日期：8月8日起至2019年1月6日 文字來源：香港人.遊香港／圖片來源：香港人.遊香港、Honeymoon Dessert...
[博客授櫂分享: 童你去玩 Go Go With Him] 香港號稱「東方之珠」，也是全球珍珠貿易集中地。但又有多少人想過，歷史上香港的確是一個重要的珍珠產地？我們將透過此活動讓參加者認識香港海洋生態、珍珠的採集及製作步驟，深入了解珍珠的秘密，從而學會珍惜及保育我們寶貴的海洋。 ▲大家需要在白沙灣碼頭乘漁船到漁排，20分鐘左右便到達漁排 ▲珊博士竟然可以用兩個 cushions 解釋珍珠的形成 :p ▲珊博士分享，以野外計，一萬隻蚌才有一隻有珍珠。一隻養殖的淡水蚌最多可以有50粒珍珠，但一隻咸水蚌只有一粒珍珠，所以珍珠末多用淡水珍珠製作而成 ▲這些奇型怪狀的珍珠，被稱為『巴洛克珍珠』。珍珠不是每一粒也又圓又靚的，每16 粒珍珠，才有一粒可以做珠寶，當然還有不同的質素和等級啦! 一直以為珍珠是圓碌碌的，但原來圓碌碌的珍珠是100多年前才由日本開始養殖。由於技術所限及古代的中國人喜歡佛像形及半圓形的珍珠，所以會放入佛像形型的珍珠核 ▲珊博士也與我們分享了香港珍珠業的歴史，以及養殖珍珠的工序 ▲原來要先把珍珠核放入貝殼內。那麼，珍珠核又是從什麼而來的呢？原來是用厚貝殼(淡水貝)切割、打磨、漂白而成的。選用淡水貝，因為淡水貝較厚，而且較平 ▲蚌殼每兩星期要清潔一次，否則會有寄生蟲 ▲原來，要至少1000層珍珠層才可成為珍珠，把珍珠核放左蚌殼內，每日可生3-4層，所以大約要250日時間。不同的地方有不同的收成期，在香港，珍珠收成期約10個月，在日本、大溪地等地方會養2年。養珍珠有三大要求：水質較好，較多浮游生物，水流不太急，真的長知識了！ ▲示範開貝殼過程 ▲開始親自動手開貝殼取珍珠 ▲取得自己的專屬珍珠後，可自選合適的首飾配搭成頸鏈 ▲撈貝殼上岸，觀察養殖情況。 ▲接下來，珊博士透過工作坊教導珍珠形成的原理。手上的腊，就像是珍珠核吧 ▲加腊，就是模擬珍珠層的生長 ▲繼續化身生態調查員，收集海水樣本，於顯微鏡下觀察魚排海域的各種生物 ＊此文章由童你去玩 Go Go With Him授權分享，原文網址：[香港]尋找昔日珍珠「港」 「港．珠」親子工作坊 地點：西貢白沙灣集合人數：最少20人，最多25人對象：5歲或以上 （親子）時間 : 09:30 – 12:30 或 13:30 – 16:30 「生態教育及資源中心」 電話: 2697 2029電郵: [email protected]官方網站: http://erc.org.hk/zh/ 文字整理：香港人.遊香港／文字及圖片來源：童你去玩 Go Go...
呢間新開嘅小店主打招牌即炸巨型魔髀，魔髀呎吋比一般常見嘅大至少兩個碼，雞髀大隻厚肉，連醃味都需要比平時多一倍時間！炮製方面會用猛火迫出雞脾多餘油份，再用慢火炸到金黃色，雞皮炸得非常脆薄，咬開後雞肉充滿肉汁，食落口感好過癮，再加埋新加坡直放嘅咸蛋黃醬，真係食到停唔到口！另外佢哋其他小食都值得一試，其中炸花枝丸新鮮彈牙、椒鹽豆腐爽香惹味！ ▲火焰魔髀($30)-中意食麻辣嘅你一定唔少得。 ▲黃金魔髀非常厚肉，加上脆薄雞皮同鹹蛋黃醬，口感過癮。 ▲椒鹽金粒豆腐（$28） ▲椒鹽花枝丸($30) 髀魔雞髀第一店 地址︰西貢福民路58-72號高富樓18號地舖電話︰+852 9293 1899時間︰12:00-21:30、逢星期一休息 文字來源：香港人.遊香港／圖片來源：髀魔-雞髀第一店...
[駐場博客 @小牛牛快樂行山郊遊相集by Chan Keung］天氣悶熱，最適合走走石澗，今次介紹九大石澗之横涌石澗，呢度有高聳入雲嘅龍珠瀑， 更有清澈嘅霜碧潭，有幾靚? 即刻去睇睇啦! 橫涌石澗 點去？ 由大埔墟乘坐20R小巴，出發前留意返開車班次，因為隔成個鐘至有一班車架。坐小巴經過大尾督，下一站就到達新娘潭燒烤場，呢度落車再過對面馬路，行多一小段路，見倒有條石樓梯，就係橫涌石澗入口，沿樓梯落到底進入石澗， 入口好開掦，水質尚算潔淨， 流水中中，旁邊有一條山徑，如果唔想濕腳，可以沿山徑直上，初段路況簡單易行。 龍友最愛影！天然三層瀑布！ 爬過幾段斜坡，就見到有一個小瀑布和大水潭，環境優美，打卡後繼續上路，小河流中有好大塊石頭，可以在大石上横過水道，不過要加倍小心，因為石面濕滑，容易跣低! 攀升咗一小段之後，再發現多個大小水潭，又有多個瀑布，其中有D瀑布底部，仲有多個大小壼穴，一個個石窿形狀相當有趣，有D仲大到可以成個人坐入去添! 拍照後繼續攀上，走到另一開掦位置! 喔! 係一道三層瀑布，好靓呀，小編立即攞部微單相機出嚟，用慢快門拍攝瀑布，可以拍出絲絲效果。拍出靚靚效果相當滿足，之後走過幾段山徑，發現多嚿巨石，形成一個天然大水潭，再抬頭一望上去， 一道超過百多尺嘅大瀑布就在眼前， 大量水沖落水潭，造出大量水花，呢度就係横涌石澗第一個景點~龍珠瀑，好宏偉喔! 影完相後可以靠左手面有一段比較斜嘅山坡，呢度要好小心攀上，可以拉住樹根借力，亦有扶手腳踏位，只要小心爬，都不太困難跨過， 途中發現一個掛在樹上嘅螞蟻巢穴，切勿觸摸，避免比蟻咬喔! 繞過龍珠瀑之後再走一段石坡，又發現一道人工水閘，水質清澈見底，呈現碧綠色，可清楚見倒魚仔小蝦游來游去。繼續再走一段山徑，卒之到達霜碧潭，呢個潭深不見底，通常都係行山隊大休好地方，小編正打算落水之陣，突然雷雨交加，安全起見，立即㝷找另一小徑通住八仙嶺自然教育徑走人，呢度早前被火燒過，好多樹枝都焼到光禿禿， 雖然係咁，但係又呈現另一種景象，感覺好特別，啱啱又一層薄霧飄過， 望落去好似仙境一樣， 呢個畫面都係首次見到，相當之靚喔! 最後好快落返到去起點，搭小巴返去大埔完成旅程。 ▲由大埔墟公共小巴站乘坐20R小巴經過大尾篤再到達新娘潭燒烤場落車 ▲過石級就到達橫涌石澗入口初段開揚而山澗旁邊有石徑進入 ▲小河中間有多塊巨石可以從石面上渡過小河-但必須留意石面上比較濕滑前進時必須小心 ▲行咗唔係好耐就見到第一個小型瀑布可以用慢快門拍攝呈現出絲絲效果 ▲影完相後繼續向上攀升 ▲路況有點崎嶇但唔難應付 ▲沿途發現多過大少壼穴其中有啲大到可以容納一個人坐入去 ▲三層瀑布相當壯觀 ▲旁邊山徑 ▲龍珠瀑打卡熱點 ▲龍珠瀑是横涌石澗其中ㄧ個出名嘅景點 ▲由於龍珠瀑太高所以唔可以正攀可以從左手邊有一條山徑可以繞過但係呢條山徑比較斜所以要小心慢慢爬 ▲不斷向上攀旁邊有好多樹藤可以用來借力 ▲爬呢條山徑必須要小心 ▲繞過龍珠瀑繼續爬大石向上走 ▲近人造水閘前有ㄧ個大水潭. ▲巨石下的ㄧ個大壺穴 ▲人造水閘清澈見底 ▲水潭內呈現的綠色可以清楚見到魚仔蝦仔遊來游去 ▲水閘前倒影好靚 ▲發現ㄧ個蟻巢切記不可觸碰 ▲突然雷電交加沿山徑切退 ▲經過一段剛剛被燒過嘅山徑-雖然光禿禿但係又有另一種感覺-落去八仙嶺自然教育徑突然之間又有一陣霧飄過好似仙境一樣 橫涌石澗...
[駐場博客 @ 賞山樂山］老虎騎石位於西貢西郊野公園，沿海下路找到登山入口，經過山火瞭望台後，上山到達石屋山,然後下降到嶂上,最後回到海下路離開。本路線原到達石屋山後,下降到蛇石坳,經過深涌後在企嶺下離開，只因路程比預期長，才選擇在嶂上離開。之前曾提及過,假期入西貢通常都是很多人,較方便的是在鑽石山站乘搭96R,在高塘站落車後沿海下路行20分鐘,便會見到登山入口。 起點：猴塘溪 ▲會經過猴塘溪,可先在這裡去洗手間(最乾淨) ▲登山入口。 ▲上山不久便會見到山火瞭望台的指示牌,旁邊還有兩塊路不通行的指示牌,放心,兩條路都是可行的,右邊往山火瞭望台,左邊往石屋山,山火瞭望台風景一流,可先上去看看。右面石往山火瞭望台。 景點1：山火瞭望台 ▲山火瞭望台。離開山火瞭望台後,可回到剛才的分岔路,繼續往石屋山。上石屋山的路途比預期困難,比較少樹蔭,而且部分路段窄,的確不容易 景點2：老虎騎石標高柱打卡點 ▲經過標高柱,成為休息點 ▲打卡點 景點3：石屋山 ▲終於到達石屋山 ▲山上的標高柱 ▲來到石屋山,決定更改行程,去嶂上光顧許林士多,但是落去嶂上都不容易,比較多碎石,要更加小心 ▲落嶂上路途。這個還是標高柱嗎? 終站：嶂上大草原 ▲嶂上大草原，離開嶂上大草原,來到四岔路口,選擇逆走嶂上郊遊徑,回到海下路,最後在高塘站怎乘搭巴士離開 老虎騎石 石屋山 嶂上 難度: ＊＊＊(5＊為最難)需時: 5.5小時長度: 7.5公里交通:起點: 在鑽石山站乘搭96R在高塘站落車終點: 在高塘站乘搭96R,在鑽石山站落車 路線參考：https://bit.ly/2MNcdpk 文字／圖片來源 ：賞山樂山...
[駐場博客 @小牛牛快樂行山郊遊相集by Chan Keung］今日陽光普照，天氣炎熱，小編由西貢小巴站乘坐1S小巴去到井欄樹落車 ，過對面馬路， 正式進入衛奕信徑3段 ，行過一小段石屎之後，就進入小夏威夷徑， 山路都好走易行， 好快就到達小夏威夷瀑布， 據說呢度以前係一間麵粉廠，倒閉之後，畀人築起了堤壩，改建成一個游泳場， 但係不時有遇溺個案出現，所以村長决定把㔭壩拆掉， 現在只能見倒被拆毀的舊痕跡， 呢度雖然面積不算很大， 不過周圍都長滿苔蘚，充滿自然風味，加上四周環境清幽，風景優美， 令人心擴神怡，拍過照後継續上路。好快又走到去另一瀑布~蓮苑台瀑布，呢度水流分佈平均，山澗中有多嚿大石，可以踏上拍照，不過滿佈苔蘚，必需極度小心喔! 流水落花， 可以利用相機慢快門拍攝， 可以拍攝水流如絲一般的美麗情境， 影完相之後再沿山徑到達穎禮路完成旅程，連拍照約1.5小時，相當輕鬆之路線。 ▲小夏威夷瀑布-據說呢度以前係一間麵粉廠倒閉之後畀人築起了堤壩改建成一個游泳場-但係不時有遇溺個案出現所以村長决定把㔭壩拆掉-現在只能見倒被拆毀的舊痕跡 ▲沿途有多隻藍色小蜻蜓 ▲小夏威夷瀑布-水質不太理想 ▲毛稔，又名豺狗脷 ▲相機可以調至慢快門拍攝絲一般的流水 ▲假蘋婆成熟後會打開種子滿佈地上 ▲充滿原始風味 ▲天氣炎熱小編都走進山澗裏浸浸不過必需小心 ▲慢快門拍攝必需要利用減光鏡和腳架固定位置 ▲慢快門拍攝必需要利用減光鏡和腳架固定位置 ▲蓮苑台瀑布 ▲黃扇鳶尾，名字跟顔色都好靚 ▲美麗的瀑布不禁走進拍過不停 ▲山澗之中佈滿大石-步行時必須要小心喔 ▲全程上落波幅唔大平緩易走 小夏威夷徑 路線: 井欄樹>衛奕信徑3段>小夏威夷徑>小夏威夷瀑布>蓮苑台瀑布>穎禮路 全程約2.5公里 注意:⚠山澗佈滿苔蘚，步行時必須極小心⚠大雨後請勿前往，小心山洪暴發⚠愛護山野清潔，人人有責，自己垃圾自己帶走 文字／圖片來源 ：小牛牛快樂行山郊遊相集by Chan Keung...