[駐場博客 @小牛牛快樂行山郊遊相集by Chan Keung]在網上傳聞,位於靈會山一帶,有一座寺院隱藏在山林中,而呢座寺院附近仲一條飛龍,神出鬼沒,充滿神秘感,聽聞好人都上山尋訪,但好多人都徒勞無功 ,所以今次决定查過究竟呢! 點搭車去靈會山? 東涌巴士總站坐11號或23號巴士,到咗石𤩹水塘站落車,進入宏貝道,再轉入鳯凰徑8段,沿一條藍色引水道一直走, 好快就見倒一條金屬通道,横過之後再沿山邊走,到達大浪坑入口處,有絲帶記號,入澗後,發現入口比一般石澗較為窄一啲,周邊植物長得十分茂盛,今天水源充沛,下源大小水潭水位已經十分高漲,如果唔想濕腳,可以穿梭兩旁山徑,不過呢度可能較少人行,所以樹藤雜草密佈,又有好多蜘蛛網,有時都要攀爬大石避開密集叢林,行咗一小段已經大汗疊細汗, 有不小石頭都佈滿苔蘚,必需小心慢行,讓小編可以慢慢欣賞沿途美景。雖然大浪坑澗度很短,但係琴上琴落,都消耗了不小體力喔! 離澗後接返羌山郊遊徑, 其實是靠靈會山腰横行,呢度可以俯瞰分流一帶,風景開掦優美。好快走到分岔路口~分水坳,呢度可以上𩆜會山頂,煎魚灣,分流,萬丈瀑,水澇漕多條路線, 今次選擇住萬丈瀑方向,進入鳯凰徑5段, 一直沿山徑走,行到L047標柱,靠右邊發現有一條隱徑,有絲帶引路,大約走多百多米之後,就能到達。 隱世飛龍活靈活現 今次行程主要想揾嘅飛龍, 呢條飛龍隱藏於深山之中, 想搵倒佢都要響網上面搜集資料做下功課, 當發現佢時真係好開心,仲可以近距離接觸, 雖然呢條飛龍已經建築咗一段時間,但係龍身上面嘅油漆依然十分光澤, 造型栩栩如生...
行山欣賞美麗風景之餘,小編最喜歡就係順道探索奇石,今次介紹去長洲環島遊路線,真係可以一次過滿足多個願望呢! 長洲除咗美食多之外,原來仲有幾條家樂徑,適合一家大細郊遊,環繞小島有多個海灣和沙灘,最特别之處,島上有小編最喜歡嘅奇石, 每嚿都栩栩如生 ,在山徑旁有地圖指示牌,説明奇石位置添,不過奇石實在太多,仲有一啲係山友發現的,所以可能要分開幾日至行得晒! 今次都未能盡錄,希望下次可以揾埋火炬石,太空人石…和進入張保仔洞探究一番啦!! ▲人頭石外形極似大頭娃娃-前往探究山友必須要繞過人頭石才能夠發現他的真正外貌 ▲五行石由五塊巨石所組成 ▲坦克車石外型又似一隻小鴨 ▲鰻魚石就在山徑路旁不難發現 ▲花瓶石下面有ㄧ條小石縫可以窄身穿過 ▲北角咀小海峽 ▲長洲擁有多條郊遊山徑其中家樂徑往北眺亭風那段最為吸睛 ▲沿家樂徑步行會經過多個海灣白鰽灣 ▲東灣是長洲最長的泳灘 ▲馬桶石 ▲有部份奇石需要走過崎嶇山徑 ▲人頭石另ㄧ方向看不見全貌必須繞過背面才能看倒盧山真面目 ▲長洲沿海岸線擁有多個美麗海灣 ▲小長城路徑有多個地圖指示路牌可以參考前往參觀奇石 ▲小長城路徑...
大潭水塘包括大潭上水塘、大潭副水塘、大潭中水塘及大潭篤水塘,在1888年至1917年間分期落成,為港島食水的主要來源,統稱為大潭水塘群。而今次介紹的是大潭篤水塘,是行山新手入門路線,全程7.5公里,需時約2.5小時,風景非常優美且有超過一百年歴史建築,適合一家大細享受一吓郊遊樂趣。 ▲大壩背後的沼澤:堤壩建有12條半圓拱形溢洪水道,花崗石築成石柱。 ▲矮矮的燈柱 ▲大潭篤水塘石橋:石橋以巨型石柱作支撐,石橋於1888年落成,也是法定古蹟。 ▲清清的水 路線:大潭郊野公園 >大潭篤水塘>大潭郊野公園;或大潭水塘(北) > 大潭上水塘 > 大潭副水塘 > 大潭篤水塘>大潭郊野公園交通:於西灣河鐵路站A出口,在太安街乘14號巴士,於大潭郊野公園(步行路段較少)或大潭水塘(北)站下車 文字:香港人遊香港 / 圖片:小牛牛快樂行山郊遊相集by Chan Keung...
[駐場博客小牛牛快樂行山郊遊相集by Chan Keung] 天氣轉冷,又係登高好時機,趁住芒草盛放,梗係揾嗰觀賞靚景點介紹比大家啦! 今次為咗睇埋日落,所以刻意晏小小至出發,首先由川龍起步,沿響石脊直上,好快就到達妙高台,芒草搖曳,風景優美,呢度仲有ㄧ座山火瞭望台,係打卡熱點,旁邊仲有一嚿嚿巨石可以企上去影返幾張selfie添! 見時間尚早,太陽又未落山,就沿山徑橫移,好快就到達禾秧石林,呢度咗有勁多芒草之外,四周仲有好多怪石, 仲可以喺巨石之間穿插,不過石頭表面比較粗糙,穿過時必須要配手套,避免擦傷。打完卡後太陽差不多準備落山,小編都趕快步伐 返回妙高台。嘩!夕陽真係超靚,十分浪漫呢! 小編除咗影相不停打卡之外,仲用埋手機防震雲台拍埋影片添! 拍完之後沿大霧山道落山,途中經過一個小山丘,啱啱遇上夕陽斜照,影埋一班登山龍友嘅剪影,真係巧令令呢!返到落去大帽山小賣部已經天都黑齊,小編好大懵,發現原來手機防震雲台漏咗喺妙高台山頂,天色太暗,唯有擇日再尋找呢! ▲大霧山拍日落靚位 ▲禾秧石林 ▲妙高台日落無敵靚景 ▲靜心欣賞夕陽美景 ▲芒草+夕陽=美不勝收 ▲山頂嘅朋友你哋好嗎? ▲山頭大巨遍佈四周 ▲沿山徑走向禾秧山 ▲夕陽美景,令人陶醉 ▲遇上牛羣 ▲Magic...
[駐場博客小牛牛快樂行山郊遊相集by Chan Keung] 山竹過後,有好多 行山 路線大樹倒塌被封閉,政府有關部門都慢慢修復過來,但係有啲行山人仕自行開發嘅路線就有待山友自行清理了。所以有部份山線仍有待”打通”,可是小編偏喜歡捐窿捐罅,今次就小試牛刀,走走獅子山獅尾脊。 首先由沙田坳道法藏寺後面登山入囗起步,呢度有幾條登山路線,分岔路多,每走一小段就要打開行山路線apps,查核一吓有冇行錯路。走了一小段發現有好多大小樹幹倒冧,打橫封鎖路線,唯有逐一小心攀過,但遇上爬唔過就唯有繞其他路缐行呢! 爬爬捐捐好快就到達獅尾脊入口,走多一小段就見倒~天梯石。天梯石其實是一組由幾嚿巨石拼合而成的一條長長石梯,面積大約長90尺濶10尺,因為外形似一條梯直上天空,所以名稱由此得來。打卡後直上靠右轉入石馬外脊,順道走訪埋石馬。拍照後又經過儍人塔,繼續沿獅尾脊上獅子山頂。好快就到達山頂,剛巧是日落時份,在獅山頂觀看日落, 俯瞰整個東九龍,真係美不勝收,賞心樂事,多麼壯觀呢! 拍過夠後沿麥理浩徑5段直走,經過筆架山落山完成旅程。 ▲獅子山不難找到打卡靚位 ▲夕陽多美 ▲獅尾脊上觀看美麗夕陽 ▲山竹過後有部分路線仍有待清理 ▲風雨過後部分路段有封佐有待山友打通 ▲山頂懸崖位置比較危險小編不建議攀上 ▲天梯石由幾組巨石堆砌而成 ▲有大地在我腳下感覺 ▲巧遇美麗雲彩 ▲獅尾脊直上獅子山 ▲夕陽美景令人心曠神怡 ▲石馬脊上的石馬 ▲天梯石 ▲有多條分岔路建議先安裝行山地圖apps ▲每逢假日獅子石都人頭湧湧 ▲穿過石縫 ▲筆架山日落美景 ▲俯瞰東九龍美景 ▲部分路段比較崎嶇 ▲獅子山頂有多個打卡靚位 ▲獅尾脊部分路段比較崎嶇需手腳並用 ▲要攀上獅子山頂有ㄧ定危險性必需量力而為 ▲路邊野花不要採 ▲觀看夕陽美景 ▲獅尾脊其中ㄧ個特色景點天梯石 ▲經獅尾脊直上 獅子山獅尾脊 路線: 法藏寺>獅尾脊>獅子山頂>筆架山 全程大約10公里 注意事項:-建議先下載行山地圖apps-多分岔路,建議由經驗人行帶領-攀上天梯石有定危險,量力而為-風高物燥切勿在山上吸煙,引起火災後果嚴重-愛護郊野清潔,自己垃圾自己帶走...
行山新手想挑戰一些簡單的路線,這條行山徑就最適合不過了。這條行山徑全長2.2公里,性價比非常高。除了難度教低之餘,還能欣賞市中心及維多利亞港兩岸的極佳景致。由山頂廣場凌霄閣出發,途經盧吉道。
東涌站乘搭11號大嶼山巴士到達石壁水塘落車,整理好裝備之後,首先進入鳳凰徑8段,頭3公里都係石屎平坦路相當易行。 第一站到達狗嶺涌觀景台,從高處可以望倒白角海灣和嶼南界碑,影完相之後,沿山徑落山,到達狗嶺涌營地, 呢度有小河和溪澗環境相當之靚, 沙灘更是水清沙幼可惜經過暴風洗劫之後,好多大樹都倒冧和枯萎。 繼續沿山徑直走,好快就到達分流東灣呢度成個沙灘都係垃圾, 滿目蒼痍,希望有關部門可以早日清理。穿過好多垃圾嘅山徑到達分流石荀,呢嚿巨石大約有20尺高,外型真係好似一嚿放大咗嘅竹筍。 再繼續前進,到達一座巨型古蹟~分流炮台,保存得相當原整,大約有一個足球埸咁大,四邊由石磚堆砌而成,又好似一座四方城,入口處旁邊有石級上樓層,呢座古建築物係小編探索過衆多古蹟之中面積最大嘅。繼續沿分流郊遊徑走,到達分流廟灣, 顧名思義呢度坐立一所天后古廟, 所以名為分流廟灣。 下一站到達分流西灣, 鳳凰徑7段,呢度又係一個長長嘅沙灘 ,又係佈滿垃圾,如果行到呢度用盡食水或乾糧,可以響呢度補給,因為呢度有兩檔士多,可以幫襯一吓。 行到呢度雙腳開始發軟蹄, 但係時候唔早,唯有堅持落去,好快就到達煎魚灣, 呢度對面有一個小島,名為雞翼角。 繼續沿山徑直走,到達了二澳村,係大嶼山最西面,所以看日落就最靚, 最後到達了大澳海濱長廊,完成今次”軟足”旅程呢! ▲東涌站坐大嶼山11號巴士到達石壁水塘落車頭段3公里平坦石屎路好易行 ▲遠望白角灣 ▲狗嶺涌觀景台 ▲狗嶺涌觀景台旁邊就是嶼南界碑 ▲狗嶺涌營地 ▲狗嶺涌沙灘大樹被暴風吹倒開始枯萎 ▲狗嶺涌沙灘 ▲狗嶺涌營地有小橋沼澤環境優美 ▲分流東灣遠處可以望見分流石荀 ▲分流石荀大約有20尺高 ▲分流炮台 ▲炮台入口 ▲炮台入口 ▲炮台四面由石磚堆砌而成面積有如ㄧ個足球場 ▲小編暫時所見全港最大的古蹟 ▲分流西灣 ▲整個海灣佈滿垃圾 ▲希望有關部門可早日清理垃圾,不過我地要可以同時反思垃圾源頭,減少製造垃圾。 ▲經過暴風ㄧ劫後多處有大樹倒塌 ▲煎魚灣 ▲煎魚灣 ▲二澳村 ▲二澳是大嶼山最西面觀看日落ㄧ流 ▲二澳村小碼頭 ▲到達大澳完成旅程 注意事項:⚠ 部路途十分之漫長必須要有充沛體力⚠ 帶備足夠食水和乾量⚠ 必需有豐富行山經驗人仕帶領⚠ 風高物燥切勿在郊野吸煙,引起火災後果嚴重⚠ 愛護郊野清潔人人有責,自己垃圾自己帶走 分流路線: 石壁水塘>狗嶺涌>分流東灣>...