太子有間新新地既越式餐廳勁貼地,無論小食定越南粉都大件夾抵食!佢既越式拼盤有齊六款小食,包括青木瓜沙律、大蝦米紙卷、扎肉米紙卷、炸大蝦、黃金炸魚皮同帶子蝦春卷,份量十足!尤其自家製帶子蝦春卷勁大條,而且即叫即炸,非常香口,蝦亦夠彈牙!經典「越南火車頭湯河」有齊生熟牛肉、牛粒、扎肉、牛丸等等,招牌「火五生牛肉粉」都超大碗,尤其熱湯浸熟既生牛肉片非常嫩,牛肉夠厚有咬口,湯底加入芽菜青檸等都幾清甜,味道都算唔錯!重點係價錢唔貴,岩晒一班朋友黎開心share食個拼盤啦! ▲呢個越式拼盤($138)有齊六款小食咁多,每款份量都唔少!岩晒3-4個人Share食! ▲當中黃金炸魚皮,加入左鹹蛋黃即叫即炸,非常香口! ▲自家製炸春卷非常大條!而且蝦肉夠彈牙,非常超值! ▲除左小食拼盤,仲有呢款「火五特色鳳爪」(hkd$28) 都好抵食,無骨鳳爪夠咬口! ▲越南餐廳又點少得牛肉湯河!湯頭都好清甜架~ ▲牛肉都算切得厚,而且份量十足,比平時食既大碗得多! ▲香茂豬頸肉好大碟($22)!仲附上自家製既海鮮醬同是拉差醬,酸酸甜甜咁,夠晒風味! 火五越式牛肉粉專門店 地址:太子界限街14號地舖電話:3596 7923 文字來源:香港人遊香港 / 圖片來源:@can17enjoyfood、@foodie_beepbaps、@eathofoood...
沙田區最近新開咗一間人氣過江龍餐廳,呢間就係馬拉鼎鼎大名的「越好Pho Vietz」,喺馬拉長期都排滿人龍,除咗味道正宗之外,仲真材實料架!大家去到一定必試佢嘅招牌生牛肉湯河,秘製湯頭以12小時慢火熬煮,每日只係限量供應250碗牛肉河!食埋生牛肉河更可以試下呢度嘅越式地道家常菜!大家不妨假日過嚟試下啦! ▲招牌生牛肉湯河($58),絕對係必食之選,湯底用60公斤的牛筒骨、牛腩 慢煮12小時再加入超過12種香料,將牛骨嘅鮮味更上一層樓,每日限量供應250碗,想食就要早啲嚟啦~ ▲招牌熟牛腩湯河($65) ,呢碗河粉都係熱賣款式嚟架,牛腩片唔係平時食開果隻,呢啲係生牛腩片,配上熱湯浸熟,口感軟糯、湯底又清甜! ▲招牌四寶湯河/ 湯檬($60) ,有牛腩、牛丸、牛展和牛肉,啱曬各位牛魔王,一次過試曬幾種唔同部位~ ▲椰汁滷五花腩飯($58) ,呢個五花腩超正!因為係用100%椰子水加入椰青肉、自家製魚露和冰糖,細火慢炆兩個幾鐘~配埋酸蘿蔔食就減少油膩感,配飯食簡直欲罷不能! ▲香茅雞扒飯 ($56) ,屬於經典越南菜式,肉質鬆軟腍滑,再加入馬拉秘製醬料、香茅碎、玫瑰露等等材料醃至少10個鐘,所以食落去先咁完美! ▲青檸梳打($22 ) ,再配埋呢個越南獨有迷你青檸,香味十足,飲完之後非常解渴和消膩! 文字來源:香港人遊香港...