元朗呢間小店主打台灣牛肉麵,招牌菜「紅燒牛肉麵」 有牛腱同牛肚,牛腱勁厚但炆得夠軟腍,牛肚夠爽夠入味!最特別係牛肉湯用個壺分開上,用左牛骨、蘋果、中藥材等長時間熬成,鮮甜夠味,建議可以齋飲幾啖牛湯享受下個鮮味,飲完唔會口渴證明唔係加味精夾硬提味,然後再倒入混合手工麵一齊食,咁就乾濕兩食都可以試埋啦!除左牛肉麵小店仲有花枝丸、台灣香腸、肉燥青菜等小食,一樣有台灣風味。 ▲紅燒牛肉麵 ($68) 牛腱有2-3cm厚,牛肚爽口,非常入味 ▲牛湯分開用壺上,唔算好濃稠但就好香牛骨味,建議先飲番兩啖歎下 ▲小食只有十個位左右,但牛肉麵出色,日日都好多人排隊,要食就要比少少耐性啦 二悅 Moon Moon 地址:元朗合益路9-15號地下G號電話:91433347時間:星期二、三、五至日12:00 – 15:00 / 18:00 – 21:00,星期四12:00-15:00,逢星期一休息 文字來源:香港人.遊香港/圖片來源:@cfionc、@kadyfung、@moonmooninhk...
由台灣人主理既牛肉麵小店比人感覺甚為親切,紅燒牛肉麵會有少許辣,湯底有丁香、八角香氣,不過味帶清香。而牛肉則用牛腱,厚薄得宜。粗身既白色麵條質地煙韌,非常掛湯。除左牛肉麵之外,呢度都有肉燥飯、鹽酥雞等夜市小食。 ▲紅燒牛肉麵($78)湯底呈深啡色,遠遠已經聞到丁香、八角藥材味道,藥材味濃辣勁強。 ▲台式魯肉飯($38)-實際應該係肉燥飯,鹵汁唔係死咸,有唔同香料,肉燥唔算油潤 ▲大腸包小腸($78)台灣美食大腸包小腸的糯米腸、香腸,通常都先經過炭烤,而糯米腸切開後,也會再塗抹醬油膏等醬料。拎住食有唔同感覺! ▲台式魯肉飯($38)-實際應該係肉燥飯,鹵汁唔係死咸,有唔同香料,肉燥唔算油潤。 樂面牛屋 地址 :銅鑼灣禮頓道128-132號地舖電話:28818093營業時間:12:00 – 21:00 文字來源:香港人.遊香港/圖片來源:@raylau0331、@kit_chan123、@ahikiller...
小編偶然都好掛住台灣既美食尤其係牛肉麵!好在香港都有唔少台式牛肉麵比小編止下痕,呢間連裝修都充滿台灣古早風味,好有feel !牛肉麵有四大件牛筋牛腩,炆得夠柔軟入味,不過呢度既川味牛肉麵就更精彩,川辣味道更顯牛肉口味! ▲紅燒牛肉麵($58)牛筋牛腩咬落都算鬆化同入味,有約四件份量唔少既牛筋牛腩,不過好多人食過都覺得始終台灣好 ▲川味牛肉麵($62) 紅燒湯頭味道比較濃,微辣。紅燒湯頭都會有一點辣味,但整體還是辣得比大陸要溫和許多,不過麻香辣度岩岩好,食到個嘴唇充滿麻痺! ▲鹵肉飯($28)半肥瘦既豬肉切碎再加上醬油去煮,唔算太鹹 ▲小香腸拼鹽酥雞($38)鹽酥雞炸成小圓波,香酥美味。 老街 Old street 地址:旺角豉油街65號地舖電話:27799283 文字來源:香港人.遊香港/圖片來源:mandyb, op9.no2, winwinwen, hei_yuchiro...
成日都話天水圍冇嘢食,呢個想法係錯。呢間文青Cafe既係餐廳主打台式料理,價錢合理,有多款肉躁飯和牛肉麵,仲有台灣甜品,叫肉躁飯餐仲會配送一碟油菜和前菜小食,餐廳有露天座位坐,加埋太陽傘,感覺時間步伐慢落來,好優閒咁食飯,如果約朋友係天水圍小眾,可以考慮呢間餐廳。 ▲真情流心蛋肉燥飯配油菜($38)米飯用上珍珠米加上台式肉燥同流心蛋,唔覺唔覺就食哂成碗! ▲椒鹽排骨肉燥飯($53)選用豬肋條,烤至焦香,表面加上椒鹽。 ▲楊枝金露 ▲露天坐位有棵桐花樹,係樹下食嘢好寫意 8090 好時光 電話: 5540 2613 / 3957 1746地址: 天水圍天華路33號T Town North 地下NG02號舖營業時間: 11:00 – 22:00 文字來源:香港人.遊香港/圖片來源:@foodie.hannibal、@alien_wun、@helix.li、@midnitecravingss...
呢間銅鑼灣新開嘅台灣食店,由台灣人主理,主打招牌牛肉麵。佢哋嘅犇之三寶麵湯底香濃,又唔會太咸,飲落好開胃,麵質方面滑溜得嚟又有咬口,配料有齊牛筋、牛腩同牛肚。另外仲可以加十蚊一碗台式貢丸湯,青甜嘅蘿蔔配上爽口彈牙嘅貢丸,夠晒清甜! ▲犇三寶麵,可以加十蚊配貢丸湯或三色菜,保證你會中意。 ▲紅燒牛肉麵 ▲台灣特色雙醬拌麵 ▲小編好中意嘅大腸包小腸都有,真係要試啊! ▲麻辣豆干 犇之食堂 地址︰銅鑼灣白沙道11號地舖電話︰2468 4668 文字來源:香港人.遊香港/圖片來源:Pun’s Food 犇之食堂...
鐘意食台灣野既朋友唔可以錯過呀!荃灣呢間台食店又有芋圓甜品食,好多人食完肉燥飯都會叫返個黑糖芋圓仙草凍2號share食!黑糖芋圓甜品有齊仙草、芋圓、紫米、綠豆,糖水底更加入左鮮奶同涼粉,甜而唔膩,而芋圓同珍珠口感都非常煙韌,令整個糖水的口感大大提升! ▲主廚紅燒牛肉麵$68 紅燒牛肉湯底濃郁,牛肉鮮味十足,麵條掛上湯超好味!牛肉亦煮得超稔,而且份量不少 ▲台式肉燥飯$35 肉燥飯肉汁好味,肉香味濃,肉粒肥美,明顯烹煮時加左紅蔥頭爆香! ▲黑糖芋圓仙草凍2號$38,有仙草、芋圓、紫米、綠豆及黃蕃薯芋圓、紫薯芋圓同芋頭芋圓。無論仙草或芋圓,都煮得岩岩好呀! ▲黑糖芋圓鮮草凍$33 滿滿一大碗好足料!除配料之外,黑色都係仙草黎,食哂一碗都好飽。 叁茶陸飯 地址:荃灣青山公路388號中國染廠大廈中染新城1樓117號舖電話:23501638營業時間:11:00 – 23:00 文字來源:香港人.遊香港/圖片來源:@nyukshan、@lybosa、@daniel_yu、@oovikioo...
🤤未食已經流口水!🤤! 呢度無論係話說小編當日行完城門水塘,回到荃灣-美食雲集好地方,正走到四陂坊,呢度是正多間酸辣麵,米線集中地,正諗跟去邊間之際,見到有間新野,竟然有小編最喜歡嘅擔擔麺,口水雞, 醬燒牛肉麵….店員極力推介我哋:口水雞米線、紅油抄手、醬燒牛肉麵、擔擔麵、手撕雞腸粉… 我哋share咗嚟食,真係樣樣都好滋味! ▲醬燒牛肉麵 ($45) !醬燒牛肉件件都大大嚿,而且炆得好淋好入味! ▲口水鷄($42 配飯)佢d汁真係超好味,真係做足口感麻辣、雞肉鮮香而嫩爽! ▲口水手撕雞腸粉($28)之前小編係大圍食過手撕雞腸粉,口感勁似雞絲粉皮,今次呢個麻辣版令小編食完都舉起拇指! ▲擔擔麵($30)麻醬甘香,然後湯底混合辣油和香料 ▲紅油抄手($30)將鮮肉餛飩搭配以辣油醬料,加上花生、莞茜特別香濃。 ▲瑞士山區雞翼($21/3隻,$35/5隻),名字相當有趣,而且選用都係大碼雞翼,瑞士雞翼都幾入味。 簡單食堂 地址: 荃灣德海街18號富利達中心地下F2鋪 文字來源:香港人.遊香港/圖片來源:小牛牛快樂行山郊遊相集by Chan Keung...