黑糖珍珠奶茶雖然好飲,不過飲得多都想試下其他款式嘅飲品。呢間位於尖沙咀嘅茶飲店就有一款好特別嘅招牌飲品——麻糬芝麻烏龍茶鮮奶,黑芝麻混喺烏龍茶同鮮奶入面,外觀就好似喺個杯上面畫咗一幅水墨畫咁,超啱打卡。味道方面,呢杯茶唔太甜,麻糬煙煙韌韌,再右埋烏龍嘅清香,非常特別。唔只咁,呢款飲品近嚟仲出咗特別款式,飲品入面用黑芝麻寫咗「香港加油」等唔同字眼,冇得直接買,需要滿足特別條件先可以換到,而且仲要提早一日預約先有,想飲嘅人記得留意佢地嘅IG啦! ▲麻糬芝麻烏龍鮮奶茶($39),簡直就好似水墨畫咁,唔影返張相打卡點得? ▲黑糖珍珠芒果鮮奶($39),唔想飲奶茶嘅話,都可以飲芒果鮮奶,芒果味非常濃郁。 ▲要留意,杯上面嘅字唔係用Marker寫上去,係杯入面嘅黑芝麻嚟,究竟係點做到嫁呢? ▲香港加油,將個頭轉90度嘅話,就可以睇到香港變成咗加油了! ▲茉莉花茶味低脂意式雪糕,杯裝賣單球$38、雙球$55、三球$63,配窩夫脆筒嘅話就賣單球$52、雙球$68。 ▲喺10月20號嘅時候,呢間茶飲店仲有派茶畀假期出嚟行街嘅人。 茶墨 TeaBrush 地址:尖沙咀彌敦道100號The ONE 4樓L411號舖IG:@teabrush營業時間:星期一至日 12:00 – 22:30 文字來源:香港人遊香港/ 圖片來源:@teabrush、meelonbun、earnesttse、coffeelife_nat...
呢間主打健康養顏嘅茶飲店,每日茶水都係即日煲,品質絕對有保證。手沖茶飲款式選擇多。有最受女士歡迎嘅嘅月滿花香,加入桂花、玫瑰、茉莉和烏龍等等食材調製而成嘅茶,甜度適中,帶有回甘,仲有加左桃膠,滿足感增加。每日手沖嘅飲品煲到好入味好清爽,有良心小店之稱。 ▲月滿花香($28) ▲選用桂花、玫瑰、茉莉和烏龍煲成嘅茶,味道清爽帶有回甘效果,夏天飲一流。店主好身體力行支持反送中發夢者,會請人食餅 ▲六月飛雪($30),有雪梨乾、無花果乾、南北杏、南棗和壽眉材料煲製,茶味雖則唔太出,但係飲落好潤喉。材料帶出嘅甜度適中,主張清淡嘅朋友可叫少甜 ▲綠葉黃華($28),用菊花、壽眉和薄荷葉混合中國茶沖製而成,味道層次豐富,帶有薄荷葉嘅清涼 ▲菊花薄荷茶 唇茶teaonlyhk 地址:旺角彌敦道688號旺角中心2樓SB06號舖 電話:5118 3708 營業時間:12:00 – 23:00 文字來源:香港人.遊香港/圖片來源:@aonekoi、@phy.me、@foodie_ordinaryus_、@andy_foodlover...