深水埗美食 打卡爆餡美式漢堡店 位於石硤尾的No Milkshake No Life美式漢堡包店,主打美式奶昔,奶味香濃之外,口味亦非常特別,全部自家調製,設有多款口味,如焙茶、花生醬、Oreo和士多啤梨等。當中必試有「焦糖花生醬真脆煙肉」,除了每一啖都有香濃花生醬味,𥚃面仲有煙肉碎和花生粒,口感十足,驚喜到爆燈!另外,流心蛋和牛漢堡亦是推薦之一,漢堡厚肉多汁配上半生熟的太陽蛋,邪惡度加分。大家可以加$10芝士薯條。 ▲流心蛋和牛漢堡:漢堡厚肉多汁配上半生熟的太陽蛋,邪惡度加分。 ▲薯條為幼身薯條,買漢堡包可以加$10配芝士薯條。薯條上淋上芝士醬,非常惹味。 ▲蘑菇烤芝士治配薯條:麵包內夾有新鮮蘑菇和芝士,芝士分量多,趁熱食可以做到拉絲效果! ▲焦糖花生醬真脆煙肉:除了每一啖都有香濃花生醬味,𥚃面仲有煙肉碎和花生粒,口感十足,驚喜到爆燈! ▲裝修非常有心思,如同置身於美式小鎮快餐店。 No Milkshake No Life 地址:石硤尾白田街13號美葵樓地下G01號舖電話:98163818營業時間:星期三至一10:00 – 18:00 / 星期二休息 文字:香港人遊香港...
「The Cool Cousins」位於觀塘工廈區,自2019年開業至今一直陳出不同,主打多款創意漢堡包及小食,例如有72小時安格斯牛小排漢堡、花生醬楓糖薯條、泰式船麵等,深受街坊及打工仔歡迎。而餐廳的創意料理並不會停滯於此,近年更推出多幾款超吸睛美食,包括有雪糕炸雞口味burger、超厚切吞拿魚刺身burger、五花肉菠蘿burger、Mac’n Cheese burger等等,十分吸引!各位漢堡愛好者不妨試試啦!
呢間位於荔枝角的餐廳主打港式冰室和某間美式快餐店的食物,更以該快餐店做靈感為店內裝修,牆壁充滿了不少玩味十足和色彩繽紛卡通插畫。食物方面就有無人不曉的巨無罅包、豬柳強、冚家雞等,更配薯條和飲品。而且用料用心好似漢堡包的包皮係香港製造、漢堡扒每日手打、薯條等炸物即叫即炸、醬汁自家調配。除了快餐更有茶餐廳會有的焗飯、特餐和中西合璧創意食物,真係選擇豐富又有驚喜。 ▲店內充滿色彩繽紛的卡通插畫。 ▲二次創作下,將某間美式快餐店的人物用另一方式演繹。 ▲巨無罅套餐($38) ▲包皮軟熟、牛肉漢堡扒肉汁豐富又厚身。 ▲豬柳強套餐($35) ▲包皮比較軟身、中間流心蛋。 ▲薯條用粗身薯條,炸到外脆內軟而且薯肉飽滿。 ▲椒鹽燒賣(套餐+$8):燒賣炸到乾身卜卜脆,不過椒鹽味不足。 文字 / 圖片:香港人遊香港...
呢間係深水埗新開的漢堡店由兩位90後年青人主理,專門制作高質漢堡。當中最具人氣的漢堡包括焰辣雙芝士牛堡和大啡菇芝士牛堡。漢堡包用上即場手打牛肉,漢堡扒厚實多汁,再配上新鮮生菜蕃茄和芝士。漢堡套餐配上粗切薯條,更可加配黑松露醬,而且價格非常親民,$50-$60就食到! ▲超經典芝士牛堡套餐($59):薯條即叫即炸,而且是厚切,套餐包括漢堡包、薯條和汽水。 ▲焰辣雙芝士牛堡($52):用上特製醬汁洋蔥搭配煎到啱啱好 juicy嘅牛扒,淋上調配嘅辣醬汁,再加上雙層芝士,非常惹味。 ▲夏威夷煙燻豬肉漢堡:酸酸甜甜嘅菠蘿加上厚切嘅煙燻豬頸肉,熱天最岩食! ▲大啡菇芝士牛堡($62):用芝士、大啡菇、牛扒和洋蔥打造出大啡菇芝士牛堡。 ▲南亞風是拉差雞堡($45):唔食牛的朋友,亦可以選擇南亞風是拉差雞堡,用上香嫩多汁嘅雞髀扒 ,再配並酸酸甜甜的醬汁,加上清新蕃茄和生菜,食落有啲蒜辣香味。 ▲所有漢堡即叫即整,故等候時間約20分鐘。如果唔想等得太耐可預先於外賣App下單! 文字:香港人遊香港 / 圖片:香港人遊香港、WestKowloonBurger...
長沙灣都有間高質專門食漢堡包西餐店FAST TASTE,而且價錢亦相當之公道。除左有全日餐牌之後、仲會有Lunch Set、Dinner Set、同埋素食之選。係呢度除左可以食到素食漢堡包之外、仲有素食意大利粉同意大利飯添。呢度既漢堡包份量真係大到好誇張,有幾層又足料,係唔可以一啖放晒落口。所有漢堡包餐價錢大約$52-$99,亦可以加$18配薯條/薯角/洋蔥圈,同埋會送一杯可樂或橙汁,咁既份量真係好抵食嫁!餐廳既裝修偏向色彩工業風,會播放一啲自己改左詞既歌,都幾有特色。 ▲ 公司漢堡包($99):呢個漢堡包有兩塊牛,一塊自家制、一塊和牛,面頭上鋪滿漫布般流出黎既車打芝士,仲有黑松露醬煎蛋,一個漢堡包有咁多料夾住,口感真係十分豐富,見到咁多芝士流晒出黎,好吸引! ▲ 極上和牛漢堡包($99):如果唔想好似上面圖果個漫布芝士漢堡包的話,可以選這款,這款少了一塊自家制牛漢堡和煙肉,女仔可以揀呢款漢堡包,相對上無上面果種咁高卡路里。 ▲素食全日餐($69):食素既人都有ALL DAY Breakfast 選擇,呢度有素牛/素豬/素雞扒選擇,仲有黑松露炒蛋、素煙肉、茄汁豆、大啡菇、沙律菜、粟米粒、薯格。 ▲洋蔥圈($32):炸洋蔥圈炸到好香脆,喜歡食洋蔥既人一定要叫,每條洋蔥圈都大舊嫁! 除左可以單點之後,亦可以叫漢堡包餐加錢選購。 ▲墨魚汁意大利飯伴老虎蝦 (晚餐價$78 包一杯飲品): 呢款意粉唔係固定係餐牌入面,晚餐menu會經常轉,不過都只係轉食材款,照會有墨魚汁飯的。 文字來源:香港人遊香港 / 圖片來源: @ marshyfood 、@ sunyu1982、@ kosan_hkfoodjournal 、@ siulakec...
鍾意食牛嘅朋友,最近呢間城中人氣漢堡推出豐富聖誕套餐,套餐當然有招牌Dry-Aged乾式熟成牛肉漢堡,成個乾式熟成處理過程最長需約21日,牛肉肉質特別軟腍嫩滑,另外仲有Velvet Kiss特色雞槌,雞槌來自放養雞隻,嫰滑多汁,配埋有特色嘅聖誕香料酒,一齊感受聖誕節嘅無限溫暖 ▲牛肉肉質特別軟腍嫩滑,肉味濃郁又多汁! ▲人氣爆燈嘅Dry-Aged牛肉「經典漢堡」、聖誕限定嘅「紫醉雞迷」,仲點少得杯傳統嘅「聖誕香料溫酒」 ▲Dry-Aged乾式熟成牛肉漢堡嘅牛肉肉質特別嫩滑 ▲Red-Velvet-Combo-HK2288包括一杯熱暖的傳統聖誕香料酒及再以芳香的香料酒汁醃製,另外六有The-Classic經典漢堡。 The Butchers Club 尖沙咀河內道18號K11購物藝術館地下G34-35舖灣仔蘭杜街2號麗都大廈10號地舖鰂魚涌華蘭路12號惠安苑地下 文字及圖片來源:香港人.遊香港...
元朗呢間酒吧主打賣漢堡包,款款非常足料又邪惡,有10款咁多。除咗牛堡各魚柳做餡外,有海鮮、大啡菇、拉斯維加斯軟殼蟹各鵝肝等。一個漢堡可以喂飽你個肚,特別係牛堡,肉質好juicy,食完大滿足。 ▲黑松露芝士薯條($58),薯條香脆內軟,黑松露加芝士,味道更加香濃 ▲達拉斯烤菇牛堡($88) ▲烤菇表面嘅醬汁,一切開即刻向下層流,每層好juicy ▲華盛頓總統堡($88),巴馬火腿成玫瑰花。 ▲粉紅傻豹梳打($46)和青蘋果檸梳打($52) ▲到夜晚係飲酒時間,好多款酒選擇 Urban United Burger & Bar 地址:元朗又新街37-51號富祐閣地下8-9號電話:3708 8493營業時間:12:00 – 0:00 圖片來源/文字來源:香港人遊香港...