呢間位於尖沙咀星光大道的半露天餐廳,維港就係隔離環境一絕。最近推出星期六、日限定早午餐,最平由$90起,包括自家製烤酸種麵包配牛油果、櫻桃蕃茄及羅勒、煙三文魚班尼迪蛋及煙肉班尼迪蛋,仲有自家製麵包即烤魚餅漢堡配粗薯條及牛油果莎莎醬配墨西哥粟米脆片、海鮮拼盤等。而且仲有甜品好似即製窩夫、烤棉花糖、澳洲牛奶製嘅雪糕等。食物選擇豐富,仲可以一邊食一邊飲住本地香港釀製啤酒,180度冇遮擋望住維港食,真係chill爆。 ▲即烤魚餅漢堡配本地香港釀製啤酒,漢堡啤酒永遠係最佳拍檔。 ▲星期六、日限定早午餐:煙三文魚班尼迪蛋,由早上9:00至15:30供應。 ▲自家製雪糕,用澳洲牛奶製造,奶味香濃。 ▲海鮮拼盤,海鮮種類都不少有青口、烤大蝦、生蠔等。 ▲小龍蝦包 ▲夜晚係到食飯又另一個感覺,即日至10月2日餐廳推出地中海海鮮套餐,由晚上6時開始供應,成人每位HK$380,並提供40個座位。 文字:香港人遊香港...