瘋狂食芒果 夏天為大地带來炎熱天氣,同時為大家帶來時令嘅芒果同青檸,呢間酒店最近就特別推出以時令芒果同青檸為主打嘅下午茶自助餐,以清新口味吸引大家。自助餐除咗三文治、中西茶點、朱古力噴泉同雪糕外,大家仲可以試埋精緻芒果同青檸甜點,非試不可嘅推介包括香芒蝦沙律、楊枝甘露同芒果粒粒雞蛋仔。 ▲諾富特東薈城酒店 ESSENCE – 芒甜檸香「夏」午茶自助餐 ▲楊枝甘露 ▲芒果粒粒雞蛋仔 ▲青檸忌廉小酥卷 ▲青檸芝味一口酥 ▲脆炸魚柳佐芒果莎莎醬 ▲香芒蝦沙律 ESSENCE 芒甜檸香「夏」午茶自助餐 日期:即日至2018年9月2日,逢星期六、日及公眾假期供應地址:東涌諾富特東薈城酒店大堂Essence時間:14:45 – 17:00價錢:HK$148起電話:3602 8808 文字來源:香港人.遊香港/圖片來源:互聯網...
[駐場博客 @ 小牛牛快樂行山郊遊相集by Chan Keung]唔想行得咁辛苦,但係又想拍到美麗嘅日落 景色,除咗 ~下白泥之外 仲有邊度可以選擇呢? 其實在大嶼山南部 ~貝澳營地 係熱門露營地點, 嗰度環境優美設施完備, 所以除咗港人之外,仲吸引到海外遊客 都嚟體驗一吓露營生活。 不過今次小編介紹係貝澳海灘後面内灣, 因為貝澳海灘 後段成半圓形沙丘 形成一個天然嘅小小避風塘, 令到水面波平如鏡。所以每逢黃昏日落 都呈現出一幅美麗的倒影,有如天空之鏡,十分耀眼。 話說當日小編 只有半日假期 仲考慮緊可以去哪處郊遊地點行山呢? 如果太晏上山,可能要(摸黑) 落山,不太安全呢! 正考慮之際, 想起不如來個半天hea遊呢! 找個美景拍拍照, 呃個like算吧! 隨即動身 坐港鐵去東涌站 再由東涌巴士站 乘坐巴士到達貝澳。 在老圍站下車過對面馬路,沿小徑入就會見到一幅好大嘅草地,嗰度有好多原居民 ~水牛家族,有數十頭水牛正在忙於覓食 ,仲有一些細小小牛玩耍奔跑, 嗰度仲有好多色彩繽紛嘅植物~鳳眼藍。 穿過一到小橋就會到達貝澳沙灘 ,啱啱好到了日落時分, 天空顏色十分美麗, 小編都攞起手機拍個不停, 正當拍攝之際,又見到遊人帶小狗在沙灘散步, 原來呢度都係小狗散步熱點。 走進沙灘後面~小內灣 呈現出一幅天空之鏡, 嘩! 雖然面積 比下白泥細好多, 但係畫面構圖絕對唔會輸蝕, 各人都拍個不停,...
[駐場博客 @ 小牛牛快樂行山郊遊相集by Chan Keung]又到咗11月啦,又係拍攝芒草好時機, 拍攝芒草首選一定係大東山啦!點解拍攝芒草一定要上大東山呢?原因好簡單,因為大東山和二東山成個山頭都佈滿曬芒草,好似一幅金黃色嘅巨型地氈一樣!!氣勢磅礡!加上大東山樹木較少,視野遼闊,一望無際,所以一到十ㄧ月都有大批攝影發燒友嚟潮拜ㄧ番。曾經有好多歌星都前來拍攝mv,更有好多 yama girl 山系女神都嚟拍攝,所以吸引到好多少男少女前來打打卡,post上facebook,instagram比朋友Like吓!大東山除咗芒草靚之外 黃昏日落,夕陽拍攝 ,更有另一番風味。 兩年多前,小編在網上見到 大東山芒草咁靚,所以決定踏出第一步~第一次行山,自此每年十ㄧ月都會上嚟朝拜一次! ▲黄龍坑郊遊徑起步 ▲由黄龍坑郊遊徑上大東山-需要踏上數百級石板路-相當吃力 ▲每年十ㄧ月秋季是正芒草最茂盛期 ▲芒草遍佈整個大東山頭-好似一幅金黃色巨型大地氈 ▲大東山芒草 ▲拍攝芒草最佳嘅時間就是黃昏日落前-拍出嚟嘅效果更為美麗動人 ▲黄昏拍攝-別有一番風味...
[駐場博客 @及時行·樂] 蓮花山屬大嶼山第三高山,雖然高度和名氣不及鳳凰山和大東山,但其景色卻有過之而無不及。蓮花山頂不單視野極致開闊,還有奇岩怪石遍布山頭,當中有一塊巨石猶如天然石床橫臥路中,能同時睡臥數人,被譽為『天帝之床』;還有『華表石』『鷹咀石』等等不能一一盡述。趁住秋高氣爽,今個假日就約埋三五好友gogogo啦! ▲登薄刀屻回望東涌警署 ▲行走在薄刀屻上一邊可看著香港國際機場飛機繁忙的起降景象 ▲前望薄刀屻標高柱,婆髻山 ▲薄刀屻下望東涌 ▲途徑北龍順遊『天書壁』 ▲鴨腳瀝回望三起三落的薄刀屻,婆髻山 ▲蓮花山標高柱 ▲蓮花山頂奇岩怪石 ▲蓮花山華表石群 ▲登上蓮花山的行友都會躺臥一下這張天然大石床-『天帝之床 ▲蓮花山視野開闊,俯瞰梅窩、貝澳芝麻灣;遠眺坪洲、喜靈洲、南丫島和石鼓洲、東涌機場、老虎頭山脈和愉景灣海岸,亦是欣賞二東山和爛頭營的理想地點。 ▲蓮花山前望大東山 ▲南山鳳凰徑入口 蓮花山 路線:東涌警署>薄刀屻>鴨腳瀝>三山台>蓮花山>雙東坳>南山營地注意事項:起點交通:東涌站A出口裕東路警署終點交通:嶼巴3M號梅窩往返東涌 注意事項:⚠愛護郊野,自己垃圾自己帶走!路線:東涌警署>薄刀屻>鴨腳瀝>三山台>蓮花山>雙東坳>南山營地注意事項:起點交通:東涌站A出口裕東路警署終點交通:嶼巴3M號梅窩往返東涌 文字/圖片來源...
每一件都有花香味!每個愛花之人收到花一定開心到爆,如果花有得食咪仲開心到啞咗! 呢間酒店嘅餐廳嚟緊9月8日起,推出以繁花主題嘅週末下午茶自助餐,只限星期六日及公眾假期。自助餐提供超過50款食物,有中西鹹甜茶點、各類即製麵食、pizza、朱古力噴泉和雪糕。當然最引人注目係花花系列甜點鹹食,成個系列有用到櫻花、橙花、薫衣草、萬壽菊、洛神花、香蕉花、雛菊等,一次過花花世界送到你口中,約你隔離個位一齊用口享受午後時光。 ▲泰式香蕉花沙律,入面有沾上甜酸泰式沙律汁嘅雞絲加蔬菜,配少少香蕉花一齊食好開胃! ▲櫻花蝦櫻花炒飯,用叉燒粒、甜栗米粒、蝦乾、雞蛋絲炒成,一D都唔油膩。加入櫻花同櫻花蝦,係鹹食之中帶有甜味。 ▲雛菊檸蜜脆雞粒,外皮炸得香脆既唔油膩,肉質鮮嫩,沽上檸蜜,加埋初菊芳香,好Fresh! ▲橙花意大利芝士蛋糕、洛神花椰香奇亞籽、橙花忌廉小酥卷 ▲橙花意大利芝士蛋糕,香滑忌廉芝士夾住鮮甜橙味果醬,加入橙花和橙粒,令口感更豐富。 ▲薰衣草焦糖燉蛋,好香濃嘅薰衣草芳香混入燉蛋,食完味道仲停留係味蕾當中。 ▲水晶櫻花餅,採用紐約芝士蛋糕,表面蓋上一層荔枝果凍,加左少少櫻花,令味道層次豐富。 ▲薰衣草泡芙,表面塗上薰衣草風凍糖霜,咬入口細味滿滿奶香忌廉。 ▲櫻花水信玄餅,採用台灣果凍粉整成水晶般嘅晶螢剔透,入面嘅櫻花咬入口第一感覺想起鹹柑桔味道。 ▲萬壽菊白朱古力慕絲,混入淡忌廉、萬壽菊花瓣和白朱古力,慕絲細滑。 ▲瑰麗紙杯蛋糕 (左) 和 紫羅蘭花醬芝士蛋糕 (右) ▲茱莉紅豆卷蛋 (左) 和...