Home
文青Cafe
Latest

文青Cafe

Cafe旺角

旺角Café：【必撐文青Cafe！主打爆餡三文治及創意燉飯！】- 桔梗

呢間位於旺角嘅文青系Café，一踏入門口已經見到枱上放有一堆富有設計的傳單，隨之而來就係店內擺設散發出嘅文青氣息。食物方面以精緻爆餡三文治同創意燉飯為主，例如軟殼蟹小漢堡、紅酒牛舌燉飯、炸地瓜打拋豬肉、干貝公主意粉等創意配搭，充滿驚喜！ ▲干貝公主意粉($98) ▲紅酒牛舌燉飯($158) ▲軟殼蟹小漢堡($168) ▲炸地瓜打拋豬肉($78) ▲除左燉飯同意粉，仲有健康沙律可以選擇 桔梗 地址： 旺角砵蘭街160號地下至2樓電話： 27877328 文字來源：香港人遊香港 / 圖片來源：@jiegenge.hk、@hungry.tummy、@hkfoodie90s、@not_eat_nw_wind、@carmanmokcm...
中西區

中環cafe：【全黑型格設計！3層單幢建築打卡點！】- Tom Dixon x Nodi

英國鬼才設計師Tom Dixon係香港中環開設的亞洲旗艦店，門口係全黑色超有時代感既三層建築，非常顯眼，好多肺友仔都會係店外打卡。地下果層展示家具燈飾及配件香薰，而二層係Tom dixon x Nodi 咖啡廳，cafe陳設都係使用品牌既設計佈置，設計非常有時代藝術感，氛圍以歐式金屬性冷淡風為主。呢間高質感cafe唔止有多款咖啡，亦有蛋糕鬆餅小食配咖啡一齊食，周日經過呷口咖啡感受假日閒情都唔錯。 ▲ Tom Dixon係英國設計界傳奇，修理機車時研究電焊，將一堆廢銅爛鐵變成家居藝術品，居然hit到返香港！以黑色單棟建築示人，屹立係中環半山區好顯眼！ ▲cafe+家居店門口都係全黑色既三層建築，好多人都會係型格黑色外牆打卡！ ▲第一層主打香薰蠟燭家品同燈飾。 ▲家品店空間感十足 ▲店內展示設計師時代感十足既燈飾 ▲具工業風又時尚，見到岩心水仲可以同店員訂做 ▲二樓cafe區域走大理石同金屬風格，Menu行工業冷淡風 ▲飲住Cold Brew加上冰球逐漸融化望往繁忙既街道非常寫意！Chai Latte 就加入左濃郁肉桂、香料，飲料用玻璃杯裝住，散發濃濃英倫氣息。 ▲Salted Caramel Muffin入面係軟心夾餡，鬆軟腍而濕潤又甜香 Tom Dixon x Nodi 地址：中環荷李活道52號1樓電話：28191155營業時間：08:00 – 19:00 文字來源：香港人遊香港/圖片來源：@taenguin、@cecileyang22...
灣仔區

灣仔cafe：【#真香港人小店！灣仔文青家品店+cafe！】- Jouer

呢間隱於大市既cafe，位於日、月、星街彼鄰，再走樓梯就到，門面使用黑白簡約設計，平時經過驟眼睇會以為佢係間復古家品店，透過精心擺設，復古梳化配搭黑色吊燈，陳設非常有品味！店內有開揚而簡約既木檯，加上店入大綠葉植物，白色牆面上懸掛的北歐風鐘錶、大理石托盤別具一格。總之型格時尚既環境令人非常舒暢！閒時黎呢度chill下，推介試下佢地創造既Baby Cake，有多個口味，不過最多人推介都係香蕉口味既Banoffee Cake，甜膩得宜而有層次感。 ▲呢度招牌係法式甜品主打馬卡龍，係小店主理人曾到法國巴黎藍帶廚藝學校學成歸來既成果！ ▲Banoffee Baby Cake Set （$180 with 2 drinks） ▲Banoffee Baby Cake Set （$180 with 2 drinks）Banoffee其實即是banana+toffee，即香蕉拖肥。鬆軟香蕉蛋糕、幼滑香濃拖肥醬、香蕉忌廉層層相間，仲不時食到有香蕉脆片，口感豐富！ ▲Baby Cake set 可以揀其他特式飲品。以上Avocado Lemon Shake，牛油果油脂較高，加入檸檬又消去油膩感！ ▲S’mores Baby Cake，朱古力海棉蛋糕、夾層有朱古力海鹽忌廉，而面層就有全麥餅乾碎同同粒粒迷你棉花糖。 ▲店內室內設計大大使用綠色多肉植物同白色花，好有悠閒既感覺。 ▲店外都係黑白簡約設計，不過就咁睇完全唔似一間位於香港既cafe！ Jouer 地址：灣仔秀華坊 1 號地下電話：25286577營業時間：11:00 – 19:30（星期一休息） 文字來源：香港人遊香港人／圖片來源：@hungry.buddies、@jouerhk、@bebebe_hk、@coffeelife_nat...
文青Cafe真香港人小店

佐敦Cafe：【#真香港人小店！超豐盛All Day Breakfast！】- Studio Caffeine

提起廟街，好多人都會諗起煲仔飯，不過原來仲有一間好高質嘅Cafe。呢間Studio Caffeine主打All day breakfast，佢嘅Monster All day breakfast非常豐盛，有齊煙肉、紐倫堡腸、炒蛋、煙三文魚、黑松露薯蓉、車厘茄、大蘑菇、沙律、焗豆同埋法式麵包，食完包你覺得滿足。另外不得不試嘅仲有佢啲咖啡，事關佢呢到嘅咖啡曾經攞到多個獎項，以當中嘅抹茶鮮奶咖啡為例，口感香滑，拉花仲好似藝術品咁靚，飲之前真係要記得影返張相打卡先。 ▲Monster All day breakfast ($115)，真係非常豐盛，當係晚餐食都冇問題。 ▲Matcha Latte ($50)，拉花嘅圖案非常之靚，好似藝術品咁，點捨得飲？ ▲Baileys Mousse Cake ($54)，Cafe當然唔少得蛋糕，呢間Cafe嘅蛋糕同樣出色。 ▲食件cake，飲杯咖啡，真係好文青。 ▲呢間Cafe都非常支持而家嘅社會運動嫁！ Studio Caffeine 地址：佐敦廟街284號地下電話：2793 3480營業時間：星期一至六 08:00-22:00；星期日 08:00-18:00 文字來源：香港人遊香港/ 圖片來源：@thebarebean、andymyf、dr.barcoffee_hk、ningyfff...
文青Cafe真香港人小店

九龍城Cafe：【All day breakfast之選！高質咖啡配Eggs Benedict！】- Gladys’ Estate Coffee

九龍城不嬲多好嘢食，除咗泰國菜之外，都有唔少值得一試嘅Cafe。呢間Cafe嘅老闆曾經去過澳洲學沖咖啡，咖啡嘅質素有保證，入口香醇，其中配有雪糕嘅Affogato好啱鍾意食甜嘢嘅人。另外仲有近年好興嘅Eggs Benedict，一般會喺水煮蛋同鬆餅之間夾住火腿或者煙肉，呢間Cafe就用咗三文魚，鍾意呢款菜式嘅人一定要去試下，而餐廳仲有素食menu，而最近cafe仲多次表態，支持社會運動！ ▲Cafe陳設以木材、綠色植物，主要係簡約風格，打卡啱哂。門口仲有膠箱，比人等位坐 ▲Signature Avocado & Pesto ($118)，兩隻水煮蛋加埋香草醬，真係睇見都流口水。 ▲Banana Waffle Caramel, Fruit, Gelato ($88)，既然係Cafe，當然唔少得甜品。 ▲Affogato Mocha ($65)，可以同時當係飲品同甜品。 ▲Latte Macchiato ($32)，拉花圖案非常之靚！ Gladys’ Estate Coffee 地址：九龍城獅子石道6-8號美景樓地下電話：6990 2795營業時間：星期一、四至五 7:30 – 18:00；星期二 7:30 – 15:00；星期六至日 8:30 – 18:00 文字來源：香港人.遊香港／圖片來源：@hkcafeaddicts、food_soldier_hk、micng.hk、leicasimon...
元朗區

【打卡勁Chill！坐入Tiffany Blue鳥籠歎芝士奶蓋！】

成間cafe都好舒服光亮，有設計感，雲石磁磚枱面點影都咁靚！Cafe提供套餐，好似午餐一個意粉或Pizza配杯飲品都只係40幾蚊起，價錢非常親民。晚餐main course選擇更多，其中叫刀片牛仲可以無限量追加薯條添！餐廳主打海鹽芝士奶蓋飲品，芝士味濃厚帶淡淡海鹽鹹味，無論配茶底定沙冰都好夾好正！跟餐轉特式飲品都只係半價13蚊起！呢個價錢同質素去邊度搵啊！店比較新，人流唔算多，通常都唔洗等位，同朋友仔chill下就最岩啦！ ▲店內兩個薄荷綠的鳥籠座位非常搶眼，可以坐到4,5個人都冇問題，打卡最靚！ ▲無論lunch, afternoon tea定dinner都有多種套餐，跟餐的薯仔忌廉湯都香濃！ ▲或者All day breakfast 都好豐富 ▲海鹽奶藍四季春茶係佢招牌飲品，奶蓋厚身味濃，茶底都唔係一般綠茶，茶香奶滑，都只係26蚊！跟餐轉仲有半價添 ▲海鹽芝士莓果($38)用多種莓果打成，仲食到果肉！同芝士海鹽都好夾架！ ▲下午茶都只係30蚊起，非常抵食！ ▲如果只係想試下佢既特色飲品，Cafe旁邊都有外賣部可以比你拎走邊行邊飲 井茶 地址：天水圍天華路30號T Town北翼地下NG12-13號舖電話：3977 4903時間：10:30-21:30...
元朗區新界

【天水圍文青Cafe嘆台菜！台式甜品+平價肉躁飯】

成日都話天水圍冇嘢食，呢個想法係錯。呢間文青Cafe既係餐廳主打台式料理，價錢合理，有多款肉躁飯和牛肉麵，仲有台灣甜品，叫肉躁飯餐仲會配送一碟油菜和前菜小食，餐廳有露天座位坐，加埋太陽傘，感覺時間步伐慢落來，好優閒咁食飯，如果約朋友係天水圍小眾，可以考慮呢間餐廳。 ▲真情流心蛋肉燥飯配油菜($38)米飯用上珍珠米加上台式肉燥同流心蛋，唔覺唔覺就食哂成碗！ ▲椒鹽排骨肉燥飯($53)選用豬肋條，烤至焦香，表面加上椒鹽。 ▲楊枝金露 ▲露天坐位有棵桐花樹，係樹下食嘢好寫意 8090 好時光 電話: 5540 2613 / 3957 1746地址: 天水圍天華路33號T Town North 地下NG02號舖營業時間: 11:00 – 22:00 文字來源：香港人.遊香港／圖片來源：@foodie.hannibal、@alien_wun、@helix.li、@midnitecravingss...