中環間新派葡萄牙餐廳現時推出三大抗疾優惠套餐,只需要$380 就可以享用到6 道 正宗葡國菜 ,包括: 四款前菜、一款主菜和一款甜品 。一個價錢就可以食到咁多款葡葡國菜菜式,實在太抵食啦。除此之外,客人仲可以每位$228享用「葡萄牙砵酒芝士拼盤」,餐廳悉心準備左三款酒各配兩款芝士,一路飲住杯酒,食住餐廳配搭既芝士款式,真係好夾。如果唔岩飲酒既話,都仲可以加$580配隻滋味 Piri Piri 燒雞。就算現時因為疾情令到唔可以出國去葡萄牙品嚐正宗菜式,都可以係中環品嚐到。 ▲叫餐後店員會有份麵包比客人作餐前小吃。 ▲ 紅菜頭牛油果沙律配蜂蜜芥末油醋 : 這個沙律實在太健康,紅菜頭同紅蘿蔔切成粒加入醋、牛油果醬同新鮮羊奶芝士撈埋一齊食,食落去酸酸地既感覺,好開胃勁岩餐前小吃既第一道菜。 ▲傳統炸馬介休球: 馬介休球係葡國菜最有特色既一道菜,呢度既大廚將馬介休同薯仔比例成六比四,食落去每啖都有一絲絲既馬介休魚肉,唔似平時出面葡國菜餐廳咁食落去好薯粉。馬介休球配搭埋餐廳自家製既蒜蓉蛋黃醬,食落去味道仲更加好食。 ▲傳統葡萄牙白酒蒜蜆 :呢道一上菜已經好香白酒蒜蓉味道,因為加入左白酒同檸檬汁令到大蜆既鮮味無比蒜蓉味蓋晒,大蜆既肉都好大粒同埋入晒味,全因為廚師事先將汁煮好再用黎炒大蜆,唔係就咁將汁倒在大蜆上。 ▲傳統芥末汁牛肉 : 呢款菜式大廚選用左高級既牛柳,個汁加入左芥末、橄欖、白酒煮成,食落去每啖牛肉粒都酸酸地味道,好惹味。 ▲慢煮葡式牛面頰肉配 Migas : 呢道菜係主菜既其中一款,用 香草同砵酒慢火炆A3 和牛面頰肉,所以食落去每啖肉都好林身,同埋肉質好滑。 ▲ 招牌葡式烤乳豬: 呢款係呢間餐廳既招牌菜式,乳豬肉食落去好滑,個皮超級脆身,大廚採用左2個月既BB豬,再慢焗 3 小時先做到皮脆肉嫩,旁邊仲配埋一碗乳豬肝加葡式辣腸調味既飯。 ▲傳統葡式砵酒煮梨: 呢款甜品將個梨切皮再混合左肉桂加紅酒煮至軟身,食落去種味道好清新每啖都好香酒味,不過唔太喜歡飲酒既人就未必會鐘意呢款甜品,可以揀選另外兩款其中一款。 ▲傳統葡式木糠布丁: 布丁食落去好滑身,加入左幾層既餅醉再加忌廉,食落去無咁流會令人食到停唔到口。 ▲ 葡萄牙砵酒芝士拼盤: 一個價錢就可以品嚐到三杯唔同款式既砵酒同埋六款芝士。 文字來源 / 圖片來源 :香港人遊香港...
深水埗就最多平價小店,呢間店面設計夠簡潔,賣既係大堆頭意粉,全部都係平民價三十幾蚊,簡直係窮人恩物!卡邦尼意粉同蕃茄煙肉意粉 都係大大碟,意粉軟硬度適中,醬汁一d都唔hea,仲做得非常惹味,不得不提佢地碎蛋沙律牛角酥配薯角,碎蛋沙律仲多到好似爆發出黎咁﹐非常抵食! ▲卡邦尼意粉($38)醬汁邪惡得黎調配得宜 ▲香辣海鮮意粉($45) ▲碎蛋沙拉牛角酥配薯條($39)外脆內鬆軟既牛角包加上清新牛角酥 ▲All-Day-Breakfast-($88)非常豐富,吉列炸蝦、吉列豬扒、豬柳漢堡、BBQ煙肉、牛乳炒蛋、沙律菜、薯餅、蜂蜜牛角酥、熱紅茶 Majesty 地址:深水埗福華街15號地舖營業時間:11:30 – 22:30 文字來源:香港人.遊香港/圖片來源:@tournesol_blue、@kiri.kiyu、@foodforfuun、@dorarathy...
呢間位於牛池灣車仔麵檔係街坊先識!對於呢間店d人都好兩極,有d人話佢地又平又抵食,有d就話佢地衛生情況其實都幾差唔敢食!事實係點就留返比大家判斷,佢晚上6點後就有即場炭燒沙嗲串燒,選擇都幾多,好似豬頸肉、雞肉、煙肉番茄、墨魚餅,亦有青椒同茄子。 ▲無論係落醬汁份量同串燒份量都極為慷慨,一不小心很容易會醬汁橫飛。 ▲唔夠飽肚既,整多碗車仔麵就岩岩好喇! ▲沙爹串燒外層脆得黎香。 ▲沙爹串燒絕對是很多香港人最喜歡美食,不過因為等候時間長好少人做,手持一串沙爹,一邊逛街一邊吃,覺得特別好味。 金發車仔麵 地址 :彩虹牛池灣富池徑3號 文字來源:香港人.遊香港/圖片來源:@choyinghk、wongkwan0809、waiwai_vanus、willtsoi...
點心大家食得多,但即叫即整嘅真係好少。位於油麻地嘅點心店,雖然沒有冷氣,但店內點心誠意十足,腸粉更係即叫即整,平價又有水準,口感非常嫩滑而且厚薄啱啱好,加上蜜汁叉燒提味! ▲鳳爪排骨飯($24): 排骨肥瘦適中,鳳爪排骨味道好香,飯係吸晒鳳爪排骨啲汁,所以好精華,鍾意盎飯就要試下啦。 ▲蜜汁叉燒腸($19): 即蒸腸粉出面都好少見,腸粉皮真係好嫩滑而且厚薄啱啱好,加埋叉燒,真係停唔到口,必試腸粉。 ▲晶瑩鮮蝦餃($21): 試點心又點少得蝦餃呢,蝦餃餡肉質實口,味道幾好,餃皮韌韌地,都唔錯。 ▲公司三文治($32): 好足料,有菜、蛋、火腿等,有唔同口感層次,呢個價錢好抵食。 波記咖啡手工點心專門店 地址:九龍油麻地新填地街35-37號新填地街小販熟食中心1-2號檔電話號碼:2332 4285營業時間:星期一至六:06:00-15:00(星期日休息) 文字來源:香港人.遊香港/圖片來源: ________nicha________ 波記Ball Kee咖啡手工點心專門店(FB)giglio100...