最近灣仔新開一間超復古，極懷舊的餐廳，主打港式料理，例如點心及小炒。店內的裝修極盡心思，將七十年代的香港茶居帶到來現代。餐廳每個角落都是打卡位，由地磚、座椅，到牆上的掛飾及海報，都充滿舊香港風味，多樣古董⋯⋯
位於大坑的虎豹別墅有四層高，屬於一級歷史建築，別墅採用中國式折衷主義建築風格，是香港少數僅存的特色歷史建築之一，別墅建築屬於中式文藝復興風格，糅合了中西方建築方法，主要融合英國、中國、印度和緬甸文化，別墅內更設有意大利塗漆玻璃窗、充滿印度及緬甸風格的雕刻和裝飾線條以及鍍金壁畫，對於熱愛歷史文化或者古典懷舊風格的朋友仔可說是不二之選。於虎豹樂圃網站更有提供免費導賞團預約服務，Walk-in遊覽範圍只限地下大廳及花園範圍。
香港懷舊電影風貌係2020年神還原，九龍城廣埸係今個新年帶來龍城國際大戲院，精心展出60至90年代賣個滿堂紅嘅香港賀歲片畫報和宣傳展品，重現香港賀年習俗文化嘅變遷。戲院外更有經典零食小販檔，有炒栗子、涼果車。戲院內有懷舊磅重機、超等迷你戲院放映室和香江光影照相館等。小朋友參加光影工作體驗班可以換上香江洋服扮演戲院工作人員角色，學習獨特嘅行業術語和體驗上一代刻苦耐勞嘅獅子山精神 ▲當年戲院設有謝票埸，「龍城國際大戲院」不定期隨時舉行謝票場，即場免費提供新鮮暖心炒栗子、鹽焗雞蛋、鹽焗鵪鶉蛋和煨蕃薯，口立濕嘅涼果等經典老香港戲院零食 ▲以前睇戲飲鮮榨蔗汁，等同呢加睇戲飲可樂嘅習慣 ▲昔日九龍影城門口外都係一個充滿新年氣氛嘅打卡位 ▲戲院內嘅裝潢富有昔日港式風味，大堂設有懷舊磅重機，有10款全新設計農曆年限量版磅重卡 ▲映藝薈坊內展示60至90年代賣個滿堂紅的香港賀歲片畫報和宣傳展品 ▲懷舊報攤，搜羅50年代起嘅電影相關報章雜誌刊物，部分雜誌展品更可以即場翻閱，認識或回味當年盛極一時嘅香港電影文化 ▲為咗更投入了解昔日香港電影院風景，埸內設有香江洋服，重回60-90年代香港人 ▲香江洋服令大家更了解當時環境同文化 ▲仲有其他配飾 ▲試穿香江洋服投入電影角色 KCP九龍城廣場「全齡‧傳承‧擁抱愛」–「龍城國際大戲院」賀新禧 日期：即日至2020年2月23日時間：10:00am – 10:00pm地點：KCP九龍城廣場B1樓層中庭 文字來源：香港人遊香港/圖片來源：九龍城廣埸...
呢間冰室原本開係觀塘，開左大受觀塘人歡迎，由裝修到食物，懷舊之餘又特顯新派氣質，環境寬敞，坐得都好舒服！Tea Time就必食瑞士雞翼撈公仔麵，由佢既色澤可見佢既惹味香甜，小編建議一定要叫多汁，咁樣每條麵條都掛上香甜既瑞士汁，主角瑞士雞翼，每碟有2隻全翼﹐當中精華醬汁以醬油加上冰糖烹製，令有彈性既雞翼皮都均衡咁吸收好哂，食落又惹味又嫩滑。 ▲瑞士雞翼撈公仔麵（$43）: 係呢度招牌美食！綿密既瑞士汁入侵雞翼，肉滑而皮彈雞翼都非常入味! ▲冰室脆炸大雞髀（$35）:呢個大雞髀肉食控必點！仲大過一隻手掌，外層炸至金黃色而且好香脆，真係好好吸引，入口啖啖肉！ ▲芝士流心西多士（$35）香濃芝士做內餡，切開即爆漿，糖漿、牛油和芝士一同流出來 ▲炒蛋吞拿魚三文治（$19）炒蛋炒至半熟濕潤，同吞拿魚夾埋！ 焗豬扒飯（$51）上台仲係熱辣辣，豬扒、炒飯、蕃茄醬汁同配料都配合到好好！ 龍城冰室 地址：觀塘駿業街56號中海日升中心地下A號舖電話：21111982營業時間：07:00 – 23:00 文字來源：香港人遊香港／圖片來源：@cheukeatout、@imenpang、@stellawhy、@elyse__nini、@eat.eat.everyday...
屯門華都商場一向好多小店，呢間「西麵」特別在全店用左中式裝修同餐具，連餐牌都用左「聖旨」設計，但打開聖旨見到既幾乎都係西式食物，而食物水準亦一樣有驚喜，受歡迎程度有時仲要排隊添！卡邦尼意粉既芝士夠creamy，法式鮮蠔扁意粉個汁做得出色，啖啖都係鮮蠔味！加$18仲可以轉套餐有埋餐湯蒜蓉包同餐飲，用左阿爺三、四十年代既「萬壽無彊杯」黎裝凍檸茶凍奶茶，別有一番風味！ ▲餐牌用左「聖旨」設計，玩味十足，但寫既幾乎都係西式食物 ▲法式鮮蠔扁意粉，雖然蠔比較碎，但個鮮味係晒個汁度，非常香 ▲除左意粉仲有竹筒飯都好有心思，黑毛豬唔肥又夠香 ▲用古式既萬壽無彊杯歎凍奶茶，都幾特別架 西麵 地址：屯門屯利街1號華都商場地下60號舖電話：39973827營業時間：11:00am-10:00pm 文字來源: 香港人.遊香港/圖片來源: @we_eat__first、 @westnoodle...
豬仔錢罌平偏每個人屋企擁有一隻，豬係2019最大曬，豬仔錢罌係時候出動，唔係普通細隻喎，有成6米高巨型豬仔企係iSQUARE 國際廣場出面，相當霸氣。嚟到唔係只有豬仔錢罌，仲有懷舊香港老店做賀年裝飾，有雜貨店、糖水檔、冰室同埋糖果店，每間店有巨豬嘅 ▲6米高巨型粉紅豬仔錢罌祝大家豬年富貴吉祥 ▲到商埸3樓，懷舊香港老店，士多一定美樂士多，有絕版復古玩具，膠製玩具、竹蜻蜓、鐵皮上鏈玩具、爬牆超人、懷舊吹波膠和彈彈球係齊到。仲有冰室同糖水店比大家打卡 ▲係大堂樓層 iEXHIBTION，有間小朋友心心眼嘅糖果店。迷你可樂樽糖、吹波膠、魷魚絲、果汁糖、波板糖、椰子糖和白兔糖都用透明玻璃瓶裝住。仲有賀年涼果,，包括糖甘笋、糖冬瓜、開心果、紅黑瓜子等等 舊「豬」寶賀新歲 & 懷舊香港老店 日期: 2019 年 1 月 8 日至 2 月 24 日地址: iSQUARE 國際廣場 文字來源: 香港人.遊香港/圖片來源: iSQUARE 國際廣場...
由不是八十年代，今次冇呢支歌仔唱。尖沙咀酒店餐廳推出黃金歲月主題 自助餐 ，一系列鹹蛋炮製嘅美食，有炸魚皮、魚餅、薯條、蝦棗、鮮魷等。仲有兒時屋邨嘅黑毛叉燒狗仔粉，各式各樣懷舊小食，麥芽糖餅、龍鬚糖、金箔脆麻花、白糖糕、芝麻糕、花生糖，重頭仲有龍躉菜式。一齊返去80年代香港。 ▲用鹹蛋黃炮製黃金主題美食，有黃金魚餅、魚蛋、墨丸、黃金蟹蓋和黃金蝦棗。黃金蟹蓋入面有蟹肉和其他配料，用白汁調製。 ▲ 黃金米通及魚皮 ▲ 龍肉餃 ▲ 入面有韭菜，味道香口。 ▲ 啫啫龍躉煲，用彩椒、乾蔥、蒜及薑片爆香，將食物精華鎖入龍躉肉裡，相當惹味。 ▲ 金箔脆麻花 ▲ 燕窩蛋撻 ▲懷舊小食，麥芽糖餅、龍鬚糖、糖蔥餅 ▲ 龍蝦鮑魚大包 ▲ 包入面係原隻小鮑魚 ▲ 姬松菇清燉龍躉骨湯 ▲昔日屋邨美食之一， 黑毛叉燒狗仔粉，湯頭配上蝦米、冬菜、豬油渣等，西班牙黑毛豬叉燒入口香滑。 ▲即叫即製嘅糖蔥餅 ▲食食下好彩嘅仲會收到飛機欖 ▲各式各樣精緻甜品 ▲亞洲風味麵食區 ▲ 日式冷麵 「黃金歲月尋味之旅」自助餐 日期: 2018 年 9 月 3 日至 11 月 21 日地址: 九龍尖沙咀廣東道 33 號中港城皇家太平洋酒店園景翼 2 樓 (柏景餐廳)時間: 12:00 – 14:30/ 18:00 – 21:00訂座電話: 2738 2322價錢:午餐時段成人: $338 小童: $238 (星期一至五)成人: $418 小童: $288 (星期六、日及公眾假期)晚餐時段成人: $618 小童: $378 (星期一至五)成人: $668 小童: $428 (星期六、日及公眾假期)*須加一服務費 文字來源：香港人.遊香港／圖片來源：香港人.遊香港、信和酒店...