將軍澳美食2024|將軍澳新開椰子主題甜品專門店 將軍澳新開咗間以椰子為主題的甜品店,主打每日新鮮即製天然無添加,甜品以椰子奶凍同椰水凍為主,配搭不同類型的水果和配料,而飲品就有椰子水、椰奶、奶蓋同咖啡系列,選擇都相當多。打卡之選推介榴蓮UFO,表面鋪滿芒果同D24榴蓮,裡面係透明滑溜溜的椰水凍同小丸子,另外加埋椰奶夠曬香濃!另外仲有牛仔很芒椰子凍、楊枝甘露椰子凍等,每款都超足料,甜品控絕對要去試! ▲將軍澳新開咗間以椰子為主題的甜品店,新店裝潢加入太空主題元素。 ▲甜品以椰子奶凍同椰水凍為主,配搭不同類型的水果和配料。椰皇UFO係打卡之選,表面鋪滿足料芒果同D24榴蓮,原個椰皇入面裝住椰水凍同小丸子,椰水凍食落微甜口感清新,加埋椰奶就更加濃椰子味。 ▲楊枝甘露椰子凍底層係香滑嘅椰子凍,充滿濃郁嘅椰香味,再添上滿滿嘅芒果同金柚,兩者味道相當地夾。而牛仔很芒椰子凍就加上加上牛油果乳酪,層次分明,味道酸酸甜甜。 ▲而飲品就有椰子水、椰奶、奶蓋同咖啡系列,而平時最鍾意飲奶蓋飲品可以加奶蓋芋圓椰子水,呢度嘅奶蓋特別地加咗椰絲,一杯有齊椰肉、椰奶凍同芋圓,口感豐富,而且三色小芋圓食落夠曬煙韌! 椰子星球 地址:將軍澳寶琳新都城中心一期2樓205-206號舖營業時間:星期一至五11:30 – 22:30;星期六至日10:30 – 22:30 圖片來源: @pieee 、 @i_am_hungry_too 文字:香港人遊香港...
將軍澳美食2024|本地人氣港式糖水店進駐將軍澳 人氣港式糖水店「研香」主打自家研磨糖水,自從開了首間尖沙咀分店後,依家亦係將軍澳開設第二間分店,空間亦比以往較大,而新店亦多了一些限定獨家特色甜品,例如有特調開心果醬梳乎厘、暖笠笠栗子糊、打卡一流水墨風芝麻豆花特飲,同時亦推出咖啡系列例如開心果latte,到呢度歎個下午茶或者飯後甜品都係不錯嘅選擇! ▲將軍澳新店走木系簡約風,空間感十足,容納逾60個堂食座位,可以同三五知己食糖水chill吓。 ▲新店推出開心果系列特色甜品,包括有開心果豆花特飲,午間開始會提供各種咖啡特飲,可以品嚐到濃郁的開心果latte。 ▲限定梳乎厘亦推出,鬆軟口感配上入面濃郁嘅蛋香味,再加上特別調製嘅開心果醬,食落去一啲都唔膩!不過由於係需要即叫即整,過程又超級繁複,所以需要半小時嘅等候,想食就要比啲耐心啦~ ▲同時推出全新「啜豆花系列」,可以不停吸到豆腐花嘅口感,口味分別有芝麻、開心果、抹茶組合等大家係糖水以外有更多選擇!而冬天來臨當然唔少得一碗暖笠笠嘅栗子糊,新鮮研磨,每啖都可以食到香滑粟子蓉,超級推介! 研香(將軍澳店) 地址:將軍澳寶琳運亨路1號新都城中心一期G樓G28號舖營業時間:星期一至日12:00 – 00:00電話:34879600 研香(尖沙咀店) 地址:尖沙咀厚福街7號地舖營業時間:星期一至四 13:30 – 00:00|星期五至日 14:00 – 00:30電話:2386 8806 圖片來源:FB@研香...
將軍澳美食2023|將軍澳新派法式海景餐廳Bistro La Baie開業 坐落於將軍澳海濱長廊旁邊的新派法式餐廳正式開業,想與迷人海景打卡但又想同時品嚐美食?呢間絕對啱曬你!菜單是法國廚師親自操刀,頭盤有時令海鮮拼盤,搜羅於歐洲及南亞清澈海域,另外亦有法式北海道帶子刺身、油封鴨腿三文治以及入口即溶的烤骨髓等選擇。主菜方面推介9小時慢烤牛肩肉,牛肉以黑啤濃汁熬煮非常入味。甜點更有法式柑橘焦糖燉蛋撻,帶有清爽柑橘味的厚滑焦糖燉蛋。如果喜歡海景餐廳,呢度非常推薦比大家! ▲Bistro La Baie是迷人的新派法式小酒館,店鋪裝潢走冷色調,非常有質感,旁邊是海傍,能夠欣賞無敵海景。 ▲前菜有冷盤時令海鮮拼盤,搜羅於歐洲及南亞清澈海域新鮮捕獲的海產。濃厚絨滑的肝醬配搭香橙海藻酸辣醬和烤昆布脆片,與麵包一齊食超夾! ▲法式北海道帶子刺身搭配軟滑牛油果和清新的柚子醋,非常清新鮮甜。 ▲推介9小時慢烤牛肩肉,多汁的牛肉在黑啤濃汁熬煮達 9.5 小時,以伴碟的馬麥醬烤椰菜花沾取醬汁食用。 ▲仲有法式柑橘焦糖燉蛋撻,以香脆的牛油撻作底,加上帶有清爽柑橘味的厚滑焦糖燉蛋和乳酪雪葩,非常開胃。 Bistro La Baie 地址:將軍澳海唐俊街23號MONTEREY Place地下G02號舖G02號舖營業時間:星期一至日 11:30 – 23:00 文字:香港人遊香港...
意大利餐廳CRUST Sorrento 即將於2022年11月4日隆重開幕,將拿坡里和索倫托浪漫海岸的地道街頭美食帶到將軍澳南海濱長廊!餐廳沿用意大利南部的亮白和淡藍色調,配搭馬賽克瓷磚和垂吊綠植裝飾,營造充滿陽光氣息的設計風格,如置身於地中海咖啡店。主人也可以帶同竉物到戶外用餐,感受微風輕拂。CRUST Sorrento除了主打一系列人氣拿坡里薄餅之外,還有多款拿坡里街頭小食、意式三文治、意大利麵、沙律、烘焙包點及甜品供選擇。
有別於地道日式居酒屋的熙攘繁華,koi的室內設計以時尚簡約為主,空間感十足。菜式選擇包羅以新鮮空運到港的海產炮製的壽司卷物丶和洋小吃丶和式燒物丶洋食意粉丶日式鍋飯及甜點。飲品選擇同樣豐富,包羅日本清酒丶特色雞尾酒及精品咖啡等,期望能為賓客提供一個舒適圈,讓大家經過一天辛勞的工作後,可以好好放鬆繃緊的工作情緒,以美酒佳餚犒賞自己。
呢間位於將軍澳海濱旁的戀上台式料理餐廳推出了88分鐘瘋狂任飲任食大閘蟹放題,大閘蟹隻隻爆膏,蟹膏金黃飽滿,甘甜香濃又軟滑。除了可以無限追加大閘蟹外仲有多款大閘蟹菜式任食和台式飲品任飲,包括有一口蟹粉鴨血、蟹粉水餃、生滾大閘蟹粥、蚵仔滷肉飯、蟹粉花支丸、台式腸蟹粉糯米飯等。當中一口蟹粉鴨血除了本身麻辣醬汁夠惹味外再加上蟹粉係面大大增加邪惡度。而蚵仔滷肉飯的蚵仔更粒粒肥美飽滿,飯粒充滿香濃滷肉味。飲品方面珍珠奶茶、芝士奶蓋、水果茶、啤酒等都無限任飲。餐廳更有露天位,夠晒feel。 ▲任食清蒸大閘蟹 ▲隻隻都蟹膏豐滿,入口甘香軟滑,肉質鮮甜。 ▲每隻都非常多膏,而且店員會不停問要唔要Encore,真係推動你食到回本為止。 ▲一口蟹粉鴨血,鴨血淋上麻辣汁夠惹味再加蟹粉超邪惡。 ▲蚵仔滷肉飯,飯粒吸收晒滷肉汁好惹味但一點都不肥膩。 ▲蚵仔粒粒都肥美飽滿又多汁。 ▲蟹粉花支丸,花支丸夠大粒,炸得剛好不油膩入又彈牙而且蟹粉份量都不少。 ▲台式腸蟹粉糯米飯,糯米飯煙煙韌韌有台式腸、花生、蔥花夠香口又有口感。 ▲場內更設有多款台式飲品:黑糖珍珠奶茶,黑糖味夠突出而珍珠煙韌有咬口;芝士奶蓋烏龍茶,芝士又濃又香又滑;百香果茶,啖啖都有果肉而茶味剛好不會太淡口。 大閘蟹88分鐘任飲任食放題 👉🏻約3両-4両大閘蟹公+約3両蟹乸:$388👉🏻約4.5両-5両大閘蟹公+約3両半蟹乸 :$498👉🏻約5.5両-6両大閘蟹公+約4両蟹乸: $608 供應期:星期一至五(公眾假期除外) 星期六日及公眾假期均可單點: 👉🏻3兩-4兩蟹 $81/隻 👉🏻4.5兩-5兩蟹 $94/隻...