[駐場博客 @小牛牛快樂行山郊遊相集by Chan Keung]天氣實在太熱了,打算揾條舒服簡單路線行吓,心諗最舒服路線莫過予麥理浩徑10段啦!因為全程石屎兼平坦路,輕鬆過行公園,但係….敵不過自己心野,卒之行咗上山頂,辛苦嘅旅程又開始了。 九徑山點去? 話說當日睇到天氣報告 高溫直逼34度,諗住搵條簡單舒服路線行吓,小編一諗就諗到去麥理浩徑10段,因為呢度九成係石屎路平緩路線,十分簡單,仲簡單過行公園。屯門食完早餐之後就坐港鐵巴士K53出發,去到掃管笏變電站落車,再行一小段路,好快就上到去麥理浩徑10段中段入口 超靚鳥瞰港版 千島湖 打卡位 一直行,風和日麗又有樹蔭,清風送爽,行得好舒服,行咗冇耐就見到金沙坑,即管走入去睇睇,早幾日落完大雨,山澗十分大水,今次唔行石澗了,洗洗面之後再繼續沿麥徑行,但係見到金沙坑旁邊有條山徑好正,心癢癢決定改向高山路線走上去,順便可以高空俯瞰一吓大欖涌水塘全貌,呢個被喻為香港千島湖之稱嘅靓景,究竟有幾靚呢!山徑初段已經好多散沙碎石,行每一步都好跣,十分難行 ,地況就好似青山腹地,蚺蛇尖差不多,其實呢條屬於九逕山其中一條山徑,好多都係行山友自己開發,除外有絲帶引路之外,有部份路徑有D自行搭建嘅乘涼設施添。繼續不斷向上行,路徑十分貧瘠,乾旱,大部份都係沙地,就算有幾靚幾咬地嘅行山鞋都無用,小編好小心行都跣低咗幾次,所以上到山頂都相當花體力,到頂後回頭一望,觀景開掦,一望無際,頓時一洗心中疲累呢! 經過一個又一個山坡之後,竞然發現有水源,睇睇地圖原來係白石坑近源頭地帶,真係久旱逢甘露,衝過去小溪澗,立即用水擦擦面,精神圍之一振。繼續沿山徑上路,多條路線縱橫交錯,唔睇清楚地圖好易走錯路,走到另一小峽谷,有一小段急斜下坡小徑,有前人違下的大麻繩,借力落到底,到達九黃石澗,横過後又要爬返上斜坡接回山徑,上上落落之後又到達一個大平源,旁邊可以俯瞰整個大欖涌水塘,嘩~ 真係好靚喔,不愧為香港千島湖之稱,其實行過大㰖涌水塘十多次,不過每次都係水塘旁邊行,無今次俯瞰效果咁靚。打卡後開始沿山徑落山,經過黄泥墩水塘,向楊家村方向直落,經過幾個農莊,有興趣仲可以購買一些蔬菜回家添,穿過農莊到達大棠巴士總站,完成旅程。需時大約5小時。 ▲由掃管芴直上麥理浩徑10段起身好快就到達金沙坑 ▲改道金沙坑旁邊山徑直上 ▲山徑入口有絲帶引路初段不太難行 ▲山徑入口有絲帶引路初段不太難行 ▲山徑入口有絲帶引路初段不太難行 ▲ㄧ直沿山徑直上路況開始變差...
[駐場博客 @ 小牛牛快樂行山郊遊相集by Chan Keung] 話説某天晚上,小編正在打開地圖,忙於尋找山徑,發現近屯門區有一山頭,名為~九逕山,此山連貫多條山徑,四通八達,的確有趣。再從網上深入探索, 發現有關於九逕山名字起源。 原來步上九逕山真的有九條山徑可到達, 所以取其名稱,真的十分有趣。 從屯門站向東面方向走,杯渡路尾,就可以進入麥理浩徑十段起步。初段全程石屎路, 山路兩旁有幾户住民養了很多唐狗, 不是會衝出來上前”歡迎你”不過 不用怕 大部分都係友善的唐狗,不過佢地一直向前行即可。走了一小段,開始離開麥徑,改行屯門徑1段, 之後再穿過小林。一直沿山徑直上,路况開始帶點崎嶇, 地上佈滿碎石散沙。同時發現山頭上有很多巨石,而部份巨石外形相當趣怪, 有些像鬧鐘,烏龜,半邊奶油豬…等等。 看見那麽多有趣石頭,遊人都不禁爬上去拍個照,打個卡呢! 不過石面非常峰利,建議必須穿戴手套才去攀爬。沿山徑直上,發現左右兩旁均有多條山徑通達山頂發射站, 在旁也有一個直升機停機坪。...