大渣哥茶記自開業後大受歡迎，推出食物屬於高質水準，絕對唔止係明星效應咁簡單！今日仲係大家都好灰既星期五，宣布推出「好很藍食系列」，系列一次過推出5款大家好掛念既美食，包括有吉野渣和風牛肉飯、碎華瑞士汁雞翼撈公、乜樂雞炸薯條、士渣北MOCHA同埋美渣High餅，聽日開始推出，每日兩點至六點下午茶時段供應，消息一出，有好多網民都表示力撐支持！ ▲吉野渣和風牛肉飯（$38）大渣哥茶記知道大家呢幾日好灰，推出新系列等大家開心下，令大家可以苦中作樂！ ▲士渣北MOCHA（$28） ▲乜樂雞（$38）仲有得揀蜜糖介辣/ 泰式雞醬/BBQ燒烤醬 ▲碎華瑞士汁雞翼撈公（$48） ▲美渣High餅卷蛋（$8） 文字來源：香港人遊香港 / 圖片來源：大渣哥茶記....
呢間咖啡店有3間分店，不過何文田呢間氛圍較悠閒寫意，假日就會有好多狗狗同主人一齊過黎食tea。店內空間面積唔係大，係店主夫婦共同設計，吧台設置由細碎花紋檯面交錯著白色磚牆，透明瓶罐展示住包餅。店內擺放書籍雜誌、盆栽綠植，裝裱起來寵物照片，增添上可貴悠閒情調。店內亦放左好多柴犬既元素，當然唔少得佢地既柴犬咖啡店長坐陣啦！店內 Houseblend 採用本地烘焙咖啡豆，而店主更多次參與拉花比賽，多次比賽得獎。 ▲閒時一杯咖啡配上肉桂麵包，都係件賞心樂事。 ▲半熟蛋煙三文魚多士及芝士三文治配薯條 ▲牛油果沙律三文治 ▲咖啡濃醇度十足，所選用咖啡豆都係國際大賽得獎，出品高質。 ▲柴犬咖啡店長不時會到店，大家假日到來就有機會見到佢喇！店主係愛狗之人，當然歡迎大家都帶埋狗狗一齊黎啦～ 文字來源：香港人遊香港 / 圖片來源：@sugarsatohk、@dreamercyrus、@kissy_kisy、@josi.ecya、@qiaoen_h、@blacksugar_coffee_hk...
呢間係性價比超高台灣小食店，品牌源自台灣宜蘭羅東。憑住兩位店主堅持，多次前往宜蘭羅東尋找地道肉焿湯，最後特意去台灣學師後開店，因此小食風味同台灣好相近。主打魯肉飯、肉焿湯米粉、手工芋圓、香芋肉鬆三明治，全部都好受歡迎。當中最ig-able 都係誘人雙紫色既香芋三明治系列，又飽肚又可口，顏值爆燈！ ▲芋見紫薯吐司（$45），份量大，內餡真材實料質感軟綿綿，紫薯泥、芋泥形成漸層深淺分明視覺效果！ 一啖真係爆晒餡！ ▲Oreo紫薯泥吐司 （$46）Oreo食落微甜甜地同紫薯泥 ▲肉鬆芋泥吐司（$40），芋泥口味較清新，肉鬆咸咸香香，反而有種反差感。 ▲1號羅東肉焿湯餐（$78）魯肉飯、肉焿湯加埋飲料。肉焿湯係以新鮮豬肉加入蕃薯粉、魚漿醃過，而湯頭再加埋荀絲、芫茜食落感覺較杰身。 ▲肉羹米粉（$48）肉羹非常香口，鹹香四溢。 ▲仙草芋圓1號（$34）包括三色芋圓、蜜紅豆及海藻水晶 ▲小店貼文宣以示支持學生及社會運動。 文字來源：香港人遊香港 / 圖片來源：@rosabeth.ngoman、@jesxfoodie、@wunderlust_girl...
呢間係性價比超高台灣小食店，品牌源自台灣宜蘭羅東。憑住兩位店主堅持，多次前往宜蘭羅東尋找地道肉焿湯，最後特意去台灣學師後開店，因此小食風味同台灣好相近。主打魯肉飯、肉焿湯米粉、手工芋圓、香芋肉鬆三明治，全部都好受歡迎。當中最ig-able 都係誘人雙紫色既香芋三明治系列，又飽肚又可口，顏值爆燈！ ▲芋見紫薯吐司（$45），份量大，內餡真材實料質感軟綿綿，紫薯泥、芋泥形成漸層深淺分明視覺效果！ 一啖真係爆晒餡！ ▲Oreo紫薯泥吐司 （$46）Oreo食落微甜甜地同紫薯泥 ▲肉鬆芋泥吐司（$40），芋泥口味較清新，肉鬆咸咸香香，反而有種反差感。 ▲1號羅東肉焿湯餐（$78）魯肉飯、肉焿湯加埋飲料。肉焿湯係以新鮮豬肉加入蕃薯粉、魚漿醃過，而湯頭再加埋荀絲、芫茜食落感覺較杰身。 ▲肉羹米粉（$48）肉羹非常香口，鹹香四溢。 ▲仙草芋圓1號（$34）包括三色芋圓、蜜紅豆及海藻水晶 文字來源：香港人遊香港 / 圖片來源：@rosabeth.ngoman、@jesxfoodie、@wunderlust_girl...
呢間北角中菜館除左有傳統菜式之外，仲會有一啲創作菜式食添。古井燒鵝來源係宋代宮廷秘方，因為宋朝皇帝逃難來到南方得來的，用上荔枝柴去燒。呢度出名唔至有燒味之外，仲會有燉湯，燉湯係用左意大利礦泉水配喜馬拉雅山粉紅礦物鹽煲，廚師會落足料煲成5粒鐘，絕不加味精！係社會運動期間，呢間良心食店仲有捐款比好鄰舍北區教會架！ ▲本地蜂蜜叉燒拼無骨脆皮燒腩仔: 燒腩仔個皮好脆身，叉燒食落都好鬆軟嫰滑，燶邊程度埋蜜汁份量燒得岩岩好！呢度既燒味都會有蜂蜜拌豆作配菜！ ▲金銀蒜開邊海蝦蒸陳村粉($138):陳村粉都入晒味，食落封好香蒜蓉味！開邊蝦食落去唔會無晒蝦既鮮味同蒸既時間岩岩好！ ▲砂鍋鵝汁炒飯(普通$95): 呢個石鍋飯有啲飯焦係地，炒飯炒到粒粒分明! ▲荔枝柴燒新會古井燒鵝($170 下庄):呢度既燒鵝燒到個皮好脆同好薄！鵝肉味都好濃郁。 ▲桂林辣醬排骨籠仔飯: 午餐先有得食既籠仔飯，排骨入晒味，一個人食晒一個籠仔飯都好飽！ 人人和平小飯店 地址:北角堡壘街6-8號A地舖營業時間:11:00 – 22:00電話:25708616 文字來源：香港人.遊香港／圖片來源：@happytummybkk、@ascendtegami、@lamb_xdd、@chaytuan、@hepingrestaurant_hk...
台灣人黎香港最鐘意食香港老冰室既港式懷舊冰室美食，其實留在海外既港人又何嚐唔懷念呢？呢間「乜料茶居」係在台香港人開設，店外貼滿文宣，聲援香港，對於抗疫，亦起萬二分警覺，室內外都係滿滿復古懷舊冰室風。疫情前，佢係一間只開晚上既小餐館，而疫情後則改變左營業時間，第時開返關相信會有再調整！各位踏上無盡旅途既香港人，不妨黎台南呢間店支持一下同路人！ ▲店主以港式懷舊冰室作主題，希望將香港原味道美味帶比台南人。 ▲菠蘿油口味同香港口味無異！ ▲凍奶茶都係港式口味，飲唔慣偏甜台式口味可以飲返d港式味道喇！ ▲招牌冰火菠蘿油麵包偏扎實，牛油一d都唔吝嗇。 ▲招牌冰火菠蘿油麵包一咬開依然係咁酥香。 ▲店主會擺放好多小物品、小擺設 ▲店主係個多方面收藏控，可口可樂罐、港式公屋玩具、模型擺設都唔少。 ▲香港人看著習以為常既小物件擺設，對台南人黎講會覺得好新奇 ▲店鋪一桌一椅、擺設都係店主費心思擺設，小巧思牆上播放老電影掛著的舊海報 ▲店內都充滿爭取自由既氣息。 文字來源：香港人遊香港 / 圖片來源：@will.i.am_1224、@we77123、@shan.hch_...
呢間小店係由4名90後開設，佢地4個係好朋友，因一次到四川旅行食到好好味既酸辣粉，於是決定發展鴻圖大計，以豬骨熬製，加上四川地道花椒粉，形成香口美味既出品！不過講到最受歡迎既，都係紫薯手抓餅，餅底酥香不過唔算好油，配料可以揀炒滑蛋、鹹牛肉、拉絲芝士、手打芋泥等，而且仲可以揀沙律醬、千島醬或者蜜糖芥末醬。 ▲ 紫薯手抓餅，形象吸睛，食落又好有紫薯味！ ▲ 原味手抓餅配上拉絲芝士、咸牛肉，香氣滿滿！ ▲ 椒鹽燒賣 ▲ 咸旦黃雞軟骨 ▲ 酸辣粉可以揀米線，一碗淨粉（$22）唔算好大碗，女仔食既加一兩個餸或者小食就夠飽。 ▲ 小店上貼有文宣同香港人加油！ 文字來源：香港人遊香港 / 圖片來源：@_eatforhk_、@hayheyman、@sleepytaz206、@foodsponge_hk、@hkdpunishment...
由民主女神周庭BB推介既，店內又有連儂牆，緊係好多人追捧，老闆表示被懲罰到做到手軟！呢間位於大埔八號花園地下主打生蠔西餐廳係間小店，最近呢個月都成日full house，想walk-in食真心唔容易！佢地既生蠔來自唔同產地，法國、南非、愛爾蘭等地，各有特式鮮甜肥美。另一方面碳燒牛扒、羊架都係黎到必食既item，炭燒肉眼扒有助鎖住肉汁，牛肉質感就會焦香得黎豐盈多汁！ ▲生蠔來自蘇格蘭、南非、法國等地，品種都幾多，隻隻都肥美得黎Creamy嫩滑，食落帶海水咸香鮮味 ▲美國頂級安格斯肉眼配紅酒燒汁：10安士安格斯肉眼非常重磅，炭燒至五成熟，肉眼牛排表面帶來焦黑網格烤紋，未食都聞到濃濃誘人既焦香﹐食落牛味香濃！ ▲煎焗澳洲羊鞍扒配紅酒忌廉汁，炭燒澳洲羊鞍扒同樣5成熟，不過相對色澤比肉眼牛扒嫩一點。羊鞍扒完全冇多餘肥肉，細嫩無筋，羊羶味完全冇。 ▲朱古力心太軟係跟set甜品之一。切開香濃幼滑朱古力蛋糕，朱古力溶岩漿流出黎！蛋糕食落鬆軟可口，溶岩漿香甜。 ▲蘋果撻都係跟set甜品之一，肉桂粉為蘋果撻增添了另一番風味，廚師雖然好忙，但都不忘係甜品碟上寫字！ ▲店內外都有連儂牆，好多同聲同氣既香港人都狠狠地懲罰呢間小店。 Oyster King 地址：大埔安慈路2號八號花園地下4號舖電話：22468282營業時間：星期一至二、星期四至日 12:00 – 15:00／18:00 – 22:30 （星期三休息） 文字來源：香港人遊香港／圖片來源：@ahbee1226、＠davidchung815、＠gerger...
平日配料夾包，多數諗起三文治和熱狗，而呢間小店以長條法包做越南軍艋，有9尺長，包內配料有8款咁多，有扎肉、烤肉、甘荀、蘿蔔、青蔥、芫荽、豬肉鬆和辣椒，加埋蛋黃醬和肝醬，飽足感十足，味道唔錯，有唔少人食過番尋味。如果食唔到9尺原條法包，小店有半個Size供應。軍艋越式法包更附送餐湯或蔬菜兩份，每日新鮮選購 ▲半個Size 4.5尺($30)，份量依然足本 ▲如果想走一D配料，落單前要講聲 ▲原條9尺長越南包($50) ▲食法包有餐湯選擇，每日都唔同，其中一日供應忌廉蘑菇湯，味道啱啱好，蘑菇份量多 ▲唔飲湯可以選擇蔬菜兩份，全部係每日新鮮採購。呢間小店係店內貼文宣播反送中有關歌曲之餘，曾經捐錢比星火 蔥仔越南包 地址: 大角咀櫸樹街52號營業時間: 12:15 – 15:00 / 18:00 – 20:30 文字來源:香港人遊香港/圖片來源: @fatpiggyyyyy、@sara0222、@f_ffung、@hoszeeeee...