香港人嘆世界

阿智村位於長野縣西南部，每逢4月中旬至5月中旬，村內國道256號沿線周邊就有多達1萬株嘅花桃樹，被譽為「日本第一的桃源鄉」，花桃祭期間更推出夢幻嘅夜間點燈時段，日與夜各有風味！ ▲花桃樹係由一般果桃樹變種而來，花色有白、有紅、有粉，比櫻花或梅花盛開時更加艷麗動人。 ▲每逢花季更會舉辦「花桃祭」，可以買到各種喺信州流傳嘅特產，或者係同花桃有關嘅特產，甚至連花桃樹樹苗都有得買！ ▲欣賞完美麗嘅花桃之後，仲可以轉移陣地去月川溫泉鄉或者昼神溫泉鄉浸下溫泉添！ ▲除此之外，阿智村仲以優美嘅星空著稱，係「日本最能見到璀璨星空地點」第一名，根據不同嘅季節而有不同嘅觀星團，由海拔1,400公尺嘅山頂望向一片星海，再加埋花桃祭特別推出嘅夜間點燈時段，非常浪漫！ 阿智村 地址：〒395-0304 長野縣下伊那郡阿智村智里網站：http://hirugamionsen.jp/activity/hanamomo 文字來源：香港人.歎世界/圖片來源：_m_ms_diary、musasi0701、互聯網、http://hirugamionsen.jp/...

去咗東京咁多次，已經厭倦咗大城市繁華嘅環境，想嚟一個不同嘅體驗？不妨去川越日歸小旅行。距東京都心，只需30分鐘車程，川越保留咗江戶往日嘅風貌，包括江戶至明治時期，喺川越漫步，就彷如置身於不同時代嘅日本一樣。 ▲由東京都心前往川越非常方便，好似由池袋出發坐東武東上線大約只需31分鐘，由新宿坐西武新宿線則約需43分鐘 ▲走在川越嘅老街上，周圍都可以睇到好多舊式嘅和菓子店，呢度亦被稱為《菓子店橫丁》，佢喺2001年更被日本環境省選為《味道風景百選》之一 ▲著名景點 本丸御殿 係川越城唯一遺留落黎，現存被留下嘅有玄關、大廳以及復原嘅家老集會所，係一座充滿武士沉穩風格嘅建築 ▲冰川神社以求緣份而聞名，每年都有好多情侶係呢度舉辦婚禮，偶爾仲會見到著住日本傳統禮服「白無垢」嘅新娘添！而每年嘅七八月，呢度都會舉辦綁風鈴嘅活動，埸內掛滿唯美色彩嘅風鈴，加上被風吹動嘅嚀噹聲，感覺非常治癒！ 佢地仲提供「小江戶景點周遊巴士」同「小江戶巡迴巴士」，一日券價格分別為300Yen同500Yen，詳細路線可以上官方網站查詢 川越 地址:日本琦玉川越市網址：http://www.koedo.or.jp/foreign/chinese_tr/ 文字來源：香港人.歎世界/圖片來源：互聯網...

日本麥當勞推出全新期間限定特飲，今次主角仲係超受大家歡迎嘅香蕉添，款式包括朱古力、沙冰同咖啡，售賣期間為2018年4月11日至6月上旬，去開日本嘅朋友記住試下喇！ ▲蛋黃哥五週年的快閃活動將於2018年4月16日到4月22日期間，喺東京京王井之頭線澀谷車站外舉行。 ▲今次快閃活動其中一個特別嘅地方係所有活動詳情都不會提前公佈，要到當日去到場地先知，夠曬神秘！ ▲蛋黃哥誕生五週年主題以「宇宙」為靈感，將出現多幅寬達138公分嘅超大蛋黃哥海報，並製作咗最新限定影像。 ▲此外，4月19日至5月2日期間，東急百貨東橫店將會有蛋黃哥嘅快閃店，肢賣多款蛋黃哥週邊商品好似手袋、公仔、鎖匙圈等應有盡有。 蛋黃哥五週年快閃活動 販售期間：2018年4月16日至4月22日地址：京王井之頭線澀谷站中央廣場 文字來源：香港人.歎世界/圖片來源：互聯網...

喺東京都可以嘆到正宗台灣素食？健福主打台灣素食，雖然位於消貴較高嘅六本木區，但係佢地嘅素食套餐相當之經濟實惠，而且味道仲好好，性價比超高！ ▲健福係六本木之丘附近唯一一間可以食到地道台灣素食料理嘅餐廳，由地下鐵日比谷線嘅「六本木」車站A1出口徒步約5分鐘即可到達。 ▲雖然六本木周圍都係高級嘅店舖，但係同樣身處該區嘅健福則以「又平又好食」而知名！午餐平均只需980 Yen就可以食到，性價比相當高。 ▲怕日本素食放蔥蒜的人也不用擔心，健福素食店嘅老闆係食素嘅台灣人，呢度嘅「素食」主要係指包含肉、魚、蛋類，甚至係氣味較濃烈嘅韭菜、大蒜等食材都唔用嘅素菜料理。 ▲人氣午間套餐分別有「青椒肉絲」、「回鍋肉」、「糖醋排骨」、「麻婆茄子」等等，有機會一定要試下喇！ 中一素食店・健福 地址：東京都港区西麻布3−1−22 SAI BUILDING 4FL 文字來源：香港人.歎世界/圖片來源：互聯網...

身為鐵道迷，如果想去日本朝聖的話，呢個博物館就岩曬你喇！位於東京都江戶川區嘅地下鐵博物館，由東京Metro經營，收藏咗大量地下鐵實物同模型，包括日本第一條地下鐵，館內仲設有體驗室等你一嘗做車長嘅滋味添！ ▲搭乘東京Metro東西線去到葛西駅落車就可以見到指示，跟住行就可以見到喺軌道下方嘅博物館 ▲葛西地下鐵博物館，係東京Metro旗下嘅文化事業，由1986年開館至今已經有32年。而日本最早嘅地下鐵路原來係東京嘅銀座線，開通至今已91年時間。 ▲呢個按比例縮細嘅電車模型，其實就係展示緊目前東京Metro所營運中嘅九條路線。 ▲電車體驗區有專人指導，利用真實器材同模擬嘅操作畫面，俾你感受一下做車長嘅滋味！ 地下鐵博物館 地址：江戶川區東葛西6-3-1 文字來源：香港人.歎世界/圖片來源：互聯網...