呢間位於半山的餃子店，全部餃子都是由老闆娘親手手工製作，餡料口味是自家調配，連餃子皮都是手工搓皮，所以食落煙韌，不會皮肉分離更不會有粉感。麻辣雞軟骨雞肉口味是必試之選，甜甜辣辣的口味⋯⋯
好多人都鍾意食餃子，而餃子要做到皮薄餡靚一啲都唔易。呢間位於油麻地嘅隱世小店就做到呢點啦！佢一共有4款餃子，分別係菜肉餃、韭菜豬肉餃、粟米豬肉餃同埋芹菜牛肉餃，每款都皮薄餡靚，咬落去非常juicy。唔只餃子，佢嘅其他菜式亦非常出色，其中麻醬豆腐就畀人好大嘅驚喜，豆腐夠滑，麻醬嘅份量好豪邁，一啲都唔孤寒，可以話係餃子之外嘅必食小食之一。 ▲4款餃子各自都係賣$30，一份有8隻，價錢夠親民。 ▲排骨擔擔麵($40)，餃子麵之外嘅麵食一樣出色，排骨夠哂入味，加埋花生香，令人食過返尋味。 ▲麻醬豆腐($20)，麻醬多到不得了，濃郁嘅麻香味加埋口感香滑嘅豆腐，絕對係必食之選。 ▲涼拌青瓜($20)，有少少辣，青瓜夠凍夠爽口，食完好開胃。 竹地小館 地址：油麻地廣東道838號金冠樓地下電話： 3614 5672營業時間：星期一至日 11:00 – 23:00 文字來源：香港人遊香港/ /圖片來源：@jap.ho.food、ccyui_hkfoodies...
太子食餃子，好多人都首選歷史悠久既美味餃子，不過最近幾個月小編發現各位餃子控有新寵！小店餃子有9款餃子，包括人氣大推既雲耳鮮肉餃、芫茜鮮肉餃、韮菜鮮肉餃同芝士粟米鮮肉。不過自從有媒體報導過之後，呢間小店真係人氣急升，假日更加連餃都包唔切，結果有d受歡迎既餃子仲好快賣哂，老闆都建議如果買生餃都要打電話預訂先。湯餃主打佢地無味精既椰子海帶鮮雞豬骨濃湯，椰子味香，夾埋餃子一齊唔會搶左餃子既口味！ ▲一碗餃子，可以揀7隻（$32/34）同10隻（$40/45）呢個選擇！總括黎講餃子皮方面唔算厚。 ▲椰子海帶雞肉豬骨湯飲落清甜無比！椰子既鮮甜，雞肉鮮香完全展示到出黎！ ▲韭菜豬肉餃(10隻)（$40）：韭菜味香濃！ ▲芝士粟米鮮肉，芝士仲會有拉芝既感覺！ ▲雲耳鮮肉餃，食得出口感清新，亦食得出食材新鮮。 豐信餃子店 地址：太子汝州街17號地下A號舖電話：23081883營業時間：12:00 – 23:00 文字來源：香港人遊香港／圖片來源：@francescatsui...
黎大角咀食宵夜，好多街坊都推薦呢一間宵夜小食，一定要食佢地炸餃子，雖然談唔上新鮮即炸，無論係白菜餃定韭菜餃餡料十足！蠔仔粥蠔仔洗得好乾淨，選用蠔仔都大大粒，蠔仔帶出粥豐富鮮味道同獨特口感！ ▲蠔仔粥($32)：加入肉碎、葱粒、 芫茜同埋大大粒既蠔仔。 ▲夜媽媽想食炸物都ok！炸燒賣 ($5／4粒)、煎茄子辣椒($10／5件)、炸豆卜($10／6件) 、煎韭菜餃( $10／5 隻） ▲炸白菜餃、炸韭菜餃 ($10／5 隻)，分別用新鮮白菜及韭菜，混入豬肉碎作餡，飽滿豐富，即使唔係即炸都好好味！ ▲呢間小食店最岩車手同食宵夜，好多款唔同小食都有！ 耀記餃子粥麵 地址：大角咀中匯街10號地舖電話：35654335營業時間：15:00 – 03:00 文字來源：香港人.遊香港／圖片來源：@wongwahing、@424_tl、@c.iiiiifiiiiil、@inthemoodforfood____...
小編有時出街食麵，想食餃子又想食牛腩，今日小編搵到個地方可以滿呎到2個願望！湯餃煎餃隻隻飽滿，餡靚足料味道出色！湯餃既話小編就會轉清甜既蟲草湯底 ，不過講到招牌清湯牛腩河 ，佢地牛腩肥瘦適中，油脂十足，蘿蔔清甜挺入味。 ▲淸湯腩（$68）淸湯腩用上牛爽腩，即係牛肚皮附近，有塊薄軟膠質相連，腩肉一層肥一層瘦，佢個湯底充滿蘿蔔清甜香氣！連佘詩曼都like 爆！ ▲椰菜豬肉餃拼馬蹄香芹菜豬肉餃 （共九隻 $45）煎餃煎得表面金黃，食落唔會太油膩，馬蹄香芹菜豬肉餃菜肉比例平均，而爽甜馬蹄食落令餃子更清新。 ▲醉雞($90)採用新鮮農場走地雞，雞肉入口嫩滑，配上頂級花雕酒，惹味非常。 ▲識食一定要+$8轉蟲草湯底，蟲草份量一d都唔吝嗇，飲落清甜滋潤非常順喉。 餃腩店 地址： 旺角豉油街88號電話： 2366 6668 文字來源：香港人.遊香港／圖片來源：@charmaine_sheh、@g.thefoodie、@hachiwaya、@tingfungig...
呢間餃子店面績唔大，人多仲會非常迫夾，老闆原係東北人，佢所製作既餃子皮薄餡多，大大隻既餃子，內裡有豐富饀料同湯汁。牛肉餅又係另一個重點！牛肉餅內餡juicy、肉味香濃，外皮皮煎到黃金香脆。 ▲牛肉餅($15)牛肉餡餅即叫即製，一咬牛肉餅所有湯汁咇曬出黎 ! ▲三鮮餃（$25/10隻）有蝦皮拌入豬肉再加埋韭菜同蛋﹐既濃味又幾健康！ ▲椰菜木耳鮮肉餃子 （$25/10隻） ▲南瓜餅（$6）表面沾了糖霜，食得出南瓜香，好有家庭式既味道。 興興餃子館 地址：土瓜灣浙江街27號地下G5號舖電話：90116996／90637503營業時間：11:00 – 00:00 文字來源：香港人.遊香港／圖片來源：kamwaiwai、miyaippp...
必食蕃茄豬肉餃＋西洋菜鮮肉餃！ 呢間餃子店係深水埗有幾間分店，招牌往往搶眼黃底紅字，打住山東正宗口味旗號，出品正宗既餃子大大隻，並唔會浸湯，而且呢間餃子店有唔少款式餃子，小編特別推薦蕃茄豬肉餃同西洋菜鮮肉餃，無論咩餡料都好都一樣皮薄饀多，肉汁鮮甜。 ▲蕃茄豬肉餃(HK$36)食落清新自然，感覺幾fresh，佢樸實外表，內裡香氣豐盈。 ▲煎韮黃蝦仁餃(HK$38)；煎餃3、煎蕃薯苗豬肉餃36煎餃3-餃子款式多多而且可以揀煎餃！ ▲韭菜鮮肉餃(HK$34)，皮薄餡滿而且肉汁多。韭菜鮮肉餃香濃無比，口感扎實爽脆，餡料渾厚飽滿，肉汁更係中剛烈和韭菜。 ▲西洋菜鮮肉餃(HK$36)脹卜卜可見材料豐富，咬落多汁。 山東餃子館 地址： 深水埗元州街81C號舖 地址：長沙灣東京街40-42號E舖 地址：太子花園街224號C地舖 文字來源：香港人.遊香港／圖片來源：@food__seriously、@hollyruya、@ueatieat...
呢間餛飩餃子店有2間分店，滿滿上海口味家庭式餛飩餃子，餛飩皮到餡到包餛飩的過程都是店員一手包辦，成日都見到佢地熟練咁包餛飩同餃子。一碗淨餃有10隻餃子，湯底充滿麻油香，湯裏更有櫻花蝦提味。玉豆豬肉餛飩、甘荀素菜餃子、洋蔥豬肉餃子、時菜豬肉餛飩同韮菜豬肉餃子，店員話款多多人鐘意，唔怪得咁多人食！ ▲煎餃($39)煎得好香，同樣是皮薄多料 ▲玉豆豬肉餛飩 + 韮菜豬肉餃子麪($39)，玉豆豬肉餛飩中豆筴既豆仲混和豬肉。玉豆豬肉餛飩咬落爽口鮮甜，荷蘭豆獨清香，辟去豬肉腥味。而韮菜豬肉餃子韮菜十分香濃 ▲洋蒽豬肉餃子($39)，選用清甜爽口紫洋蔥，配上豬肉餡非常清爽，仲有一點清甜。 ▲好多人都會叫埋小食四喜烤麩，烤麩發得好的話，咬起上來會略有彈性 阿芳上海餛飩 地址：尖沙咀白加士街20號永富大廈地舖電話：23958897營業時間：11:00 – 23:00 阿芳上海餛飩 地址：紅磡崇潔街97號地下電話：23030087營業時間：星期一至六 07:30 – 15:30 文字來源：香港人.遊香港／圖片來源：＠gracechow1014、＠kenifood、＠mrsfish523、＠zoe_neinei...
