Tags 車仔麵

車仔麵

熱門文章

【老火靚湯!獨家健康車仔麵】

講到車仔麵大家會唔會淨係諗起個“快”字呢?而出奇地呢間小店嘅車仔麵正正違反左呢個特點,老闆用心良苦只為求大家可以停落黎慢慢享受一碗車仔麵,呢間鋪頭嘅招牌脆皮腩肉同日式叉燒車仔麵,自制湯底由青紅蘿蔔、雞外殼、雞骨等食材熬制10小時而成,清甜美味!而脆皮腩肉同日式叉燒亦會經由老闆半日嘅親自製作,令其更加入味可口,同時顧客亦可以食得健康啲,若然係較重口味嘅食客都可以加入適量特製辣醬調味,可謂考慮周全,可以滿足到唔同顧客嘅需求。另外,仲有一樣最特別嘅就係呢間小店提供左手工啤酒,絕對值得大家一試!

【米芝蓮大廚坐鎮車仔麵店!推鮑魚缽仔飯】

呢間車仔麵店由米芝蓮大廚主理,好多配料都係自家研制特別醬汁,附近街坊都推介秘製鮑汁豬手鳳爪撈,鮑汁燜製嘅豬手肉質軟腍,皮有咬口👍🏻,另外辣魷魚🦑、豬紅配秘製清湯底都值得一試!最近佢哋仲加堆晚市限定缽仔飯,加入自家製嘅豬油同醬油,味道勁香濃👍🏻,仲有季節限定嘅慢煮南非鮑魚或者金銀蒜蒸波士頓龍蝦做配料!

【#銅鑼灣新店!無味精車仔麵】

有銅鑼灣拉麵街之稱嘅登龍街最近就多左間香港代表車仔麵店進駐,呢間車仔麵主打無味精湯底,食完麵飲埋湯都唔伯口渴,每日麵店都會準備30款配菜俾大家選擇,特別推介佢哋嘅家傳手工菜似肉吞,夠足料,另外個辣榨菜亦夠哂驚喜,必試!

【價錢勁貼地!尖沙咀下午茶平食車仔麵餐!】

尖沙咀又有窮人恩物,捱肚餓到下午茶,點知同圍d Tea 都加哂價?尖沙咀有間車仔麵下午茶仲係做緊23蚊2餸麵,有小食仲有野飲,真係超超超超抵呀,小編直頭感動到喊!秘製汁用咗好多調味料炮製,加上麵咸香非常 !

熱門標籤

熱門分類

【西貢必試新店!鹹蛋黃炸髀】

呢間新開嘅小店主打招牌即炸巨型魔髀,魔髀呎吋比一般常見嘅大至少兩個碼,雞髀大隻厚肉,連醃味都需要比平時多一倍時間!炮製方面會用猛火迫出雞脾多餘油份,再用慢火炸到金黃色,雞皮炸得非常脆薄,咬開後雞肉充滿肉汁,食落口感好過癮,再加埋新加坡直放嘅咸蛋黃醬,真係食到停唔到口!另外佢哋其他小食都值得一試,其中炸花枝丸新鮮彈牙、椒鹽豆腐爽香惹味! ▲火焰魔髀($30)-中意食麻辣嘅你一定唔少得。
Close Bitnami banner
Bitnami