呢間係尖沙咀高檔商場入面嘅日本過江龍拉麵店,以清湯底聞名,而且仲係東京米芝蓮,質素絕對有保證。佢嘅麵條係店內現在製作,務求保持同日本一樣嘅品質;湯底就以清湯頭加上唔同材料,演化出多變嘅味道,包括鹽味、豚鴨同辛辣等,值得逐一試哂! ▲粟國鹽味拉麵($128) ▲香蔥山椒叉燒拉麵($138) ▲豚鴨沾麵($168) ▲自家製蟹肉薯餅($68) ▲柚子雪葩($68) 多賀野 地址:尖沙咀梳士巴利道18號K11 Musea 2樓220號舖電話:2881 8331 文字來源:香港人遊香港 / 圖片來源:@conyjapjapjap、@ikonic_fooddiary、@lt3golfgti、@hazelsze.0523、@whatcha.eatingx...
去曼谷一定要食小炒同金邊粉,做得好要做得美味得黎又要有鑊氣真係唔係幾多做得到。不過就有間煮得拎埋2018米芝蓮推介,佢位於隱蔽小巷之間,店面就係sharp醒既彩藍色,而入面使用帶著古色古香而純樸木質桌椅,加上芭蕉葉、草墊子呢d擺設,多一份沉實韻味。黎到坐底,其實唔難聽到熊熊大火既快炒聲,最出名而又係必叫既當然係炒金邊粉(pad Thai),烤雞肉Phad Thai份量是街邊既3倍,雞肉份量都好多,九層塔、蔥、豆芽菜、花生、辣椒粉,味道集甜、酸、鹹、辣於一體。 ▲雖然店內冇冷氣,不過就有米芝蓮加持,好多人都叫野食叫到成台都係,為既係要一遢創新意味泰式料理。 ▲佢地製作既Pad Thai同出面唔同之處除左係佢係大碟左之外,用料非常講究,用尖竹汶粉條、泰南的蝦乾、自家製作豆腐、豆芽菜以及20種調味料調配出來。 ▲Pad Thai又有烤雞扒、螃蟹、大蝦3個配料選擇。 ▲新鮮蟹肉真係大大隻(Phad Thai Phoo/280銖) ▲烤雞肉(Phad Thai Gai Yang/190銖) ▲芒果糯米飯,芒果鮮甜,加入班蘭汁既糯米飯又有另一份幽香。 ▲泰式串燒 (180銖)味道惹味 ▲店面都係天空藍色 ▲好多食客唔識路既都會搭tuk tuk前往! ▲椰子雪糕會有好多配料附上,包括花生碎、煉奶、糯米飯,雪糕好濃稠,椰子味突出。 Baan Phad Thai 地址:21-23 Soi Charoen Krung 44, North Sathorn, Bangkok, 10500(從BTS的SaphanTaksin站下步行10分鐘。)營業時間:11:00-22:00電話:02-060-5553-4 文字來源:香港人遊香港/圖片來源:@xiaohongshu...
呢間宵夜食店獲米芝蓮推介﹐以鑊氣小炒而聞名,小編尤其對拔絲咕嚕肉最深刻印象,酸酸甜甜以山楂汁煮成濃稠,掛上鬆脆可口肉塊,帶有拔絲效果。燒乳鴿亦係台台必點菜式!燒乳鴿外皮薄香脆,食落清鮮肉香,肉嫰多汁! ▲咕嚕肉酸甜汁係佢既亮點;香脆外表包著鬆化肉質! ▲花甲蒸水蛋,選用花甲大大隻食落鮮嫩無比 ▲燒乳鴿肉細皮香,嫩滑又juicy ▲龍蝦+煎米粉底-龍蝦啖啖肉,煎米粉底口感鬆化,最適合宵夜送酒! 聚興家 地址︰太子砵蘭街418號地下電話︰2392 9283 文字來源: 香港人.遊香港/圖片來源:@wtforkshouldieat、@travellifeisperfect、@xiang.lian、@calvinnnchan...
呢間16-17年獲得米芝蓮推介既泰國菜至今仍大受歡迎,餐廳位於小巷中,店主來自泰國東北,煮出黎美食口味正宗,當中雞飯真係有泰國當地風味!不得不提港人最愛、share食最合適既串燒,沙爹醬汁花生味濃郁,口感帶甜,燒得入味咬落都好juicy! ▲冬蔭功湯($45)使用大虎蝦同香料熬製而成,份量十足,味道有層次,時而帶辣及酸﹐後勁帶甜! ▲呢度串燒($12/串)選擇都幾多,有豬、牛、雞、雞腎、雞翼選擇。全部都燒得外脆內嫩,加埋秘製沙嗲醬好惹味! ▲泰式金邊粉($60)幼細彈牙,以用茄汁炒底,炒得有鑊氣,食落亦香口惹味! ▲泰式海南雞飯($42),雞肉嫩滑,雞皮都唔肥易入口! ▲脆豬海南雞飯($48),脆豬炸得卜卜趣,非常香口! 旺泰特食 Sawaddee Thailand 地址:香港新界西貢福民路 58-72 號高富樓地下 15 號舖 文字來源: 香港人.遊香港/圖片來源:@popowp、@sumyee_622、@ottoyip、@foodtai_g_...
呢度老闆最喜愛煮食,尤其愛星馬菜,機緣巧合下將當地烹調方法帶回香港,以胡椒同生蒜作湯肉骨茶較有特色,以來自新加坡黑、白胡椒加生蒜熬成。愛辣既朋友就一定要試下招牌辣椒板麵,因為佢地加入左自家製乾辣椒醬,將配料同辣椒醬混埋,辣勁十足! ▲古滑雞飯($58)雞髀肉都好滑,雞肉上更加上原汁原味既雞汁,有埋油飯,真係食得好滋味。 ▲古月招牌肉骨茶(配古月茶及米粉或白飯)($78)帶肉既骨頭好入味,肉質軟腍! ▲招牌辣椒板麵($48)有5款配料包括江魚仔、肉燥、半熟蛋、葱及豬油渣粒,中間自家製乾辣椒醬先係靈魂所在。 ▲牆上手繪圖案都係老闆自己畫,好有星馬風情! 古月 地址:北角錦屏街 29號 A地下電話: 5347 1766營業時間: 12nn-3pm, 6pm-9:30pm 文字來源: 香港人.遊香港/圖片來源: @hoyan426、@mihofun、@r.w.h.l、@wukin1118...
呢間金鐘新餐廳最之前就同KiKi品牌合作,推出KiKi茶飲系列,必試以KiKi椒麻粉製作的椒麻奶蓋及川味珍珠,最近佢哋仲推出由米芝蓮二星大廚小西充先生創作嘅拌麵菜式,拌麵風已經由台灣紅到來香港,當中包括溫泉蛋肉味噌拌葱油太麵、胡麻棒棒雞拌小醋麵同埋咖喱牛肉湯麵,好吸引!同場仲會有一系列黑糖甜品,無論係滑溜嘅焙茶布丁定鬆軟嘅伯爵茶蛋糕配埋黑糖珍珠都好吸引! ▲KiKi胡麻棒棒雞拌小醋麵 ▲KiKi溫泉蛋肉味噌拌葱油太麵 ▲伯爵戚風蛋糕配黑糖珍珠 ▲KiKi咖喱牛肉湯麵 茶米 SUN’S BAZAAR 地址:金鐘道88號太古廣場1樓112號舖電話:2117 5903時間:11:00 – 21:00 圖片及文字來源: 香港人.遊香港...
呢間粵菜大飯店開業55年,更曾獲米芝蓮推介,馳名既古法菜如金錢雞令人食過翻尋味,古法菜製法繁複,採用上好豬肥肉,金錢雞外型看似油膩,甘甜蜜香,不過店主透露做埋11月中就唔做,計劃改成私房菜或燒臘店,到時有好多古法菜都未必食得到! ▲金錢雞做法非常繁複,將4種不同食材-肥豬肉、肝、一片叉燒、一片冰肉,疊成一個圓柱狀古代金錢大小,用鐵枝串起來去燒。 ▲金錢雞光澤油潤食落蜜甜油香、層次分明!怕油膩就可以拎個蒸包夾住食! ▲太爺雞($228/半隻)係得獎菜式之一,用茶葉、甘蔗、米跟糖來煙薰,薰制後,雞味濃而富煙薰香、肉質特別鮮嫩。 ▲雞蛋焗魚腸($88),用上鯇魚腸+油條+雞蛋焗至焦脆,洗魚腸需要小心去泥沙。帶肥膏魚腸同蛋漿 融為一體,魚腸又肥美而甘香。 得龍大飯店 地址:新蒲崗康強街25-29號地下電話:2320 7020/ 2322 3783營業時間:6:00am-11:00pm 文字來源:香港人.遊香港/圖片來源:@keithliig、@agnesmday、@earn_to_eat、@kayekongstyle...