Tags 甜品

甜品

熱門文章

銅鑼灣/ 尖沙咀甜品店:【抹茶控必去!日本人開嘅甜品鋪!】- Via Tokyo Dessert Cafe

呢間由日本人開設嘅甜品鋪,喺2016年獲 OpenRice 選為最佳甜品餐廳。佢主打抹茶同焙茶雪糕,仲有其他以抹茶為主嘅甜品,包括綠茶芝士蛋糕、綠茶蛋捲等等。呢到嘅抹茶粉唔係普通野嚟架,係來自日本高級嘅京都宇治抹茶粉,可以想像到抹茶味有幾咁濃郁,簡直係抹茶控嘅天堂,抹茶甜品多到揀唔落手!唔鐘意抹茶嘅朋友都唔洗驚,佢會不時提供季節性嘅水果甜品,喺最近堆出咗士多啤梨味嘅甜品,快啲拉埋抹茶控嘅朋友一齊食。

尖沙咀日系餐廳:【食得嘅文宣!「香港加油」嘅米粉班戟!】- 蜜庵本膳

呢間小有人氣嘅和風小店,主打米粉班戟同埋日式健康料理。當中嘅「一汁三菜」更係大受好評,店主考慮到均衡飲食的重要性,提供白飯同十穀飯供人選擇,注重健康飲食嘅朋友一定要試下,仲多款菜式可以選擇,例如車打芝士燒廣島蠔同埋三文魚子佐豆腐。而店主仲係班戟上印有「香港加油」嘅字樣,想為香港人打打氣。店內簡約嘅木系裝飾配合番柔和嘅燈光,充滿住日式感覺,無得去日本都可以係香港體驗下日本風情。

長沙灣蛋糕:【煙煙韌韌!好似芝士咁爆哂醬嘅糯米糍!】- 立糯

呢間蛋糕網店由一個後生女開設,原本係讀設計嘅Loewe,因爲鐘意整甜品,選擇係畢業之後投身甜品界,更於一年後自己創業。店內每款蛋糕都係由Loewe自己一個設計同製作,主打蛋糕中間嘅個層糯米糍,口味獨特而且更重要嘅係外面係賣唔到架,例如最近推出嘅茉莉香片開心果塔,採用低糖配方,啱哂想食蛋糕但又怕肥嘅你!雖然無實體店,但係店主提供咗位於荔枝角嘅蛋糕自取點,方便客人隨時可以上去嚟蛋糕。

便利店零食:【#深宵甜品系列!士多啤梨泡芙/瑞士卷+Hello Kitty班戟!】- 7-eleven

深宵想食甜品點算好呀?小編屋企唔算方便,不過樓下都有間7仔既,深宵甜品癮起時,有時候真係會救我一命!今次小編一次過掃左4款新推出便利店甜品,泡芙同瑞士卷都係以日本福岡甜王士多啤梨入饌,甜度極高,打開包裝陣陣香氣飄至!另外Hello Kitty樣既楓糖班戟以及朱古力包,都令一眾Kitty粉絲想將佢帶返屋企!

紅磡自助餐:【周末假日限定!烏龍茶/伯爵茶/抹茶主題甜品Buffet!】- Promenade西餐廳

紅磡呢間酒店Buffet咩時段都係性價比勁高,11、12月周末Tea Buffet以茶會友,以甜點為主打,將唔同茶主題甜點加入烏龍茶、港式奶茶、日本抹茶、伯爵茶,小編私心推介烏龍茶朱古力泡芙、伯爵茶朱古力磚同埋抹茶紅豆蛋糕卷,大部份原材料都係日本直送!榴槤迷一定要mark實佢地自家製榴槤甜品包括榴槤脆酥、榴槤班戟、榴槤蛋糕卷,今次Buffet 仲加入全新口味既Häagen-Dazs雪糕、脆皮雪糕批!

熱門標籤

熱門分類

【西貢必試新店!鹹蛋黃炸髀】

呢間新開嘅小店主打招牌即炸巨型魔髀,魔髀呎吋比一般常見嘅大至少兩個碼,雞髀大隻厚肉,連醃味都需要比平時多一倍時間!炮製方面會用猛火迫出雞脾多餘油份,再用慢火炸到金黃色,雞皮炸得非常脆薄,咬開後雞肉充滿肉汁,食落口感好過癮,再加埋新加坡直放嘅咸蛋黃醬,真係食到停唔到口!另外佢哋其他小食都值得一試,其中炸花枝丸新鮮彈牙、椒鹽豆腐爽香惹味! ▲火焰魔髀($30)-中意食麻辣嘅你一定唔少得。
Close Bitnami banner
Bitnami