食埋豆腐花黎個Field trip! 上水塱原濕地係本港現存最大片、最完整既淡水濕地。由400多塊農地組成,包括了西洋菜田、通菜田、沼澤、蓮田、等濕地。負責保育既組織長春社不時都會係塱原濕地農莊舉辦環保活動,令市民認識更多有關自然生態。 ▲一大片金黃色既油菜花田令人有錯覺唔似置身於香港。 ▲要捕捉蜜蜂同小黃花,就要花d心機喇! ▲香港油菜花,每年2月至4月是花期,天氣溫暖令花開得更美。 ▲沿路風景優美真是一個拍攝好地方。 塱原濕地 地址: 上水河上鄉交通:前往塱原濕地可以由上水站外乘51K(往河上鄉總站) 文字來源:香港人.遊香港/圖片來源:c.wnt,haru.o_q,塱原濕地開心有機農場...
呢度既二手書老闆曾經歷加租結業,後來再重開,一直希望延續書本生命,令更多愛書之人識得欣賞每一本書本。精神書局一直以二手書的市場為主,為左吸引更多人重拾閱讀書本的樂趣,引入單車租借的計劃,希望文青們可以踏單車。除左西環店之外,亦設有上門收書服務,將家裡書本全部收走。 ▲唔講大家未必知,老闆細個時做過童星架!最廣為人知就係佢做過《大時代》少年方展博! ▲逾半世紀歷史二手書店精神書局已經傳到第三代,近年少左年青人鐘意閱讀,因此老闆諗到引入單車租借,比起共享單車,多一份暖暖的人情味! ▲精神書局老闆努力經營,日頭就去各區收舊書,下午回來看舖,到店面關門才有時間為書本定價上架。 ▲精神書局書籍種類繁多,各位文青不妨去尋下寶!睇完既書本都會有變成垃圾既一日,可以有個地方令佢地重生既一日。 ▲睇完既書本都會有變成垃圾既一日,可以有個地方令佢地重生既一日。 精神書局 地址: 西營盤德輔道西408號營業時間: 11:00–21:00電話: 2559 3913 文字來源:香港人.遊香港/圖片來源:singau, olivejwj, jennifer_ching28,yellowballoon911...
今日想介紹下西營盤一間隱世西餐廳#張三。起初聽到店名就諗起一首經典老歌叫做「張三的歌」,仲以為因為老闆叫張三,所以開間鋪叫「張三」。 一問之下,原來店名背後有一個故事。#張三代表張家一家三口經營既意思。張爸爸本身係酒店廚房出身,有多年入廚經驗,一直都想開一間西餐廳。張女兒知道爸爸有呢個心願,工作左幾年儲左啲錢,就同張媽媽一齊游說張爸爸開餐廳完成佢既心願,自己更親力親為同媽媽負責餐廳樓面同雜項。就這樣,#張三就誕生。孝順女能夠幫爸爸完成心願之外,將酒店質素既食物帶回「家」既味道同價錢,其實都係食客既福。 食物睇落好味,食落美味之餘,背後既故事添加左一份濃濃溫情既人情味添!正! ▲好簡潔既門面,無花巧既裝飾,整個設計風格好搭配。 ▲以西餐廳黎講,店鋪唔算大,桌子亦唔多。正正因為呢種小小既空間先營造到家中溫馨既感覺,好適合一家人或三四個閨蜜邊食邊傾。最特別都係佢個開放式廚房同牆上既粉筆插畫,透明度咁高既西餐廳真係好少見呀。 ▲京蔥鴨腿醬油炒意粉 ($140) 呢個係張爸爸自創菜式,係一個fusion菜,亦係餐廳既生招牌。鴨髀用傳統滷水汁慢煮三個鐘,有客人叫先煎香,做出微脆肉嫩口感,加上餐廳所有意粉都出名al dente,客人食過都讚好。 ▲血瑪莉虎蝦意粉($162)食西餐配雞尾酒唔陌生,但將雞尾酒加入意粉中成為味道既基調卻係唔常見既煮法。聽到血瑪莉都知道呢個意粉既有VODKA既乾烈又有Tabasco既辣感。鍾意食辣既你一定要黎試下!! ▲忌廉蟹肉意大利飯($162) 呢個飯最大特色就係極多蟹肉,忌廉意大利飯之上鋪滿白色既蟹肉,肉眼睇分唔清飯多定蟹肉多,只知道食落去啖啖都有蟹肉同海水既咸香味。不得了,小編一邊介紹一邊流梗口水喇! ▲蝶豆檸檬梳打($42) 介紹左幾款美食都要介紹下飲品。碟豆花有健康功效外,佢既紫藍色幾乎配上任何飲料都會添加一份夢幻感,加上檸檬梳打有清新既感覺,係進食濃味西餐後一種消滯飲料既最佳選擇。要順帶一提,餐廳為支持環保,不計較成本咁將所有凍飲用上紙飲管,值得一讚!! 張三 地址:西環西營盤第三街133號豐盛大廈地下A號舖電話:54243985營業時間:星期一至星期日(星期三休息外) 1100-2130 文字/圖片來源: 香港人.遊香港...
呢間店喺灣仔同上環都各有一間,雖然位就唔多,但係因為有幾個開放式吧枱位仔,客人可以望住咖啡師沖咖啡,拉近番大家之間嘅距離。呢到最特別嘅應該係拉花,咖啡師除咗會拉一啲可愛特別嘅畫花之外,仲會因應時節拉出符合當下嘅畫花,最啱就係影相打卡。它係一間好提倡環保小店,成日以優惠鼓勵走塑。例如,只要自己帶咖啡杯嚟購物即磨咖啡,就可以享有$10優惠購買。而且,店內仲會出售不鏽鋼飲管同咖啡杯,希望無咖啡杯嘅人都可以加入環保行列。店鋪嘅裝飾都偏向文青風,放置咗唔少關於烘焙同咖啡嘅書,配合埋賞心悅目嘅音樂,真係令人放鬆不少。得閒嘅話,就一個人嚟呢到,享受下一個人嘅時光喇! ▲ Mocha ($35),濃郁嘅抹茶香,帶點甘甜,喺上面拉出可愛嘅畫花,真係吸引到一眾嘅抹茶控嚟呢到朝聖啊! ▲ 地上嘅雨水渠蓋都係店主嘅特別設計,同街外嘅渠蓋有明顯嘅分別,枱上仲畫有「盼自由歸於這裡」嘅圖,提醒一眾手足勿忘初衷。 ▲ 靜雞雞蛋糕,靜雞雞話你知得上環先有架炸,唔好去錯灣仔啊! ▲ 新鮮烘焙嘅pastry,熱辣辣,真係食過番尋味! ▲ 店鋪以Tiffany Blue顏色為主,俾人一種高貴嘅感覺,同朋友打卡影相一流。 The Corner Coffee (灣仔) 地址:灣仔港灣道2號地下電話:6564 3143營業時間:09:00 – 18:00 (星期一至五)、10:00 – 19:00 (星期六至日) The Corner Coffee (上環) 地址:上環皇后大道中378號福陞閣地下22號舖電話:6564 3143營業時間:09:00 – 18:00 (星期一至五)、10:00 – 19:00 (星期六至日) 文字來源:香港人遊香港、圖片來源:@thecornercoffee_hk、@fredadafoodie...