呢間咖哩專門店係灣仔打工仔不嬲都係榜上有名,近日老闆娘更勇武地一句「唔做冇良心既人生意」趕絕護旗手譚詠麟,獲得唔少人支持同「懲罰」,日日lunch 都大排長龍,十居其九都係黎食呢度既招牌咖喱炸豬扒飯,選用豬里脊肉,處理過程一d唔簡單,先用陰力拍鬆同拍薄,再裹上秘製脆漿,豬扒雖然巨大,但係師傅火侯控制得宜,炸到恰到好處。再配上微辣辛勁既港式咖哩,真係送飯一流! ▲咖哩豬扒飯($70):豬扒輕輕沾上一層炸漿及麵包糠,成品色澤金黃誘人。食落啖啖肉口感,多汁肉腍,肉質外酥裡嫩,最香最好食係連骨帶肉既位置,食落香口脂香四溢 ▲咖哩豬扒飯($70):咖喱味道辣中帶微甜,又有印度咖喱風格口味 ▲每份咖喱汁中間都有一大塊薯仔,燜煮後加埋甘香既咖喱汁,夠香濃! ▲心水清既食客都會選擇外賣豬扒飯($45):因為價錢平一大截!不過外賣始終冇堂食咁好食。 ▲呢度另一名物乾炒牛河($50):河粉炒得均勻,每條都掛上醬油汁,配料厚切牛肉份量多。 新景園咖喱小廚 地址:灣仔春園街20號地舖 電話:25749172 文字來源:香港人遊香港 / 圖片來源:@tloveb2sweet、@k.linglingling_、@ctfoodr、@trevor.teo、@sakurafoodie...
農曆新年呢啲咁傳統嘅節日,灣仔築地就同本地插畫師小克合作,帶黎聾貓賀新春!一如以往有聾貓裝飾同靚靚打卡位,4款聾貓賀年主題美食都好吸引,聾貓樣既極上魚生飯真係萌爆,有成10款刺身!迷你聾貓叉燒烏冬既流心蛋印有聾貓公仔,一口聾貓漢堡又得意又好味,食完就一定過隔離食埋大大杯既聾貓雪糕筒,有牛奶味同宇治抹茶牛或者扭紋款,2個人share就岩岩好喇!另外今次主題商品都非常吸引,小編覺得聾蝦蟹最岩新年拜年一齊玩喇!順帶一提,呢度情人節都會有特別安排架,聾貓會現身同打卡,同埋會有特別版既聾貓極上魚生飯架! ▲灣仔築地又轉promotion!以聾貓得意形象同大家賀年! ▲聾貓形象百變! ▲聾貓極上魚生飯($338)聾貓成座山咁坐係到!計埋下面d角切刺身,都有成10款咁多!其中以海膽、三文魚籽和吞拿魚鋪面,取材新鮮! ▲迷你聾貓叉燒烏冬($78)溫泉蛋有聾貓圖案,真係唔捨得食呀!不過小編特別欣賞自家製鹿兒島茶美豚叉燒,同麵豉湯烏冬真係好正! ▲一口聾貓漢堡 ($148)漢堡有兩款分別係煙三文魚帆立貝漢堡及芝士牛肉漢堡,漢堡以多士烘有聾貓圖案!配有清新既田園野菜沙律清清味蕾。 ▲Via Tokyo 聾貓雪糕筒(牛奶味 $47 / 宇治抹茶牛奶味 $49 / 宇治抹茶味 $49)牛奶雪糕密度好高,質地較硬身,特別之處係橙味迷你聾貓曲奇 ▲場內仲設有1米高聾貓、咇咇毛公仔比大家free hug! ▲「聾山貴竹賀新年」必影打卡位 ▲聾山貴竹賀新年 限定商品-聾蝦蟹:玩法同魚蝦蟹一樣,夠哂本土呀! ▲招財聾貓公仔 連盒 (黑色)(零售價: $148 換購價: $128)黑金色聾貓原來有辟邪消災功效! ▲招財聾貓公仔咕臣 ▲聾吉都好得意!...